Filippian 3:8 - Chahta Holisso Holitopa 1886

⁸ A̱hli mʋhlishke, yohmi kʋt Klaist Chisʋs an Chitokaka ithana achukma fehna kak o̱ nana puta kʋt peh ik ahobo ahni lishke; yʋmma pulla kak o̱ nana puta kʋt isht a̱ kʋnia, mikmʋt yʋmmak ash o̱ chopilhkʋsh a̱ chohmichi li, yʋmohmit Klaist a̱ asitʋbi li,

Filippian 3:8 Iomraidhean Croise

1 Mi̱ko 14:10

Yʋmohmi hoka yakeh! nana ik achukmo ka Cheloboam a̱ in chuka achʋfa ya̱ onochi la hi oke; mikmʋt nakni kanima kia, micha Islael yuka, micha Islael yuka keyu aiena ka Cheloboam a̱ ishit kanchi lish, Cheloboam in chuka achʋfa a̱sha ka, hatak osh lukfi yo̱ ishit kanima ont kanchi na, momʋt ont taha chatuk mak o̱, chohmichit ishit kanchi la hi oke.

2 Mi̱ko 9:37

Mikma Chesebel haknip illi ʋt yʋlhki chohmit yakni paknaka Chesleel i̱ yakni ya̱ aiasha chi̱ hoke; yohmikma, Ilʋppʋt Chesebel oke, acha he keyu, achi tok mak oke, achi tok.

Atʋloa 126:6

Kohchit fimma chi̱ hosh na̱ nihi shaiyalit nishkin okchi mi̱hinti hosh kohchʋt i̱hi̱ya tuk oh kia, onush sitoha shoiyoli cha, tʋlo̱ho̱wa hosh ʋla hi oke.

Atʋloa 73:25

Ʋba ya̱ kʋta hosh ʋm a̱ttah choh? mikmʋt yakni paknaka ya̱ inla ma̱ chibafohkit sʋ bʋnnah keyu hoke.

Numbas 14:30

Yakni yʋmma hʋchi ashachi la he, anumpa kʋllo il onochi li tok a̱ hʋsh chukowa chi̱ keyu pulla hoke, Chefʋnneh ushi Kaleb micha Nʋn ushi Choshua ak illa chi̱ hoke.

ʋBanumpa Luk Ʋt Holissochi Tok 1:43

An Chitokaka ishki ʋt a̱yʋt ʋm ʋla ilʋppʋt katiohmi ho̱ a̱ yakohmi cho?

ʋBanumpa Luk Ʋt Holissochi Tok 11:20

Amba ʋno ʋt Chihowa ibbak‐ushi o̱ nan isht ahullo okpulo puta ka isht kocha wihinli li hokma, yohmi hok mʋno, Chihowa apehlichika yʋt hʋchim ʋla mak oke.

Chan 14:20

Ʋno ʋt A̱ki a̱ ibai acha̱fa likma, anonti hʋchishno ʋt ʋno a̱ hʋs sʋbai acha̱fa na hʋchishno ma hʋch ibai acha̱fa li aiena ka, nitak yʋmma fehnakma hʋsh akostinincha hi oke.

Chan 14:7

Ʋno a̱ hʋs sʋthana hatuk okmʋt, A̱ki ma hʋsh ithana akinla he tuk oke: atuk kia hʋsh pi̱sa tuk okʋt himak ai ʋhlit ia hokʋno hʋsh ithaiyanʋshke.

Chan 16:3

Yohmi kʋt A̱ki, mikmʋt ʋno il ita‐tuklo ka ik pithano hatuk mak osh, ilʋppa puta ka hʋchi̱ yʋmihcha hi oke.

Chan 17:3

Yohmi ka Chishno ak illa kak osh Chihowa a̱hli chia ka, micha Chisʋs Klaist auet ish kanchi tok ma okla ithaiyana he ak o̱ ilʋppak osh ai‐okcha̱yʋt bilia yoke.

Chan 17:8

Anumpa is sʋma chash yʋmmak o̱ ima li ho̱kʋno; mihma yʋmma okla aiokpʋchi mʋt, ʋno ʋt chishno ak o̱ a chi a minti li hatuk a̱, okla akostininchi, micha chishno ak osh auet is sa kanchi tok aiena ka okla yimmi hatuk oke.

Chan 20:13

Mihma, Ohoyo chia hʋt na katihmi ho̱ ish yaha̱ya cho? im achit okla ma, An Chitokaka ya̱ okla ishit kʋnia tuk a chini ho̱, kanima yo̱ a bohli tuk a̱ ak ithano kak oke, im achi tok.

Chan 20:28

Mihma Tamas ʋt afalaminchi mʋt, An Chitokaka ma! an Chihowa ma! im achi tok.

Apostel isht Anumpa 20:24

Yohmi kia nan ilʋppa puta kʋt achʋfona kia ik sa folulechoshke, micha na yukpa hosh a̱ nitak ma, micha nan isht ʋtta Chihowa achukma ka anoli, ʋbanumpa im abʋchi la he, Chitokaka Chisʋs a̱ ai im ishi li tuk ʋt atahli la chi̱ kʋt, ʋm ilhfiopak a̱ a̱ holitopa ak ai ahnoshke.

Loman 8:18

Yohmi ka yakni paknaka ilʋppa nan isht ai ilbʋsha puta hokʋto nan isht a holitopa pim otaiyana hi a̱ pit it ʋlhpisa hi a̱ ik ono, ai ahni lishke,

Loman 8:39

Isht a holitopa fehna, ilbʋsha fehna, keyukmʋt nana toba tok nana kia, pin Chitokaka Chisʋs Klaist ak atuk pulla mak o̱, Chihowa il i̱ hullo ka, pi̱ filʋmmicha himma keyu ka, sai yimmishke.

1 Kolinhlian 2:2

Nana ka a hʋchim ai ithʋna la he ahni li hatok keyu, amba Chisʋs Klaist, micha yʋmmak osh ititaiyukhʋna ai illi tok ak bano hatok ak oka.

1 Kolinhlian 9:10

Yohmi ka pishno ak illa puyulla hatuk mak o̱ achi tok o̱? pishno puyulla mʋhli hatuk mak o̱ ilʋppʋt holisso hatuk: yohmi ka kʋna hosh yakni patʋffi kʋt, nawaya pisa he ahni hosh yakni patʋffashke; mikma nan isht ilai yukpa pisa he ahni hosh kʋna kia nanihechi kʋt, na pisa he ahni tuk ak o̱ ibai isha hi oke.

2 Kolinhlian 4:4

Klaist, yʋmmʋt Chihowa Hoyulba ka, im ʋbanumpa holitopa in tohwikeli hʋt on tomma chi̱ keyu ka, na yimmi keyu yʋmmak ash o̱ im anukfila puta ka yakni ilʋppa i̱ shahli yosh lʋblichi hatuk oke.

2 Kolinhlian 4:6

Tohwikeli hʋt ai okhlilika ya̱ a kohchʋt tomma chi̱ ka, Chihowa yʋmmak osh im apesa tok okʋt, Chihowa im aholitopa nan isht ithaiyana im a tohwikeli hʋt Chisʋs Klaist i̱ nashuka a minti mak o̱ pima chi̱ hosh pi chu̱kʋsh a̱ a tommi hatuk oka.

Kaleshan 1:16

Yohmi kʋt ʋlhpesa ahni cha, Ushi ya̱ si ai otʋninchi kʋt, ʋbanumpa ik ithano ʋhleha ha̱ ʋbanumpa isht im anumpohonli la chi̱ ak atok; yohmi mak inli ho̱ hatak nana kia it im anumpuli li tok keyu.

Efeshan 4:13

Yʋmohomi na e moma kʋt ma̱ha̱yʋt nan ai yimmi ka, micha Chihowa Ushi ai ithʋna aiena ka ont il ai achʋfʋt, hatak im ahli e tobʋt, Klaist ʋt a kaniohmit ai alotowa fehna ka e chiyuhma hi oke:

Filippian 1:1

Pal, micha Timohliʋs, ita tuklo Chisʋs Klaist in tishu hʋt ʋbanumpa yimmi a̱hli ʋhleha Chisʋs Klaist ibafoyuka Filippi ai asha, bishop puta, micha chʋch nan isht im ʋtta puta aiena ka pit aiokpʋchi kʋt,

Filippian 3:10

Yʋmohmi ka Klaist, micha yʋmmʋt illit tani tok nan isht im ai a̱hli, micha yʋmmʋt ai ilbʋsha tok a̱ iba ta̱kla kʋt kaniohmi aiena ka ithana lish, yʋmmʋt illi tok a̱ hoyulba la chi̱ kak a hetuk oke.

Filippian 3:12

Himak okʋno ona li ma̱shko ahni li keyu, micha himak ak kia ai a̱hlit sa taha ahni li keyu; amba achunanchit iakaiya li, yʋmohmi hosh yʋmmak a he ak o̱ Klaist Chisʋs ʋt si atokoli tok yʋmmak ash ieshi la he ak atuk oke.

Filippian 3:7

Yohmi tok kia nana isht ahayuchi li yatuk ʋt, yʋmmʋt Klaist pulla kak o̱ a̱ kʋnia, ahni li tuk oke.

2 Timohli 4:6

Yohmi ka sʋlla chi̱ kʋt anumpa hʋt si onʋtula ho̱, a sʋlla chi̱ kʋt atukonofʋshke.

Heblu 3:14

Yohmi ka na pi yimmi ʋmmona tok ʋt ai a̱hli biekʋt ma̱ha̱yʋt ont ai ʋhli ka il ona hokmʋt, Chisʋs oka ibai achʋfa ʋhleha e toba hoke.

1 Pita 2:7

Yohmi hoka yʋmma i̱ yimmi hʋchia hokʋno hʋchi̱ holitopa fehna; amba ik im antio yokʋno, chuka ikbi ʋhleha yash ot tʋli ya̱ ik ahnincho ki tok, yʋmmak ash inli hosh chukbi in tola noshkoboka yo̱ toba hoke.

2 Pita 1:2

Chihowa, micha Chisʋs pin Chitokaka hʋsh ithaiyana kak osh nan isht i̱ kana, micha isht it i̱ nanaiya aiena kʋt hʋchin lauashke;

2 Pita 1:3

Yohmi kʋt ilap ai a̱hli kak osh nan oklu̱ha isht ai okcha̱ya, micha Chihowa isht holitobli imma aiena ka pihi̱ma kʋt, ilap ithʋna kak osh nan ashʋchi ik pim iksho hosh isht a holitopa ya̱ e pihi̱sa he mak o̱, pi atokoli tok:

2 Pita 1:8

Yohmi ka nana ilʋppa puta kʋt hʋchi anukfoyuka kʋt isht i̱ shahlit lauʋt ia hokmʋt, pin Chitokaka Chisʋs Klaist hʋsh ithaiyana kʋt, in takobit hʋch ik ʋno ka hi o̱ hʋch ikbi keyu hoke.

2 Pita 3:18

Amba isht i̱ kana hʋchi anukfo̱kʋt hʋsh yʋmohmi kʋt i̱ shahlichit ma̱ha̱yʋt, pin Chitokaka pi Okchalinchi Chisʋs Klaist a̱ hʋsh ithaiyana kʋt i̱ shahlichit hʋsh ma̱ha̱yashke. Yʋmmak oka isht a holitopa yokʋt, himonasi, micha himak a pilla ka immit biliashke. Amen.

1 Chan 1:3

Hʋchishno mʋt hʋsh pibai achʋfa he mak o̱, nana ka e pihi̱sa tuk, micha e haha̱klo tuk aiena kʋt e hʋchim anoli hoke: yohmi kʋt pishno ʋt I̱ki, micha Ushi Chisʋs Klaist aiena kak o̱ il ibai achʋfa mʋhli hoke.

1 Chan 2:19

Yʋmmak ash ot a pi̱ filʋmmit kocha wiha tok; yohmi kia yʋmmʋt a hʋpibai achʋfa tok o̱ keyu hoke; yʋmmʋt pishno ak o̱ a hʋpibai achʋfa tok okmʋt, a hʋpibai afo̱ka na bilia he tuk pulla chishke: amba yʋmmʋt moma kak osh a hʋpibai achʋfa ho̱ keyu hatuk ʋt otʋna chi̱ kak osh a hʋpi̱ filʋmmit kocha wiha tok oke.

1 Chan 5:20

Micha Chihowa Ushi ʋt ʋla cha, yʋmmak osh nan ai a̱hli ka mak atuk ash il akostinincha chi̱ ka, nan isht akostininchi a̱ pi anukfoki tuk a̱ iloh ithanʋshke; yohmi ho̱ pishno ʋt yʋmmak osh nan ai a̱hli ka mak atuk Ushi Chisʋs Klaist a̱ il ai ibai achʋfa hoke. Ilʋppak osh Chihowa ai a̱hli, micha ai okcha̱yʋt bilia mak oke.