Filippian 4:8 - Chahta Holisso Holitopa 1886

⁸ Ishtaiyopi ka itibapishi li ʋhleha ma! nana hosh a̱hlikma, nana hosh holitopakma, nana hosh ai ʋlhpiesakma, nana hosh kashofakma, nana hosh aioklikma, nana hosh annoa achukmakma, nan ai ʋlhpesa inla yʋt a̱shakma, anonti aiokpancha he ʋlhpesa kʋt a̱shakma, ilʋppa puta kash hʋsh anukfihinlashke.

Filippian 4:8 Iomraidhean Croise

Genesis 18:19

Yʋmmak ash osh im ʋlla ʋhleha ha̱, micha in chuka achʋfa et iakaiya ka̱ im api̱hi̱sakma, Chihowah i̱ hina ya̱ holitoblit aiʋlhpiesa ai atokowa kak o̱ yʋmihcha hi ya̱ ithana lishke; yʋmohmi ho̱ Chihowah yʋt Eblaham a̱ isht anumpuli tuk ʋt im aia̱hlicha hi oke, achi tok.

2 Samuel 1:23

Sal, micha Chonahlan ita tuklo kʋt okcha̱yʋt a̱shwa mʋt, holitopa, micha achukma tuk oke, atuk osh illi mʋt, ik it i̱ filʋmmo tuk oke; shinimpa kʋt o̱ssi ya̱ i̱ shahlit okla cha, kʋllo kʋt koi chito ya̱ i̱ shahlit okla tuk oke.

2 Samuel 23:3

Islael in Chitokaka ʋt yak achi tok, Islael in Tʋli chito ʋt ʋm anumpulit, Hatak ʋhleha ha̱ pehlichi kʋt aiʋlhpiesa he ʋlhpesa, Chitokaka ya̱ i̱ nukwia hosh pehliecha he ʋlhpesa hoke.

Atʋloa 82:2

Hupakih kʋtiohmih fohka ho̱ nan ik ʋlhpeso ho̱ hʋsh ʋpesakmʋt, hʋttak haksi ʋhleha ha̱ hulittobli kʋt inla hʋsh i̱ shʋlihcha chi̱h choh? [Yukopa.

Mahlu 22:16

Mihmʋt ilap nan im ai ithʋna ʋhleha ha̱, Helotian iksa ai itapeha ho̱ pit in tihleli mʋt, Nan ithʋnanchi ma! chishno ʋt aia̱hli chia achukma chatuk; mikmʋt Chihowa i̱ hina aia̱hli mak o̱ ish ithʋnanchi chatuk, hatak nana kia nan isht ik chim ahobo chatuk; mikmʋt hatak ʋt chim it i̱ shashohli keyu chatuk a̱ il ithaiyanʋshke.

Mark i̱ Holisso 6:20

Helot ʋt Chan yʋmmak okʋt hatak ai ʋlhpiesa, micha ai a̱hli achukma hoka ithana hatuk osh, holitoblit nan ik i̱ kanihmo ka hi a̱ ahni tok; mihmʋt yʋmmak ash im a haponaklot, nana ka lauachit ai yʋmoho̱mi, mihmʋt na yukpʋt i̱ haponaklo beka tok.

ʋBanumpa Luk Ʋt Holissochi Tok 16:15

Mihma yʋmmak ash o̱, Hʋchishno ak osh hatak itikba ya̱ ai il achukmʋli hʋchia mak oke: yohmi kia Chihowa hʋt hʋchi chu̱kʋsh puta ka ithaiyanʋshke: nana kʋt hatak a̱ im a holitopa fehnakma, Chihowa hʋt ai i̱ nukkilli mak oke.

ʋBanumpa Luk Ʋt Holissochi Tok 2:25

Yʋmohmi ma yakeh! hatak Simeon hohchifo hosh Chelusalem a̱ anta tok: yohmi kʋt yʋmmak okʋt hatak ʋlhpiesa, Chihowa ma holitobli aia̱hli hosh Islael okla na‐yukpali a̱ pit hoho̱yo hosh anta tok: yohmi ma yʋmmak oka Shilombish Holitopa yʋt anukfoyuka tok.

ʋBanumpa Luk Ʋt Holissochi Tok 23:50

Mihma hatak ʋt Chosef hohchifo nan‐apesa, micha hatak aia̱hli achukma hosh anta tok.

Chan 7:18

Kʋna kia peh ilap ahni hosh anumpuli hokʋto ilap isht a holitopa he ak o̱ aiahni chatuk; amba auet kanchi tok ʋt nan‐isht a‐holitopa he ak o̱ aiahni hokʋto, yʋmmak osh aia̱hli, mikma nana ik ai ʋlhpeso nana kia ai a takali keyu hoke.

Apostel isht Anumpa 10:22

Mihma, Kanilis Kʋpitʋni hatak a̱hli, micha Chihowa ya̱ i̱ nukshohumpa cha tuk, micha Chu okla moyuma ka ai im annoa achukma hosh ahanta chatuk, yʋmmak osh in chuka ya̱ ish ona chi̱ ka, chi hoyo cha, anumpa ha̱ chi a hakla chi̱ ka, Chihowa yʋt enchil holitopa ya̱ isht ai im anoli tuk oke; okla achi tok

Apostel isht Anumpa 22:12

Mihma hatak achʋfa ʋbanumpuli nan ʋlhpisa ya̱ isht ai a̱hli, Ananaiʋs osh, Chu ʋhleha yʋmma ai asha ka moma ai im annoa achukma chatuk osh,

Apostel isht Anumpa 6:3

Yohmi hoka il itibapishi ʋhleha ma! hʋsh ai itʋpeha ya̱ hatak untuklo annoa achukma chatuk, nan imponna, micha Shilombish Holitopa anukfohka aiena ho̱ hʋsh atokoli na, yʋmmak o̱ nan ai isht ʋtta ilʋppa e hiohlechashke.

Loman 13:13

Nitak itʋnowa yak o̱ chiyuhmit ai ʋlhpiesa hosh il itʋnowashke: haksi, micha tasimbot tasali keyu, itiba nusit isht a haui keyu, itachowa, micha it i̱ potʋnnot hʋch ik it i̱ nukkillo kashke.

Loman 13:3

Nan ʋlhtoka ʋhleha hoka nan toksʋli achukma yak osh ai i̱ nukshopa yo̱ keyu hoke: amba nan ik achukmo toksʋli yak oke. Yakohmi ka nan ʋlhtoka yoka chishno yʋt i̱ nukshopa la he, chik ai ahno cho? Nan achukma kak o̱ ish yʋmohmashke; mikmʋto yʋmmak ash o̱ ish im a holitopa hi oke.

Loman 14:18

Yohmi ka kʋna hosh nana ilʋppak fehna ka Klaist a̱ isht im antia hokʋno Chihowa yʋt ahninchi, mikmʋt hatak puta kʋt ʋlhpesa ai ahni hoke.

Loman 2:29

Amba im anukfila anu̱kaka yokʋto Chu oke; mikma hakshup tʋpa yʋto chu̱kʋsh anu̱kaka yak oke; yʋmmak oka hatak okʋt ahninchi keyu, amba Chihowa yak oke.

1 Kolinhlian 4:5

Yʋmohmi hoka Chitokaka yʋt ik lo ki̱sha ka tikbalinchit nan isht anukfillit hʋch ik apeso kashke, yʋmmak osh ai okhlilika ya̱ nana kʋt a luma puta tuk a̱ otʋninchikmʋt, anonti chu̱kʋsh im anukfila puta hatuk ma haiakahancha hi oke; yʋmohmi ha ya hatak moma kʋt nana ai isha he ʋlhpesa tuk ʋt Chihowa ya̱ im ai isha hi oke.

2 Kolinhlian 13:7

Micha Chihowa ya̱ pit im asilhha li kʋt, nan ik ʋlhpeso ka ik hʋchi yʋmohmo ka he ak oke: il ai a̱hli kʋt isht il otʋna he ak keyu, amba ik ai a̱hlo yo̱ pia e chiyuhmi kia, hʋchishno yokʋto nana achukma kak o̱ hʋsh yʋmohma he ak oke.

2 Kolinhlian 6:8

Nan isht holitopa, anonti nan isht ik holitopo, nan ik achukmo isht annoa, anonti nan achukma isht annoa; na haksichi yo̱ chiyuhmi, yohmi kia ai a̱hli bieka;

2 Kolinhlian 8:18

Yohmi ma ʋbanumpa pulla hatuk mak o̱ chʋch hiohli moma ka im a holitopa il itibapishi ha̱, tuklonchit pit e pila hatuk.

2 Kolinhlian 8:21

Chitokaka itikba ak illa keyu, amba hatak puta itikba yak kia, nana kʋt ʋlhpiesa ho̱ isht iloh il otʋnincha hetuk oke.

Kaleshan 5:22

Amba Shilombish o̱ isht ai ʋni hokʋto, I̱ hullo, nayukpa, it i̱ nanaiya, nuktaiyalʋt nokowa sʋlaha, anukfila yohbi, nana achukma yʋmohmi, na yimmi,

Efeshan 4:25

Yohmi hokʋt na holabi puta naksika bohlit anumpa a̱hli in chuka panta hatak a̱ hatak moma kʋt im anumpulashke; haknip il itib achʋfa hokʋt:

Efeshan 5:9

Shilombish isht ai ʋni hokʋto nana achukma bieka, micha nan aiʋlhpiesa yʋmohmi, micha anumpa a̱hli yak oke.

Efeshan 6:14

Yʋmohmi ka anumpa ai a̱hli isht ʋskofaiyachit nana isht ai ʋlhpiesa ikkishi alata ho̱ foyukʋt,

Tutelonomi 16:20

Aiʋlhpiesa bieka kak o̱ ish iakaiya hi oke; yʋmohmi hosh chin Chitokaka Chihowah yʋt yakni chima ka̱ chi okcha̱ya cha ieshit ish aiasha hi oke.

Filippian 3:1

Ishtaiyopi ka itibapishi li ʋhleha ma! Chitokaka ya̱ hʋsh ai yukpashke. Nana kʋt mihi yo̱ ash inli ho̱ hʋchi̱ holissochi li kʋt, ʋm ahchiba keyu mʋhli, amba hʋchishno yak osh isht hʋchi a hlampka chi̱ kak oke.

Koloshan 4:5

Kocha ai asha ka i̱ hopoyuksʋt itʋnowʋt, nitak ik hʋchi̱ kʋnio hosh nan isht hʋsh il im ahantashke.

1 Hlessalonian 4:12

Yʋmohmi hosh kocha a̱sha ka ai ʋlhpiesa ho̱ hʋsh i̱ yʋmohmi cha, nana kia ik hʋch im ono kʋt iksho kashke.

1 Timohli 3:11

Tekchi ak kia yopunla keyu hosh im anukfila nuktanla, hotopali bʋnnʋt na‐mihachi keyu, nana ka ahah! ahni, nana moma ka ai a̱hli banashke.

1 Timohli 3:4

Yohmi kʋt ilap in chuka chʋfa ya̱ pehlichi kʋt imponna, im ʋlla ʋhleha hʋt im antia achukma chi̱ ka yopunla keyu hosh im anukfila nuktanla achukma hosh nana im apihi̱sashke:

1 Timohli 4:12

Chi himita kak o̱ isht ik chi̱ yukpo kʋt kʋna kia ik anto kashke; amba nan ish a kaniohmi, ish anumpuli moma, ish i̱ hullo, chu̱kʋsh nan isht ish ai ahni, na chi yimmi, haui imma anukfila iksho, ilʋppa puta ka ish yʋmohmi pulla na na‐yimmi ʋhleha hʋt chim ai ithʋnʋt chiakaiyashke.

1 Timohli 5:10

Yʋmmʋt hatak achʋfa tekchi atok, nan isht ʋtta achukma ka isht annoa achukma, ʋlla achukmalit hofantihinchi, hatak ik ithano nowʋt a̱ya ka nan im atahanli, ʋbanumpuli holitopa iyi kia im achihi̱fa, ilbʋsha ya̱ apelahanchi, nan isht ʋtta achukma puta ka achunanchi biekʋt isht ahanta cha tuk mak osh iba holissashke.

1 Timohli 5:2

Ohoyo sipokni ʋhleha hokʋno ishki chohmichit i̱ kanʋt nana ish i̱ mihakmʋt, anonti ohoyo himita ʋhleha hokʋno haui imma anukfilli iksho hosh, in tek chohmichit i̱ kanʋt nana ish i̱ mihashke.

Titus 1:8

Amba hatak ik ithano i̱ hullo, hatak achukma puta ka i̱ hullo, kostini, ai ʋlhpiesa, Chihowa holitobli, ile oktampli;

Titus 2:14

Yohmi kʋt yʋmmak ash osh ai ashʋchika puta ka a pi hlakofihinchi cha, pi kashofi na ilap immi okla holitopa fehna e toba cha, nan toksʋli achukma puta ka a yiminta hosh isht il ahanta he mak o̱, pi ʋlhtoba hosh illi tok.

Titus 2:2

Yohmi kʋt hatak asʋnochi puta kʋt ahah! ahni, yopunla iksho hosh im anukfila weki achukma, kostini, ʋbanumpa yimmi, it i̱ hullo, nuktanlʋt achunanchi aiena kʋt ai a̱hlashke:

Titus 2:7

Nan oklu̱ha ish a kaniohmi kʋt nan toksʋli achukma puta isht ai ithʋna yo̱ ish il otʋnihinchashke: nan ish abahanchi kʋt ai a̱hli kak bano, yopunla keyu hosh anukfila weki achukma hosh ish im abahanchashke;

Titus 3:14

Mikma pimmi yokʋt nan isht ai ʋni ik im iksho hosh ik anto ka chi̱ kʋt, nana ka ai yʋmohma he ai ʋlhpiesa nan toksʋli achukma puta ka achunanchit isht ahanta chi̱ kʋt, moyumʋt ithʋna mak inlashke,

Heblu 11:2

Yʋmmak atuk pulla kak o̱ hatak tikba ʋhleha hokʋt nan annoa achukma ka isht ai atokowa tok oka.

Heblu 13:18

Anumpa ilbʋsha isht hʋsh pi anumpohonlashke; yohmi kʋt nan oklu̱ha ka ai isht il akostininchi achukma ho̱ il ieshit ai ʋlhpiesa kak bano hosh il ahanta he il ai ahnishke.

Chemis 1:27

Na yimmi a̱hli, litcha ikshot, I̱ki Chihowa itikba takali kʋt, ʋlla ʋlhtakla ʋhleha, micha ohoyo i̱ hatak illi puta aiena ka nana kʋt im a palʋmmit aiasha ka, i̱ nowʋt a̱ya, mikmʋt yakni a̱ isht ik ile litehacho aiena ilʋppak oke.

Chemis 3:17

Amba na hopoyuksa ʋba ak o̱ a minti hatuk osh ʋmmona ka hanta achʋkma tuk mʋt, anonti it i̱ nanaiyachi, yohbi, ilap nan ahni ak bano keyu, nan i̱ nukha̱klo, micha nan ai ʋlhpiesa yohma he aiena kʋt alotowa, iti̱ shahsholechi iksho, micha peh il ahobi ʋt ik im iiksho chatuk oke.

1 Pita 1:22

Yʋmohmi ka Shilombish ak osh hʋchi anukfoyuka ho̱ ʋbanumpa ai a̱hli ka hʋsh im antia hosh, hʋchi shilombish a̱ hʋsh kashofi hatuk osh, itibapishi ʋhleha hoka ilahobi keyu hosh isht i̱ shahlichi fehna hosh hʋsh it i̱ hullashke;

1 Pita 2:12

Nana hʋsh a kaniohmi kʋt achukma hosh ʋbanumpa ik ithano okla ha̱ iba takla hʋsh ahantashke: yohmi na nana ik achukmo yʋmihchi chohmichit hʋchi̱ sanalit anumpohonli kia, nana achukma puta hʋsh yimihinchi ka pihi̱sakmʋt, Chihowa yʋt i̱ nowʋt a̱ya nitak oka yʋmma okla holitoblashke.

1 Pita 4:8

Mikmʋt hʋchishno inli hʋsh iti̱ hullo ai a̱hli fehna hosh nan oklu̱ha ka hʋchim i̱ shahli hosh hʋsh ieshashke: yohmi ka it i̱ hullo yak osh nan ai ashʋchika la̱wa kia ompohoma hi oke.

2 Pita 3:1

A̱ holitopa ʋhleha ma! ilʋppʋt holisso atukla mak o̱ himonasi ka pit hʋchi̱ holissohonchi li kʋt, ita tu̱klo ka nana ka isht hʋsh ithaiyana chi̱ ho̱ hʋchim anukfila tohwikeli tok a̱ isht okchʋli lishke.

1 Chan 3:18

Ʋm ʋlla chipunta ma! anumpa, micha isunlʋsh aiena kak bano ho̱ ishit kiloh it i̱ hullo kashke; amba nan isht ahanta, micha ai a̱hli mak ashke.

1 Chan 3:3

Yʋmma anukchieto hosh si yakohma he ahnit, yʋmmak ash ot kashofa achukma yatuk a̱ chiyuhmit momʋt ile kashofi hoke.

1 Chan 4:1

Holitopa ʋhleha ma! hopaii ilahobi lauʋt yakni a̱ atiapa hatuk oka, shilombish a̱ u̱hʋlinchit hʋchi yimmi na; amba Chihowa yak o̱ a minti hokma, nana tukmá, shilombish puta kash imomakachit hʋsh pisashke.

Luth 3:11

Yʋmohmi ka inta! sʋsotek ma! chi nukshopa ná; nana is sʋm ahni tuk a̱ moma chi̱ yʋmihchi lashke: ohoyo kostini chia ka ʋm okla moma tʋmaha holihta ai asha kʋt ithana hoka.