Filippian 4:5 - Chahta Holisso Holitopa 1886

⁵ Nana ka isht hʋsh il oktampli yʋt hatak moma ka im otaiyanashke. Chitokaka yʋt ʋla̱ hosi hoke.

Filippian 4:5 Iomraidhean Croise

Mahlu 6:25

Yohmi hoka hʋchi ai okcha̱ya hi a̱ nana ho̱ hʋsh pa he, micha nana ho̱ hʋsh ishka he aiena; mikmʋt hʋchi haknip ma nana ho̱ hʋsh fohka hi a̱ anukfillit isht hʋch ik ilbʋsho kashke, hʋchim achi lishke. Ilhfiopak ʋt ilhpak a̱ i̱ shahlikma, anonti haknip ʋt nafohka ya̱ i̱ shahli ho̱ keyu cho?

Mahlu 6:34

Yohmi hoka onna ha ya hi a̱ nana pit anukfihinlit isht hʋch ik ilbʋsho kashke; onna ha yokʋto ilapo inli nan isht il ai anukfihinlit isht ilbʋsha hi oka. Nana ik ai achukmo itonla kak osh nitak oka im ʋlhpesa hoke.

ʋBanumpa Luk Ʋt Holissochi Tok 21:34

Micha ahah! hʋsh il aiahnashke; yʋmmak keyukmʋt kanima kash inli ho̱ isikopa, micha na homi ishkot haksi, mikmʋt yakni ilʋppa antʋt nana ai okcha̱ya he anukfoyuka fehna aiena kak osh hʋchi chu̱kʋsh ma isht alotʋt atʋpa, yohmi na hʋch ik akostinincho ho̱, nitak yʋmmʋt a̱yʋt ant hʋchi̱ kohcha hinla hoke.

1 Kolinhlian 16:22

Kʋna hoh kia Chitokaka Chisʋs Klaist a̱ holitobli keyukmʋt, mihi yosh Anahlema, Malanahla mak ashke.

1 Kolinhlian 6:7

Yomohmi hoka himonasi kia anumpa itonochit nan im ʋlhpisʋt hʋsh ma̱ya hokʋt, nana hʋsh ashʋchi fehnʋshke. Nanta katiohmi ho̱ nan ik ʋlhpeso ka hʋchi onocha he hʋch ik im ahno hosh? nanta katiohmi ho̱ nana ka ik ʋlhpesachot hʋchim isha hi a̱ ʋlhpesa hʋchik im ahno hosh?

1 Kolinhlian 8:13

Yʋmohmi ka ilhpak ʋt itibapishi li ha̱ ibetʋblichi hokma, itibapishi li hash ak ibetʋblecho ka chi̱ kʋt, yakni ʋt talaia moma ka nipi nana kia ʋpa la he keyu hoke.

1 Kolinhlian 9:25

Yohmi ka hatak moma kʋt i̱ shahlicha he ahnit ile lushummi hokʋto, yʋmmʋt nana moma ka il ai oktampli hoke. Yohmi kʋt iachuka okpula hi o̱ isha chi̱ kʋt, okla ilʋppak o̱ yakohmi hoke: pishno yokʋto nan okpula he keyu kak oke.

2 Kolinhlian 10:1

Yʋmohmi kʋt Klaist chu̱kʋsh yohbi, micha chu̱kʋsh nukhobela iksho pulla ho̱, ʋno Pal sia hʋt hʋchi̱ kanʋt hʋchi tohono lishke; hʋchi takla antakmʋt, im anukfila akanlosi, amba hʋchi̱ filʋmmikmʋto, hʋchi̱ nukwa̱ya iksho sia mak oke.

2 Hlessalonian 2:2

Yohmi ka chekosi, shilombish tikbanli anoli yokmá, ʋbanumpa tosholi yokmá, pi̱ holisso hak okmá, nana hoh kia Klaist i̱ nitak ʋt auet olanlosi hʋchi̱ chohmit, hʋchim anukfila hʋt ik shanaiowot ik hʋchi komunto kashke.

Titus 3:2

Hatak nana kia kʋllakshichit isht ik anumpulo, it i̱ nokowʋt ik itachowo, amba anukfila yohbi, hatak moma ka i̱ kana aiena he mak o̱, ithana chi̱ ka ish im anohonlashke.

Heblu 10:25

Kaniohmi kʋt ai yʋmohmi chatuk a̱ chiyuhmit il itʋnaha he tuk ʋt kil isso kashke: amba nana ka it i̱ mihʋt, nitak yʋmmʋt ʋla̱ hosi ka hʋsh pisa kak osh, i̱ shahlichi fehnʋt hʋsh yʋmohmashke.

Heblu 10:37

Himak a pilla chekosi fehnakma ʋla hi atok ʋt, ʋla chi̱ kʋt sʋlaha hosh ʋla chi̱ keyu hoke.

1 Pita 1:11

Nitak katiohmi, micha nitak nanta, Chisʋs imi Shilombish ʋt yʋmmak ash anukfoyuka hatuk ʋt Chisʋs ʋt isht ai ilbʋsha he puta, micha yʋmohmi hosh isht a holitopa he aiena ka tikbanli atokolit anoli tok a̱, ai ahnit hoho̱yo tok.

1 Pita 4:7

Amba nan oklu̱ha kʋt ont ai ʋhla chi̱ kʋt atukonofʋshke; yʋmohmi hoka nana ka hʋsh ile oktambli cha, ahah! ahnit, anumpa ilbʋsha hʋsh anumpohonlashke.

Nan Otʋni 22:20

Ilʋppa puyuta ka atokowʋt otʋninchi mak osh, Chekosikma ʋla lishke, achishke. Amen. Chitokaka Chisʋs ma! ik yʋmohmí, ish lashke.

Nan Otʋni 22:7

Yakeh! chekosikma ʋla lishke; holisso ilʋppa tikbanli nan ai anoho̱wa anumpa puta tuk a̱ kʋna hosh holitobli kak osh na yukpʋshke, yʋmmak ash ot ʋm achi tok.