Filippian 4:12 - Chahta Holisso Holitopa 1886

¹² Kaniohmit nana ka ik sʋm iksho hosh a̱ya li kʋt ithana li, micha kaniohmit nana an laua hosh a̱ya li kʋt ithana li hoke; kanima moma, micha nana puta ka sa kaiya, micha sa hohchʋfo, micha nan an laua, micha nana ik sʋm ono aiena hosh a̱ya li kʋt ithana li hoke.

Filippian 4:12 Iomraidhean Croise

Mahlu 11:29

Ʋm ikonla abana yak o̱ isht hʋsh il abanali cha, ʋno ak o̱ hʋs sʋm ai ithʋnashke: ʋno ak osh chu̱kʋsh yohbi, micha chu̱kʋsh akanlosi aiena sia hoka: yohmik mak osh hʋchi shilombish puta a foha hi a̱ hʋsh ahayucha he mak oke.

Mahlu 13:52

Yohmi ma, Na holissochi aiyuka ʋba apehlichika isht im ʋlbʋchi kʋt, hatak chuka‐chʋfa pehlichi yosh nan im aiasha ya̱ nana kʋt himona, micha hopaki aiena ho̱ ai ishit kohchi ka chomi hoke, im achi tok.

2 Kolinhlian 10:1

Yʋmohmi kʋt Klaist chu̱kʋsh yohbi, micha chu̱kʋsh nukhobela iksho pulla ho̱, ʋno Pal sia hʋt hʋchi̱ kanʋt hʋchi tohono lishke; hʋchi takla antakmʋt, im anukfila akanlosi, amba hʋchi̱ filʋmmikmʋto, hʋchi̱ nukwa̱ya iksho sia mak oke.

2 Kolinhlian 10:10

I̱ holisso hokʋto weki, micha kʋllo, yohmi kia ilap haknip fehna otaiyani hokmʋto ik kʋllo, micha im anumpa mʋt ik ahobo hoka, yʋmmak ash ot achi.

2 Kolinhlian 11:27

Hoyohambli, na hotohompa, himonna̱ nusi ʋm okpohonlo fehna, himmonna̱ hohchʋfot, ituk shihinla, micha kapʋssa ka, haknip bieka aiena hosh isht ʋm a palʋmmi hatuk.

2 Kolinhlian 11:7

Nan isht hʋchi holitopa chi̱ ka il akanlosechi lish, Chihowa im ʋbanumpa ha̱ pilla isht hʋchim anumpohonli li kak osh nan ashʋchi li hatuk o̱?

2 Kolinhlian 11:9

Yohmi kʋt hʋch iba takla ahantʋt na sa baiyʋnna kia kʋna hosh na hʋchi̱ kʋnia tuk keyu; nana kʋt ik sʋm ono ke tuk okʋno itibapishi li ʋhleha Masetonia minti hosh ʋm atahli tok; yohmi hoka nana moma ka isht ak hʋchim ile wekecho ke tuk; yohmi hokʋt yʋmmak o̱ a si yʋmohma chi̱ mak oke.

Tutelonomi 32:10

Yakni chokushmi foka yo̱, micha yakni haiaka achukillissa, nampoa a woha ai ahayuchi tok; fullota hosh ilauelit isht a̱ya tok: im abʋchi tok, ilap nishkin lumbo ak o̱ im itilauit ieshi tok.