Filippian 3:16 - Chahta Holisso Holitopa 1886

¹⁶ Yohmi kia iloh ai ona ma̱shko hatuk okʋto, yʋmmak ash inli ho̱ kiloh ai itʋnowa cha, nana yʋmmak ash inli ho̱ iloh anukfihinlashke.

Filippian 3:16 Iomraidhean Croise

Koloshan 2:6

Yʋmohmi ka Klaist Chisʋs Chitokaka ya̱ hʋsh i̱ yimmi hatuk okʋt, yʋmohmit hʋsh iba nohowashke:

Nan Otʋni 3:3

Yohmi kʋt nana ka ish ishi, micha ish haklo aiena tuk ʋt, ithaiyanʋt kʋllochit ish ieshi cha, ish ile kostininchashke. Amba ahah! chik il ai ahno hok mʋno, hu̱kopa nowʋt a̱ya ho̱ chohmi hosh ant chi̱ kohcha la chi̱; yohmi ka hʋshi kanʋlli nana ho̱ ant chi̱ kohcha la chi̱ ka ish ithana hi o̱ keyu hoke.

Kaleshan 6:16

Laua kʋt kaniohmi hosh anumpa ʋlhpisa ilʋppak ash im antiʋt a̱ya, micha Chihowa im Islael aiena hokʋno isht i̱ nanaiya, micha isht i̱ nukha̱klo ita tuklo kʋt onʋtuyulashke.

Loman 15:5

Yohmi ka Chihowa hak osh hʋchi atohnohonchit isht anuktaiyalʋt achunanchi ya̱ hʋch ima na nana hʋsh it im anukfilli kʋt ai achʋfʋt Klaist Chisʋs ak atok ak o̱ hʋsh chiyumashke.

Filippian 4:2

Yuotias a̱ ilbʋshʋt im asilhha li, micha Sintichi ma ilbʋshʋt im asilhha li ka, yʋmmʋt im anukfila it ibai achʋfa hosh Chitokaka ya̱ ibafoyukashke.

Filippian 2:2

Hʋchim anukfila hʋt itilauit nana a miha chʋfa holitoblit, chu̱kʋsh achʋfa cha, hʋchim anukfila ai achʋfa hosh nan a sai yukpa ya̱ isht hʋs sʋm alotolashke.

Filippian 1:27

Nana hʋsh a kaniohmi kʋt Klaist im anumpa ak o̱ isht ai ʋlhpesa kak banashke: yohmi na onʋt hʋchi pesa li hokmá, keyukmʋt kanima a̱ya li ik saksho hokmá nana kia na hʋchim a kaniohmi puta yʋmmʋt shilombish achʋfa, im anukfila achʋfa hosh ʋbanumpa ai yimmi ka hʋsh it iba foho̱ʋt kʋllot hʋsh hieli ho̱ haha̱klo lashke.

Loman 12:16

Hʋchim anukfila hʋt ai achʋfʋt hʋsh it im anukfillashke. Isht a holitopa puta ka hʋch ik hoho̱yo kashke: amba hatak ilbʋsha yak o̱ hʋsh il itilauechashke. Hʋchishno inli hʋch ik ile yimmo kashke.

Kaleshan 5:7

Ʋlhpesa hosh hʋsh maleli tuk; anumpa a̱hli ya̱ hʋch ik im antio ka chi̱ ka, kʋta hosh hʋchi ataklʋmmi tuk o̱?

Koloshan 4:2

Anumpa ilbʋsha anumpohonlit, yʋmmak ash o̱ ai o̱kchʋt yak oke hʋsh aha̱nashke.