Filippian 4:4 - Chahta Holisso Holitopa 1886

⁴ Chitokaka ya̱ hʋsh ai yukpa na biliashke; micha anonti, Na hʋchi yukpashke, achi lishke.

Filippian 4:4 Iomraidhean Croise

Atʋloa 146:2

Si okcha̱yah ta̱kla kʋt Chihowa ha̱ hulittobliche la chi̱ hoke; a̱ha̱tta lih ai ʋlhi kʋt a̱ Chitokaka ya̱ nan ulachit ayokpʋche la chi̱ hoke.

Atʋloa 33:1

Ai ʋlhpiesa ʋhlehah ma, Chihowa ha̱ yokpa hosh hʋsh i̱ tʋloashke; ai ʋpissali ʋhleha hokʋto hulittoblichi kak osh isht im ʋlhpesa hoka̱.

Mahlu 5:12

Nayukpʋt hʋchi yukpa fenashke: isht hʋchim ʋlhtoba hi ʋt chinto hosh ʋba ya̱ a̱sha hoka; hopaii ʋhleha hʋchin tikba aiasha ka yakohmichit ilbʋshachi tok mak oka.

Apostel isht Anumpa 16:25

Yʋmohmi tuk o̱ ninak iklʋnna ma, Pal, micha Sailʋs ita tuklo kashot ʋba pit anumpulit, Chihowa pit aiokpʋchit in taloho̱wa tok; mihma aboha kʋllo ʋlhpinta tuk ʋt haiyaklo tok.

Apostel isht Anumpa 5:41

Yohmi ma yʋmma hohchifo pulla ho̱ na hofahya ka isht ile pisa he a̱, ont ai ʋlhpiesa tuk ʋt, na yuhu̱kpʋt nan apesa ʋhleha itikba ya̱ a̱sht okla ia tok.

Loman 12:12

Ai okcha̱yʋt bilia pisa la he ai ahnit, hʋchi yuhu̱pashke: na palʋmmi hʋsh pihi̱sa kʋt hʋchi nuktaiyalashke: achunanchi hosh anumpa ilbʋsha hʋsh anumpohonlashke.

2 Kolinhlian 6:10

Na nukha̱klo yo̱ chiyuhmi, yohmi kia na yukpa bieka; ilbʋsha yo̱ chiyuhmi, yohmi kia la̱wa ka nan in lauahanchi; nan ik im iksho kamohmi ho̱ chiyuhmi, yohmi kia nana moma kʋt ai immi; nana kʋt a pi yakohmi hokʋt, Chihowa nan isht im ʋtta ʋt kaniohma hetuk a̱ chohmit nana moma ka isht il ai otʋnihinchi hoke.

Kaleshan 1:8

Yohmi kia pishno, keyukmʋt ʋba yakni enchil ak okmá nana hosh ʋbanumpa inla isht e hʋchim anumpohonli tuk a̱ keyu ho̱ isht anumpulikmʋt, okpulot taha he ik im ʋlhpisá.

Filippian 2:18

Yʋmmak inli kak o̱ yukpʋt hʋs sʋbai yukpa mak inlishke.

Filippian 3:1

Ishtaiyopi ka itibapishi li ʋhleha ma! Chitokaka ya̱ hʋsh ai yukpashke. Nana kʋt mihi yo̱ ash inli ho̱ hʋchi̱ holissochi li kʋt, ʋm ahchiba keyu mʋhli, amba hʋchishno yak osh isht hʋchi a hlampka chi̱ kak oke.

1 Pita 4:13

Amba Klaist ʋt ilbʋsha puta tok a̱ chiyuhmit hʋsh ibai ilbʋsha ak inli hokʋt, hʋchi yukpashke: yohmi kʋt ilap isht a holitopa hokʋt otaiyanikma, hʋchishno yak kia nan isht il ai yukpa chinto ho̱ isht a hʋchi yukpa mak a hinla hoke.