Filippian 4:7 - Chahta Holisso Holitopa 1886

⁷ Micha Chihowa im isht it i̱ nanaiya, yʋmmʋt im anukfila moma i̱ shahli yʋt hʋchi chu̱kʋsh, micha hʋchim anukfila aiena ka Klaist Chisʋs pulla hatuk mak o̱ atoho̱na chi̱ hoke.

Filippian 4:7 Iomraidhean Croise

Atʋloa 29:11

Chihowa hʋt im okla ha̱ ishit hlampko ima hi oke; Chihowa hʋt im okla ha̱ isht im ai achukma ishit yokpala he bano hoke.

Atʋloa 85:8

Chitokaka Chihowa hʋt nana ho̱ ʋnumpuli ka̱ haklo lashke; i̱ kanah achukma hosh im oklah micha i̱ hulittopa ʋhleha ha̱ im ʋnumpula chi̱ hoka̱: yohmi hoka̱ ik a hupoyuksoka ya̱ fʋlamʋt oklah ik iyo kashke.

Numbas 6:26

Chihowah yʋt i̱ holhponayo hanta hʋchi onochi cha a nuktaiyala hʋch imashke, hʋsh im achashke, ish achashke, im achi tok.

ʋBanumpa Luk Ʋt Holissochi Tok 2:14

Chihowa yʋt ʋba chaha moma i̱ shahli ya̱ ik a holitopá; mikmʋt yakni paknaka ma ik a nanaiyá: mikmʋt hatak a̱ nana achukma im anukfilli aiena kʋt ik ai ituyulá, ahanchi tok.

Chan 14:27

Nanaiya ya̱ hʋchi̱ bohli lishke: a̱ nanaiya ya̱ hʋch ima lishke: yakni ʋt ima chatuk a̱ chohmi keyu ho̱ hʋch ima lishke. Hʋchi chu̱kʋsh ʋt ik kaniohmokmʋt, anonti ik nukshopo kashke.

Chan 16:33

Ʋno pulla ho̱ nana anuktanla ka hʋsh iesha he mak o̱, ilʋppa puta ka isht hʋchim anumpuli lishke. Yakni paknaka yokʋno na palʋmmi puta kʋt a hʋchim aiasha he; yohmi kia hʋchi nuktanla achukmashke; ʋno ʋt yakni a̱ imaiyachi li tuk oke, im achi tok.

Loman 1:7

Lom aiasha moyuma Chihowa i̱ holitopa, ʋbanumpuli tohomba tok moyuma ka Pi̱ki Chihowa, micha Chitokaka Chisʋs Klaist ita tuklo nan isht i̱ kana, micha nan isht it i̱ nanaiya ita tuklo kʋt hʋchi anukfoyukashke.

Loman 14:17

Yohmi ka Chihowa apehlichika yokʋt nan impa, nan ishko kak o̱ keyu hoke; amba nan isht ai ʋlhpiesa, micha isht it i̱ nanaiya, micha Shilombish Holitopa ai isht ilaiyukpa yak oke.

Loman 15:13

Yohmi ka ai okcha̱yʋt bilia ya̱ pisa he ai ahni ya̱ in Chihowa yak osh isht ai yimmit ai isht it i̱ nanaiya, micha ai isht il aiyukpa moyuma ka hʋchi alotoli ho̱ Shilombish Holitopa nan isht ai a̱hli yak atuk pulla mak o̱ ai okcha̱yʋt bilia hʋsh isha hi okʋt, ai a̱hli fehnʋt hʋchi anukfoyukashke.

Loman 5:1

Yʋmohmi ka na yimmi pulla yak o̱ isht a pi ai ʋlhpiesa hatuk osh, pin Chitokaka Chisʋs Klaist ak atuk pulla mak o̱ Chihowa ya̱ il it i̱ nanaiya hoke.

Loman 8:6

Yohmi ka haknip nan ai ahni kak o̱ isht ahanta hokʋto isht ai illi yoke; amba Shilombish nan ai ahni kak o̱ isht ahanta hokʋto isht ai okcha̱ya, micha isht it i̱ nanaiya yoke:

2 Kolinhlian 10:5

Nan anukfilli ik ʋlhpeso puta, mikmʋt nan anukfilli chaha, yʋmmak okʋt Chihowa nan ithana ya̱ i̱ sanalit ilap inli ile chahʋchi moma ka ishit e kanchi, mikmʋt Klaist a̱ im antia chi̱ ka, nan isht pim anukfila moma ka e yukahanchi yoke.

2 Kolinhlian 13:11

Ishtaiyopi ka itibapishi li ʋhleha ma! na hʋchi yukpashke. Ai a̱hlit hʋchim ʋlhtahashke, ahopohla achukmʋt hʋchim anukfila achʋfʋt, it i̱ nanaiyʋt hʋsh ai ashashke; mikma Chihowa holitoblit nan isht it i̱ nanaiyʋchi yosh hʋchi anukfoyuka chi̱ hoke.

Kaleshan 5:22

Amba Shilombish o̱ isht ai ʋni hokʋto, I̱ hullo, nayukpa, it i̱ nanaiya, nuktaiyalʋt nokowa sʋlaha, anukfila yohbi, nana achukma yʋmohmi, na yimmi,

Efeshan 3:19

Micha Klaist ʋt nan isht pi̱ hullo ka ai ithʋna he atampa ka hʋsh ithʋna hosh, Chihowa isht alotowa moma kʋt isht hʋchi alotowa he ak atok.

Filippian 1:1

Pal, micha Timohliʋs, ita tuklo Chisʋs Klaist in tishu hʋt ʋbanumpa yimmi a̱hli ʋhleha Chisʋs Klaist ibafoyuka Filippi ai asha, bishop puta, micha chʋch nan isht im ʋtta puta aiena ka pit aiokpʋchi kʋt,

Filippian 1:2

Pi̱ki Chihowa, micha Chitokaka Chisʋs Klaist ita tuklo nan isht i̱ kana, micha isht it i̱ nanaiya aiena kʋt hʋchi anukfoyukashke, hʋchim ahnishke.

Filippian 4:19

Yohmi ka an Chihowa holitopa fehna kʋt Chisʋs Klaist pulla kak o̱ nana a hʋchi bʋnna moma ka hʋchim atahla hi oke.

Filippian 4:21

Ʋbanumpa yimmi Klaist Chisʋs ibai achʋfa ʋhleha ha̱ hʋsh aiokpʋchashke. Itibapishi li ʋhleha hʋt si api̱hʋt ma̱ya kʋt hʋchi aiokpʋchishke.

Filippian 4:9

Nana puta yʋmma hʋs sʋm ai ithʋna, micha hʋsh ishi, micha hʋsh ha̱klo, micha hʋs si a pi̱sa aiena tuk ʋt hʋsh yʋmohmashke; yohmikma Chihowa im isht it i̱ nanaiya yʋt hʋch ibafoyuka chi̱ hoke.

Koloshan 3:15

Micha it i̱ nanaiyʋchi Chihowa a minti ʋt hʋchi chu̱kʋsh a̱ foyukʋt nana hʋchim apesashke, yʋmmak a he ak o̱ haknip achʋfa hʋsh toba chi̱ hosh hʋchi ʋlhtoka tok oke: micha yak oke, hʋsh ahnashke.

2 Hlessalonian 3:16

Chitokaka it i̱ nanaiyʋchi ilap ak osh ik kaniohmi kia isht it i̱ nanaiya ya̱ hʋch ima na biliashke. Chitokaka yʋt hʋsh moma ka hʋch ibafoyukashke.

Heblu 13:20

Yohmi na nan it i̱ nanaiyʋchi Chihowa yʋmmak osh nan it im ʋlhpisa bilia issish ak atuk pulla kak o̱ Chukfʋlhpoba apesʋchi chinto, pin Chitokaka Chisʋs okʋt illi tuk a̱ falaminchit tanichi tok okʋt,

Chute 1:1

Chute, Chisʋs Klaist in tishu, micha Chemis itibapishi hokʋt, I̱ki Chihowa ya̱, i̱ holitopa ʋhleha, micha okcha̱ya he ʋlhtoka tok; micha Chisʋs Klaist ak atuk pulla kak o̱ ai a̱hlit i̱ yimmit ma̱ha̱ya yʋmmak o̱ pit i̱ holissochi kʋt,

Nan Otʋni 1:4

Chan ʋt Asia yakni chʋch a hiohli untuklo ka pit aiokpʋchi; yʋmmʋt okcha̱yʋt ahanta kʋt, yʋmmak osh okcha̱yʋt ahanta tok osh, anonti himak a pilla ka okcha̱yʋt ahanta he mak o̱ nan isht i̱ kana, isht it i̱ nanaiya aiena kʋt a minti, yʋmma im ai o̱ binili holitompa itikba ya̱ a hieli Na shilombish untuklo aiena ka a minti;

Nan Otʋni 2:17

Kʋna hosh haksobish ʋt i̱ hinli hokʋto, Shilombish Holitopa yʋt chʋch ʋhleha ha̱ nan ok im ahanchi puta ka haklashke. Kʋna hosh nana ka imaiyachit a hlopulli hokʋto, mihi yosh manna lumpoa ʋpa chi̱ ka ima likmʋt, anonti tʋli tohbi yo̱ yʋmma hohchifo himona yosh a holisso, yohmi ka yʋmma hatak nana hosh ithana he keyu, amba ishi tuk ak illa hosh akostininchi mak o̱ ima la hi oke.