Filippian 3:2 - Chahta Holisso Holitopa 1886

² Ofi ya̱ ahah! hʋsh im ahnashke, nan ik ʋlhpeso yʋmohmi ya̱ ahah! hʋsh im ahnashke, tʋblit kanchi ya̱ ahah! hʋsh im ahnashke.

Filippian 3:2 Iomraidhean Croise

Atʋloa 119:115

Nan ik achukmo yʋmihchi ʋt hʋs sa̱ filʋmmikma̱, a̱ Chitokaka im ʋnnumpah ʋlhpisa putta ka̱ hulittobli lashke.

Atʋloa 22:16

Ofi putta kʋt si ʋpakfoiyupa hoka̱: nan ik achukmo yʋmihchi ittʋnaha yosh si ʋfulluplit, sʋbbak micha saiyi ya̱ bahlishke.

Atʋloa 22:20

Ʋm ilhfiopak a̱ bʋshpo fʋlaya ya̱ ish ai i̱ hlʋkuffichikmʋt, yʋmmak a̱ bieka hatuk oka̱, ofi ibbak a̱ is si a hlukuffichashke.

Mahlu 24:10

Yʋmma fokakma ibetʋbli kʋt laua he, micha ilap bi̱ka atuk kia ishit okla ha̱ im issa, micha ilap bi̱ka iti̱ nukkilla hi oke.

Mahlu 7:15

Hopaii ilahobi ʋhleha chukfʋlhpoba i̱ na fohka fohka hosh hʋchim ai ʋla kia, anu̱kaka yokʋto nashoba isikopa ʋhleha mak oka, ahah! hʋsh im ahnashke.

Mahlu 7:6

Nana kʋt holitompa hokʋno ofi puta ma pit hʋch ik imokmʋt, anonti hʋch i̱ na holitopa puta hatuk ma shukha itikba ya̱ hʋch ik ashacho kashke; yʋmmak keyukma yʋmmak ash o̱ iyi isht a hʋhlichi cha, anonti filemʋt hʋchishno ash o̱ hʋchi okpʋna hinla hoke.

Loman 2:28

Yohmi ka paknali yokʋto Chu keyu, micha nipi ai otʋni kʋto hakshup tʋpa keyu hoke.

2 Kolinhlian 11:13

Yʋmma chohmi kʋt ʋbanumpeshi a̱hli keyu hoke; na haksichi yosh Klaist nan isht im ʋtta ilahobi hoke.

Kaleshan 5:13

Itibapishi li ʋhleha ma! a yuka keyu yo̱ hʋch isht ona tuk oke; a yuka keyu yʋto haknip yukpali keyu, amba it i̱ hullot it apelahanchi yak oke.

Kaleshan 5:15

Amba iti koblit, ʋpʋt hʋsh ititahli hokmʋt, iti okpʋnit hʋch ik iti tahlo ka chi̱ kʋt, ahah! hʋsh ahnashke.

Kaleshan 5:6

Chisʋs Klaist imma hokʋno hakshup tʋpa yokmá, hakshup ik tapo yokmá, nana hoh kia nana a kanihma he keyu hoke; amba ai yimmi ka i̱ hullo isht atoba yak oke.

Filippian 3:19

Yʋmma ont im ishtayopi kʋt aiokpuloka he, yʋmma i̱ shahli yʋt ilap takoba ak inli, micha nan isht hofahya isht ile holitobli, yʋmmʋt yakni paknaka nana a halaia kak o̱ asitia yoke.

Filippian 3:3

Pishno ak okʋto hakshup tʋpa shilombish anukfoyukʋt Chihowa holitoblichi, micha Chisʋs Klaist ai yukpa pia, yohmi kʋt haknip a̱ ai anukchieto keyu pia hoke.

1 Timohli 1:19

Ilʋppak ash im ai a̱hli achukma kʋt isht il akostininchi achukma ka ish ieshashke: yakohmit isht il ithaiyana he tuk ash osh kanimi kʋt kanchi kʋto, nan ai yimmi ka yash o̱ it a yuhli yoke.

Titus 1:16

Yohmi kʋt Chihowa ha̱ ithana, miha kʋt il otʋninchi ak inli kia, nana a kaniohmi puta kʋt isht ik holitoblo, na yimma he keyu, mikmʋt nan toksʋli achukma puta ka ik ai a̱hlo hoka i̱ yuwala he ʋlhpesa hoke.

2 Pita 2:22

Yohmi kia yʋmmak okʋt nan isht ʋlhpisa ai a̱hli ho̱ ai yʋmohmishke; yohmi ka, Ofi yʋt hoita kash osh falaminchit ʋpʋshke; mikma, Shukha tek ʋt ʋlhchifa kash osh, falamʋt lukchuk a̱ oka tonolishke, achishke.

Chute 1:4

Yohmi ka hatak kaniohmi hokʋt ik i̱ nuktahlo fehna ho̱ iba chukowa, yʋmmak okʋt nitak pilla kash o̱ nan ik achukmo ilʋppa ai yʋmohma he ʋt im ʋlhpihi̱sa tok: yʋmmʋt Chihowa holitobli keyu hokʋt, pin Chihowa isht i̱ kana ya̱ haui imma isht ai ihi̱kbi, micha yʋmmak illa hosh Chitokaka Chihowa, micha pi Okchalinchi Chisʋs Klaist ash o̱ ik holitoblo hoke.

Nan Otʋni 2:9

Nana ish a kaniohmi puta, mikmʋt na palʋmmi ish a pihi̱sa puta, micha ilbʋsha chim aiena, (yohmi kia nana kʋt chin laua ka ithana li,) mikmʋt kanima kʋt nana ka ik ahobalot anumpulit mihi yo̱ keyu kʋt, amba Setan i̱ sinakak mak okak osh, Chu mak o̱ ile mihʋt aiasha ka, ithana li hoke.

Nan Otʋni 21:8

Amba na nukshopa, micha nan ik yimmo, i̱ yuwala he ʋlhpesa kia yʋmihchi, mikmʋt hatak bi̱ka ʋbi ʋhleha, haui ʋhleha, mikmʋt ikhi̱sh isht yushpakʋmmi ʋhleha, na holbʋt toba aiokpʋchi ʋhleha, holabi puta a moyuma hokʋto atukla illi mak osh okhʋta yʋmmak okʋt hituk lakna isht ita luhu̱wa ho̱ isht ai i̱ palʋmma chi̱ hosh im ʋlhpisa he mak oke, ʋm achi tok.

Nan Otʋni 22:15

Akochanli yak okʋno ofi, ikhi̱sh isht yushpakʋmmi, haui, hatak bi̱ka ʋbi, na holbʋt toba aiokpʋchi; mikmʋt kʋna kia il imi̱ holabichi kʋt isht im achukma a moyuma kak osh ai asha yoke.

Nan Otʋni 3:9

Kanima kʋt mih mak o̱ keyu kʋt, Chu mak o̱ ile mihʋt holabi ʋhleha hʋt Setan i̱ sinakak atuk a̱ atokolit anoli la chi̱ hoke: yakeh! yʋmma puta kash ot chiyi ituma ya̱ ai ʋlʋt ant aiokpʋchi hosh, ʋno ʋt chi̱ hullo li hatuk a̱ akostinincha hi a̱ im anukfilli la chi̱ hoke.