Filippian 3:5 - Chahta Holisso Holitopa 1886

⁵ Nitak ont isht untuchina ma hakshup sa tʋpa tok, Islael isht ai unchululi, Benchamin apelhichi, Heblu ai a̱hli sia hoke: ʋba nan ʋlhpisa yak okmʋno Falisi yo̱ sia hoke.

Filippian 3:5 Iomraidhean Croise

Genesis 14:13

Atuk o̱ hlako̱ffi tuk achʋfa kʋt Heblu hatak Eblam a̱ ont im anoli tok: Eshkol itibapishi, micha Ane itibapishi, Amolait hatak Mamli i̱ baiyi hieli ka̱ bili̱ka ya̱ ʋtta yatuk oka: micha yʋmmʋt Eblam a̱ anumpa itibai achʋfʋt itapela hatok.

Genesis 17:12

Mikma hʋchim ai itishali puta ka̱ ʋlla nakni yosh nitak untuchina ho̱ hʋchitin takla ya̱ aiasha kʋt momʋt hakshup tʋpashke; chuka ai ʋtta tuk, keyukmʋt okla inla, chim ishtatiaka keyu puta ho̱ chin tʋli holisso ha isht ʋlhtoba tuk.

Genesis 40:15

Heblu yakni ya̱ a hu̱kopʋt sʋsht ʋla tok o̱ mʋhli hoka: micha ilʋppak kia nana ho̱ yʋmihchi li tuk o̱ aboha kʋllo ilʋppa sa fohka he ʋlhpesa kʋt iksho akinli hoke, im achi tok.

Genesis 41:12

Mihma Heblu hatak himita ʋt nanatoni i̱ kʋpitʋni in tishu hosh pibafohka tok; atuk o̱ il im anoli ma, pi holhpokna tuk a̱ pin tosholi tok: ila pi holhpokna bi̱ka tuk mak o̱ tosholi tok.

ʋBanumpa Luk Ʋt Holissochi Tok 1:59

Atuk o̱ yakohmi tok: nitak ont isht untuchina ma ʋlla ya̱ hakshup tʋblit itʋnowa tok; atuk osh i̱ki a hochifochit yʋmmak ash Sakalias hochifo tok.

ʋBanumpa Luk Ʋt Holissochi Tok 2:21

Yʋmohmi tuk o̱ nitak ont isht untuchina ma, ʋlla ya̱ hakshup wishakchi tʋbla hi a̱ ai ona hatuk o̱, ikfoka anu̱ka ik foko ki̱sha mak o̱, enchil ʋt yʋmmak o̱ hochifo tok oka, yʋmmak ash ot Chisʋs hohchifo tok.

ʋBanumpa Luk Ʋt Holissochi Tok 5:38

Amba oka pa̱ki himona yʋt shukcha himona yo̱ ʋlhto hok mak osh tu̱klot nan ik kanihmo chatuk oke.

Apostel isht Anumpa 22:3

Ʋno ʋt Chu hatak fehna sia, Tasʋs, Silisia yakni in tʋmaha ak o̱ ai ʋtta li tok nana kia, tʋmaha ilʋppa Kamiliel iyi itʋma̱ka yo̱ ahantʋt sa hofanti; micha hatak tikba ʋhleha i̱ nan ʋlhpisa ai apissali mʋt, ʋm ʋlbahanchi tok; mihmʋt Chihowa ya̱ pit achunanchi kʋt himak a nitak hʋsh moma kʋt, hʋchi yʋmohmi kak inli chiyuhmi li tok.

Apostel isht Anumpa 23:6

Yohmi kia kashapa kʋt Satusi okla yokma, anonti kashapa kʋt Falisi yo̱ akastininchi mʋt, itʋnaha itin takla ya̱ tahpʋlʋt, Hatak il itibapishi ʋhleha ma! ʋno ʋt Falisi sia, Falisi o̱ ushi sia hoke; illi falamʋt tana he isht a sai yimmi hatuk mak o̱, nan ʋm ai asilhhʋchi hoke; achi tok.

Apostel isht Anumpa 6:1

Nitak yʋmmak foka, nan ithʋna ʋhleha hʋt laua kʋt isht i̱ shaht taha ma, im ohoyo ʋlhtakla puta ka nitak moma nana iti hopela ya̱ ahaksichi beka hatuk o̱, Klik okla hʋt Heblu okla ha̱ nanumachit aiasha tok.

Loman 11:1

Yakohmi ka Chihowa hʋt im okla fehna ka kanchit taiyahli hatok o̱? Ik yʋmohmo pullashke; yohmi ka ʋno yak kia Islaelait Eblaham isht atiaka Benchamin iksa sia hoke, achi lishke.

2 Kolinhlian 11:22

Heblu okla ho̱? ʋno ak kia yʋmmak o̱ sia hoke. Islael okla ho̱? ʋno ak kia yʋmmak o̱ sia hoke. Eblaham ak o̱ isht atia ho̱? ʋno ak kia yʋmmak o̱ sia hoke.

1 Samuel 4:6

Mihma Filistin ʋhleha hʋt shakapa ka haklo cha, Heblu ʋhleha i̱ binah ha̱ shakapa chito ilʋppʋt nanta hoh cho? achi tok. Mihma Chihowa im itombi holitopa ʋt binah ʋla ka akostininchi tok.