Filippian 3:6 - Chahta Holisso Holitopa 1886

⁶ Amosholi hosh chʋch a̱ i̱ palʋmmichit, ʋba nan ʋlhpisa isht ai ʋlhpiesa yʋmmak okmʋno anumpa nana kia si onʋtula he keyu ki tok.

Filippian 3:6 Iomraidhean Croise

2 Samuel 21:2

Mihma mi̱ko ʋt Kibeonait ʋhleha ha̱ i̱ howa cha, im achi tok; (mihma Kibeonait ʋhleha hʋt Islael im ʋlla ʋhleha ha̱ ai achʋfa keyu, amba Amolait okla ha̱ ai unchololi a tok; mihma Islael im ʋlla ʋhleha hʋt anumpa kʋllo il onochit i̱ miha tok atok: mihma Sal ʋt Islael, micha Chutah aiena ka i̱ hullot amohsholi hosh ʋbi bʋnna tok.)

2 Mi̱ko 10:16

Mihmʋt, Si awant ia cha, Chihowa ya̱ amosholit im antia li ka pisá, achi tok. Yohmi ho̱ itichanʋlli ya̱ okla ibai om binilichi tok.

Lefitikʋs 13:16

Keyukmʋt nipi okcha̱ki yʋt anonti inlʋt isht ia cha tohbi tobakma, naholitompa isht ʋtta ya̱ im ona hi oke.

Mahlu 23:25

Na holissochi ʋhleha, micha Falisi ʋhleha, nan ilahobi hʋchia ma! na hʋchi̱ palʋmma he mak oke: isht‐ishko micha ampo aiena ka paknaka yokʋno hʋsh kashofi hoka; yohmi kia anu̱kaka yokʋto na wehpuli micha nan ik ʋlhpeso aiena hosh isht alotowa hoke.

Mahlu 5:20

Hʋchi aiʋlhpiesa kʋt na‐holissochi ʋhleha, micha Falisi ʋhleha aiena ka i̱ shahli ho̱ keyukmʋt, nana hosh a kaniohmi kak o̱ ʋba apehlichika ya̱ ont hʋsh chukowa he keyu hoke, hʋchim achi lishke.

ʋBanumpa Luk Ʋt Holissochi Tok 1:6

Mihi yosh yʋmmʋt tu̱klot Chihowa yʋt pi̱sa ho̱ aia̱hli biekʋt, anumpa ʋlhpisa puta, mikmʋt nan‐ʋlhpisa ilaiyuka Chihowa yʋt apihi̱sa tok a̱ moma ka i̱ shanaiya iksho hosh aha̱shwa tok.

Apostel isht Anumpa 21:20

Mihma okla haklo mʋt, Chitokaka ya̱ okla aiokpahanchi mʋt; yʋmmak ash o̱, Chu ʋhleha na yimmi kʋt tahlepa sipokni kaniohmi hosh ai asha kʋt, yʋmmak okʋt moyumʋt nan‐ʋlhpisa holitobli fehna ka, ish pihi̱sʋshke, il itibapishi ma!

Apostel isht Anumpa 22:5

Yohmi ka na holitompa isht a̱sha pehlichi, micha hatak tikba ʋhleha hak kia momʋt ʋm ithaiyana hoke; micha yʋmmak o̱ il itibapishi ʋhleha pit i̱ holisso ka, im ai ishi li hosh, yʋmma a̱sha tuk ʋt talakchi ya̱ Cheluselem a̱ isht ʋla likma, na palʋmmi pisa chi̱ ho̱, Tamaskʋs a̱ ia li tok.

Apostel isht Anumpa 26:5

Ʋmmona kash inli ho̱, sʋthanʋt isht auehinchi tok, yʋmmak osh ʋbanumpa isht pim iksa apissali kʋt moma i̱ shahli, Falisi yosh ahanta li tok a̱, anola hinla chishke.

Apostel isht Anumpa 8:3

Yohmi ma Sal ʋto, ʋbanumpuli iksa ya̱ okpʋnit, chuka moma iba chukowa cha, hatak puta, ohoyo puta aiena ka halʋllit ishit, aboha kʋllo pit apihinta tok.

Loman 7:9

Yohmi ka ʋba nan ʋlhpisa ya̱ ak ithano hokʋto, himonna ka sai okcha̱ya tok; amba ʋba nan ʋlhpisa nan ai ahni kʋt ʋla mʋno, ai ashʋchika yʋt okcha tok: mihma sʋlli tok.

1 Kolinhlian 10:32

Achʋfona kia Chu ak okmá, keyukmʋt Chentail ak okmá, keyukmʋt Chihowa in chʋch ak okmá, nana kia hʋch ik ibetʋblicho kashke.

1 Kolinhlian 15:9

Apostel ʋhleha moma ik alauwo sia, yohmi kʋt apostel hohchifa he si ʋlhpesa keyu, Chihowa in chʋch a̱ ilbʋshali li tok okʋt.

Filippian 2:15

Anumpa nana kia hʋchi onʋtonla keyu, nan okpʋni keyu, na liteha lapanli keyu hosh okla shanaiowa, micha nan ai ashʋchi ai ititakla yo̱ yʋmma i̱ pʋla tohwikeli chohmit yakni paknaka ya̱ hʋsh ai ashʋshke.

Filippian 3:9

Mikmʋt yʋmma ibafoyuka la he, micha ʋno ak inli kʋt ʋba nan ʋlhpisa yʋmmak o̱ isht ai ʋlhpiesʋt il ai eshi li keyu, amba yʋmmʋt Klaist a̱ i̱ yimmi kʋt nan ai ʋlhpiesa na yimmi pulla kak o̱ Chihowa a minti yak oke:

Nan Apesa 6:30

Yʋmohmi ma tʋmaha holihta hatak ʋhleha hʋt Choash a̱, Chiso ha̱ ishit ish kohcha na illashke: Baal im alta ya̱ kinʋffi hokʋt, micha bili̱ka iti lokoli tuk a̱ chanlit kinʋffi hokʋt, im achi tok.