Filippian 3:3 - Chahta Holisso Holitopa 1886

³ Pishno ak okʋto hakshup tʋpa shilombish anukfoyukʋt Chihowa holitoblichi, micha Chisʋs Klaist ai yukpa pia, yohmi kʋt haknip a̱ ai anukchieto keyu pia hoke.

Filippian 3:3 Iomraidhean Croise

Atʋloa 105:3

Hohchifoh hulittopa ya̱ isht hʋsh ilawʋtashke; Chihowa ho̱ho̱yo ʋhleha hʋt chu̱kʋsh na̱ yokpashke.

Loman 1:9

Yohmi ka yʋmmak oka ilap Ushi im ʋbanumpa hak o̱ ai isht sa shilombish oka isht in toksahanli li kʋt, anumpa ilbʋsha anumpuli li puta kʋt pit hʋch ithaiyana bieka hosh, isht hʋchi anumpohonli li kʋt ak isso kamohmi hoka, Chihowa yak osh nan atokowa si anoli yoke.

Loman 15:17

Yʋmohmi hoka nan oklu̱yuha, Chihowa hʋt isht pit ahala̱ya ka Chisʋs Klaist ak atuk pulla mak o̱, nana ka isht ilauata la hi ʋt ieshi lishke.

Loman 7:6

Amba himonasi kʋno nan ʋlhpisa ya̱ il ai i̱ mokofa kʋt, i̱ nutakʋt il ai asha hatok ʋt il im illi hatuk okʋt; Chihowa ya̱ holisso tikba ya tok ak o̱ isht il a holitobla he atuk keyu, amba shilombish himona yo̱ isht e holitobla he atuk oke,

Loman 8:15

Yohmi ka anonti isht a hʋchi nukshopa chi̱ hosh yuka im anukfila ho̱ hʋsh ishi hatok keyu; amba ʋlla im anukfila ho̱ hʋsh ishi hatok ak o̱, pishno ʋt Abba, Pi̱ki, il achishke.

Loman 8:39

Isht a holitopa fehna, ilbʋsha fehna, keyukmʋt nana toba tok nana kia, pin Chitokaka Chisʋs Klaist ak atuk pulla mak o̱, Chihowa il i̱ hullo ka, pi̱ filʋmmicha himma keyu ka, sai yimmishke.

Loman 9:6

Chihowa im anumpa hokʋt aka itulʋt kʋnia tok o̱ chiyuhmi keyu hoke. Yohmi ka Islael ʋhleha hak osh moyumʋt Islael okla keyu hoke.

2 Kolinhlian 11:18

La̱wa kʋt haknip imma ka isht ilauata kak o̱, ʋno ak kia isht ilauata li ak inla chi̱ chishke.

Kaleshan 5:25

Shilombish ak o̱ il ai okcha̱ya hokmʋt, Shilombish a̱ iba foyukʋt il iba noho̱wa mak inlashke.

Kaleshan 6:16

Laua kʋt kaniohmi hosh anumpa ʋlhpisa ilʋppak ash im antiʋt a̱ya, micha Chihowa im Islael aiena hokʋno isht i̱ nanaiya, micha isht i̱ nukha̱klo ita tuklo kʋt onʋtuyulashke.

Efeshan 6:18

Shilombish anukfoyuka hosh anumpa ilbʋsha puta im anumpohonlit, asihi̱hla hosh achunanchit ahah! aha̱ni, micha ʋbanumpa yimmi puta ka isht hʋsh asihi̱hlashke:

Tutelonomi 10:16

Yʋmohmi kak o̱ hʋchi chu̱kʋsh tikba hakshup a̱ hʋsh tʋbli cha, himakma ikunla hʋchik kʋllo kashke.

Tutelonomi 30:6

Mikma chin Chitokaka Chihowah yʋt chi chu̱kʋsh, micha chim ʋlla ʋhleha chu̱kʋsh aiena ka̱ hakshup tʋbli na, chin Chitokaka Chihowah ya̱ chi chu̱kʋsh mominchit micha chimi shilombish a̱ mominchit isht ish holitobli cha chi okchaya hi oke,

Filippian 1:1

Pal, micha Timohliʋs, ita tuklo Chisʋs Klaist in tishu hʋt ʋbanumpa yimmi a̱hli ʋhleha Chisʋs Klaist ibafoyuka Filippi ai asha, bishop puta, micha chʋch nan isht im ʋtta puta aiena ka pit aiokpʋchi kʋt,

Filippian 3:12

Himak okʋno ona li ma̱shko ahni li keyu, micha himak ak kia ai a̱hlit sa taha ahni li keyu; amba achunanchit iakaiya li, yʋmohmi hosh yʋmmak a he ak o̱ Klaist Chisʋs ʋt si atokoli tok yʋmmak ash ieshi la he ak atuk oke.

Filippian 3:14

Achunanchit ai ʋlbi ya̱ ma̱ha̱ya li, nan ʋlbi yʋmmʋt Klaist Chisʋs pulla kak o̱ Chihowa yʋt ʋba et a hoho̱yo kak oke.

Koloshan 2:11

Yʋmmak pulla ho̱ hʋchishno ak kia ibbak o̱ hakshup isht tʋpa keyu ho̱ hakshup isht hʋchin tʋpa tok: yʋmohmi hosh Klaist hakshup tʋpa pulla ho̱ haknip nan isht ashʋchi yash naksika hʋsh bohli tuk oke:

Chute 1:20

Amba a̱ holitopa hʋchishno yʋto, Shilombish Holitopa yʋt hʋchi anukfoyuka hosh anumpa ilbʋsha anumpohonlit, na hʋchi yimmi holitopa fehna kʋt hʋsh il ai a̱hlichashke;