Filippian 4:6 - Chahta Holisso Holitopa 1886

⁶ Nana kia isht ik hʋchi ataklaiyamo kashke; amba nana puta ka anumpa ilbʋsha anumpulit asihi̱hlʋt aiokpahanchi hosh nana a hʋchi bʋnna kʋt Chihowa ya̱ im annoho̱washke.

Filippian 4:6 Iomraidhean Croise

1 Mi̱ko 8:28

Yohmi kia chin tishu hʋt anumpa ilbʋsha anumpohonli ka, micha a̱ nukha̱klokbano ahnit, chim asihi̱hla ka ish aiokpanchi cha, himak nitak a̱ chin tishu hʋt chi tikba chi̱ pa̱ha̱yʋt, anumpa ilbʋsha anumpohonli ka ish haiyaklashke, an Chitokaka Chihowa ma!

Atʋloa 51:15

A̱ Shahlih ma, sʋttiʋlbi ya̱ ish wʋkʋmmashke; mikma̱ sʋtih hʋt chim ahulittopa ya̱ ʋno̱ho̱la chi̱ hoke.

Atʋloa 55:17

Opyaka, onnahinlih micha tʋbokolih aiena ka̱ ik sʋm ʋlhpesot ʋnumpulit sʋtih kucchi la chi̱ hoke; ʋm ʋnnumpah hakloh pulla chi̱ hoka̱.

Atʋloa 55:22

Nan isht a chi̱ weki ya̱ Chihowa hak o̱ ish onucchashke; mikma̱ yʋmmʋt chi hʋllʋlla hi oke; ai ʋlhpiesa ya̱, ik kʋnʋllí, im ahna he keyu hoke.

Atʋloa 62:8

Oklah ʋhlehah ma, nittak moma ka̱ hʋsh anukchietashke, hʋchi chu̱kʋsh a̱ itikba hʋsh fuhoblashke; Chitokaka yʋt pim ai ʋtukko yoke. [Yukopa.

Mahlu 10:19

Yohmi kia hʋch isht oho̱na ka, kanimihchit, micha nana ho̱ hʋsh anumpula he aiena kʋt hʋch ik anukfillo kashke: nana ho̱ hʋsh anumpula hi a̱ hʋshi kanʋlli ʋlhpisa yʋmmak inli ho̱ hʋchi anukfohka hi oka.

Mahlu 13:22

Mikma kʋti foka yo̱ na nihi ai ishi kak kia ʋbanumpa ha̱ haklo kak oke; yohmi tuk o̱ yakni ilʋppak inli nana ai anushkunna, micha nan in laua bʋnna kʋt isht ashʋchi aiena kʋt ʋbanumpa hatuk ma ai olʋbbit ishi na ik ʋno toba kak oke.

Mahlu 6:34

Yohmi hoka onna ha ya hi a̱ nana pit anukfihinlit isht hʋch ik ilbʋsho kashke; onna ha yokʋto ilapo inli nan isht il ai anukfihinlit isht ilbʋsha hi oka. Nana ik ai achukmo itonla kak osh nitak oka im ʋlhpesa hoke.

Mahlu 6:8

Yohmi hoka yʋmmak oka hʋch ik holbo kashke; nana a hʋchi bʋnna puta hokʋt hʋch ik im asilhho ki̱sha kak inli ho̱, hʋch I̱ki ʋt ithana hoke.

ʋBanumpa Luk Ʋt Holissochi Tok 10:41

Mihma Chisʋs ash ot afalaminchi mʋt, Mahla ma! Mahla ma! nana ka ahalaiʋt im anukfila isht ik chim ʋlhpieso kʋt chin lauʋshke.

ʋBanumpa Luk Ʋt Holissochi Tok 12:22

Mihmʋt nan im ai ithʋna ʋhleha hash, Yʋmohmi hoka hʋchi ai okcha̱ya hi a̱ nana ho̱ hʋsh pa he; mikmʋt hʋchi haknip ma nana ho̱ hʋsh fohka hi a̱ anukfillit hʋch ik ilbʋsho kashke, hʋchim achi lishke.

ʋBanumpa Luk Ʋt Holissochi Tok 12:29

Yohmi hoka nana hʋsh impa he, mikmʋt nana hʋsh ishka he aiena kʋt hʋch ik hoyo kashke; mikmʋt komuntʋt ik hʋchim anukfilo kashke.

ʋBanumpa Luk Ʋt Holissochi Tok 18:1

Mihmʋt yʋmmak ash o̱, Hatak ʋt ʋba pit anumpohonli kʋt bilia cha, ik in takobo ka he tuk a̱, nan isht ʋlhpisa ho̱ isht anumpulit achi mʋt,

ʋBanumpa Luk Ʋt Holissochi Tok 18:7

Yohmi ka Chihowa hʋt ilap osh ai atokoli tok mak o̱ nitak, micha ninak aiena ka pit in tahpahanla ka, im ile sʋlaha tuk mak osh, nan ai a̱hli achukma ka ik im apeso ka hinla cho?

1 Kolinhlian 7:21

Yuka chia hosh ʋbanumpa chi nukfohka ho̱? yohmi hokmʋt na yohmi chik ahno kashke; yohmi kia yuka keyu ish toba hinla hokmʋto, yʋmmak o̱ ish yʋmihchashke.

1 Kolinhlian 7:32

Yohmi hoka nan isht im anukfilʋt ik hʋchi komunto ka he ak o̱ hʋchim ai ahni lishke. Kʋna hosh itauwaya keyu hokʋto, kaniohmit Chitokaka ya̱ yukpala chi̱ kʋt, nana kʋt Chitokaka ai immi hak o̱ anukfihinli hoke.

2 Kolinhlian 1:11

Hatak laua pulla kak o̱ nan isht i̱ kana pi onʋtuyula tuk a̱, hʋchishno ak kia itapelʋt anumpa ilbʋsha isht hʋsh pi anumpohonli; yohmi ho̱ pishno pulla kak o̱ yak oke Chihowa ya̱ im ahni kʋt laua hi oke.

Efeshan 5:20

Nana puta ka pin Chitokaka Chisʋs Klaist isht hochihi̱fot Chihowa, yʋmmʋt I̱ki mak oka, yak oke ai ahnit, il aiokpahanchashke.

Efeshan 6:18

Shilombish anukfoyuka hosh anumpa ilbʋsha puta im anumpohonlit, asihi̱hla hosh achunanchit ahah! aha̱ni, micha ʋbanumpa yimmi puta ka isht hʋsh asihi̱hlashke:

Koloshan 3:15

Micha it i̱ nanaiyʋchi Chihowa a minti ʋt hʋchi chu̱kʋsh a̱ foyukʋt nana hʋchim apesashke, yʋmmak a he ak o̱ haknip achʋfa hʋsh toba chi̱ hosh hʋchi ʋlhtoka tok oke: micha yak oke, hʋsh ahnashke.

Koloshan 3:17

Micha anumpa hokmá, na kaniohmi hokmá, nana hoh kia hʋsh yʋmohmikmʋt, Chitokaka Chisʋs hochihi̱fot yʋmmak atuk mak o̱ I̱ki Chihowa ya̱ yak oke im ai ahnit, mominchit hʋsh yʋmihinchashke.

Koloshan 4:2

Anumpa ilbʋsha anumpohonlit, yʋmmak ash o̱ ai o̱kchʋt yak oke hʋsh aha̱nashke.

1 Timohli 2:1

Yohmi hoka nana ish a yʋmohma he ʋmmona kʋt, Chihowa hʋt hatak puta ka i̱ nukha̱klo ka yak oke pit im ai ahnit, anumpa ilbʋsha ish anumpuli kʋt, Chihowa hʋt hatak puta i̱ kanʋt, mi̱ko ʋhleha, micha nan ʋlhtoka ʋhleha aiena ka hopoyuksiacha he ak o̱ ish im asihi̱hla he chi atohno lishke; yohmi kʋt Chihowa ya̱ e holitobli, micha hatak nana il ai it i̱ kaniohmi puta kʋt a̱hli achukma hosh il ahanta hok mak osh pi okcha̱ya ta̱kla kʋt, it i̱ hullot it i̱ kanʋt il aha̱shwa hinla hoke.

1 Timohli 5:5

Yohmi ka ohoyo i̱ hatak illi a̱hli pulla, micha ʋlhtakla hokʋto, Chihowa ak o̱ anukchieto kʋt, nitak, ninak ita tuklo ka anumpa ilbʋsha anumpohonlit a bilia hoke.

1 Pita 4:7

Amba nan oklu̱ha kʋt ont ai ʋhla chi̱ kʋt atukonofʋshke; yʋmohmi hoka nana ka hʋsh ile oktambli cha, ahah! ahnit, anumpa ilbʋsha hʋsh anumpohonlashke.

1 Pita 5:7

Anukfila isht a hʋchi komunta puta ka yummak o̱ hʋsh onochashke: yohmi ka yʋmmʋt hʋchi anukfihinli hoka.

1 Samuel 1:15

Mihma Hannah ʋt afalamichit, Keyú, a̱ shahli ma! ohoyo chu̱kʋsh nukha̱klo sia hoke: oka pa̱ki, micha nan ishko kʋllo nana kia ishko li tuk keyu hoke, amba Chihowa itikba ya̱ sa chu̱kʋsh a kocha pit fohobli li hoke.

1 Samuel 30:6

Mihma Lewi ʋt ilbʋsha fehna tok: hatak puta kʋt ushi ʋhleha, micha ushetik ʋhleha aiyukali hatuk pulla kak o̱, okla moma kʋt chu̱kʋsh nukha̱klo hatuk osh, tʋli ishit boli ka miha tok oka, yohmi kia Lewi ʋt in Chitokaka Chihowa ya̱ ile hlampkochi tok.

1 Samuel 7:12

Yʋmohmi ma Samuel ʋt tʋli ishi cha, Mispeh micha Shen ititakla ya̱ hilechi cha, Ebenese hochifot, Ilʋppa ant ʋhli ka Chihowa ʋt pi apelʋshke, achi tok.