Filippian 3:12 - Chahta Holisso Holitopa 1886

¹² Himak okʋno ona li ma̱shko ahni li keyu, micha himak ak kia ai a̱hlit sa taha ahni li keyu; amba achunanchit iakaiya li, yʋmohmi hosh yʋmmak a he ak o̱ Klaist Chisʋs ʋt si atokoli tok yʋmmak ash ieshi la he ak atuk oke.

Filippian 3:12 Iomraidhean Croise

Atʋloa 119:5

Ʋm ata̱ya putta kʋt ʋlhtaha na, chi̱ nan ʋlhpisa putta ka̱ hulittobli li hokbano!

Atʋloa 138:8

Chihowa hʋt nanah ʋm ʋtahlih achukma chi̱ hoke; Chihowa ma, isht ish i̱ hullo yʋt abillia yokʋt, chibbak ʋt nan ikbi tok a̱ chik kancho kashke.

Atʋloa 42:1

Issi yosh oka yʋnʋlli yo̱ bʋnnah fehna kak o̱ chohmit, ʋmish shilombish ʋt chi hoyoh fehna hoke, Chitokaka ma.

Atʋloa 63:8

Ʋmish shilombish ʋt kʋllot chi asittiʋshke; chibbak ishtimpakimma yʋt sʋ hʋllʋlli hoke.

Atʋloa 84:2

Chihowa i̱ wanuta putta ka̱ ʋmish shilombish ʋt i̱ pʋllatakmʋt, im ielli hak inli hoke; sʋ chu̱kʋsh micha sʋ haknip aienah mʋt Chitokaka okcha̱ya ya̱ pit i̱ tahpa̱ha̱lʋshke.

Atʋloa 94:15

Nan ʋpesa kʋt ai ʋlhpiesa fʋlamʋt ona chi̱ hoka̱; mikma̱ chu̱kʋsh ai ʋpissali moma kʋt iakkayʋt ia chi̱ hoke.

Mahlu 5:48

Yohmi hoka aia̱hli hʋchi achukma kʋt, hʋch I̱ki ʋba binili kʋt aia̱hli achukma kak inli ho̱ hʋsh chiyuhmashke, hʋchim achi lishke.

Apostel isht Anumpa 9:15

Yohmi kia Chitokaka ash ot, Iá, nan isht ʋm ʋtta holitopa, sa hohchifo ha̱ shoyulit, mi̱ko ʋhleha micha okla nan ik ithano puta, micha Islael ushi ʋhleha aiena itikba ya̱ hikia hi oka.

Loman 8:39

Isht a holitopa fehna, ilbʋsha fehna, keyukmʋt nana toba tok nana kia, pin Chitokaka Chisʋs Klaist ak atuk pulla mak o̱, Chihowa il i̱ hullo ka, pi̱ filʋmmicha himma keyu ka, sai yimmishke.

1 Kolinhlian 13:10

Yohmi kia nana ont ai a̱hli yʋmmʋt ʋla chi̱, yohmi hokmʋno nana ik ono yʋmmak atuk ʋt ont ai ikshot kʋnia hi oke.

1 Kolinhlian 13:12

Himonasi yokʋno ik onanchot a pisa yo̱ hlopullechit e pisa: yohmi kia yʋmmak fokak mak o̱ nashuka bi̱ka il iti̱ pihi̱sa hi oke: himonasi yokʋno ak onancho hosh ithana li; yohmi kia himmak o̱ himonasi ya̱ sʋthaiyana kak inli ho̱ chohmit ithaiyana la hi oke.

1 Kolinhlian 9:24

Kʋna hosh ai itin timi̱ya ai yihlepa chi̱ hatuk okʋt, moma kak osh yihlepa kia, nan isht a holitopa hi okʋno achʋfa bano hosh ishi chatuk a hʋch ik ithano cho? Nan isht a holitopa hi ya̱ hʋsh isha chi̱ kʋt, yʋmmak inli ho̱ chohmit hʋsh malelashke.

2 Kolinhlian 13:9

Ik pi hlampkokmʋt, hʋchi hlampko kak o̱, pi yukpa hokʋt: anonti ai a̱hlit hʋchim ʋlhtaha he ilʋppak kia e hʋchim ai ahni hoke.

2 Kolinhlian 7:1

Yʋmohmi ka a̱ kana holitopa ʋhleha ma! nana hash yakohmiechit pimihi̱sa ka, haknip, micha hʋpim anukfila nan isht ai liteha puyuta ka isht kiloh il a kashofi, Chihowa ha̱ holitohombli pulla hosh ont ai a̱hlit nan ai ashʋchi ka ik pim iksho kashke.

Kaleshan 5:17

Haknip nan ahni kʋt Shilombish a̱ im i̱ sanalikma, Shilombish nan ahni kʋt haknip a̱ im i̱ sanali hoke; micha ilʋppʋt it im inla hoke: yʋmohmi ho̱ nana yʋmihcha he hʋsh ahni kia hʋsh yʋmihcha he keyu hoke.

Efeshan 1:4

Yohmi hosh yakni in tolahpi ʋt iksho pilla ma, Klaist a̱ a pi atokoli kʋt, i̱ hullot nan ai ashʋchi iksho, micha liteha iksho hosh yʋmma itikba il a̱ya he ak atok oke.

Efeshan 4:12

Yohmi kʋt ʋbanumpa yimmi ʋhleha ha̱ ai a̱hlicha he, ʋbanumpa isht ʋtta he, Klaist haknip ithʋnanchit hlampkohoncha hi ak atok oke.

Filippian 1:1

Pal, micha Timohliʋs, ita tuklo Chisʋs Klaist in tishu hʋt ʋbanumpa yimmi a̱hli ʋhleha Chisʋs Klaist ibafoyuka Filippi ai asha, bishop puta, micha chʋch nan isht im ʋtta puta aiena ka pit aiokpʋchi kʋt,

Filippian 3:16

Yohmi kia iloh ai ona ma̱shko hatuk okʋto, yʋmmak ash inli ho̱ kiloh ai itʋnowa cha, nana yʋmmak ash inli ho̱ iloh anukfihinlashke.

Filippian 3:3

Pishno ak okʋto hakshup tʋpa shilombish anukfoyukʋt Chihowa holitoblichi, micha Chisʋs Klaist ai yukpa pia, yohmi kʋt haknip a̱ ai anukchieto keyu pia hoke.

Filippian 3:8

A̱hli mʋhlishke, yohmi kʋt Klaist Chisʋs an Chitokaka ithana achukma fehna kak o̱ nana puta kʋt peh ik ahobo ahni lishke; yʋmma pulla kak o̱ nana puta kʋt isht a̱ kʋnia, mikmʋt yʋmmak ash o̱ chopilhkʋsh a̱ chohmichi li, yʋmohmit Klaist a̱ asitʋbi li,

1 Hlessalonian 5:15

Yohmi ka hʋsh ahni na kʋna kia nana ik achukmo ka nana ik achukmo mak inli ho̱ hatak nana kia ik i̱ yʋmihcho kashke; amba hʋchishno ak inli, micha hatak puta ka isht im achukma kak o̱ hʋsh iakaiya na biliashke.

2 Hlessalonian 2:13

Yohmi kia itibapishi li Chitokaka i̱ holitopa hʋchia ma! hʋchishno pulla kak o̱ Chihowa ya̱ yak oke il im aiahnit bilia he ʋlhpesa hoke. Shilombish isht a kashofa, micha anumpa a̱hli yimmi pulla hosh hʋchi okcha̱ya he ai ʋmmona ka hʋchi atokoli tok oke:

1 Timohli 5:10

Yʋmmʋt hatak achʋfa tekchi atok, nan isht ʋtta achukma ka isht annoa achukma, ʋlla achukmalit hofantihinchi, hatak ik ithano nowʋt a̱ya ka nan im atahanli, ʋbanumpuli holitopa iyi kia im achihi̱fa, ilbʋsha ya̱ apelahanchi, nan isht ʋtta achukma puta ka achunanchi biekʋt isht ahanta cha tuk mak osh iba holissashke.

1 Timohli 6:19

Nitak himak a pilla mihinta he ak pulla tuk mak o̱ im ila̱yak achukma ilap immi mak osh intolahpi bohonli na ai okcha̱yʋt bilia ya̱ isha he mak o̱, ish i̱ mihi̱hashke.

Heblu 12:14

Achunanchit hatak puta ka it i̱ nanaiyʋt, nan ai ashʋchi iksho ya̱ hʋsh ieshashke, yʋmmʋt iksho ka hatak nana kia Chitokaka ya̱ pisa he keyu hoke.

Heblu 12:23

Micha ʋttahpi im iksa hohchifo hʋt ʋba a holitopa yak o̱ a holihi̱so, micha Chihowa moyuma ka nan im apesa, micha hatak ʋlhpiesa puta imi shilombish ʋt ai a̱hli toba tok,

Heblu 13:21

Ilap nan ai ahni ka hʋsh yʋmihcha chi̱ ka nan toksʋli achukma puta ka hʋchi anukfohkihinchit isht hʋchim ai a̱hlichi ho̱, ilap nan isht im ʋlhpiesa fehna ka Chisʋs Klaist ak atuk pulla kak o̱ hʋsh yʋmihinchashke; yʋmmak pulla kak o̱ isht a holitopa yokʋt immi biliʋt peh biliashke. Amen.

Chemis 3:2

E moma kʋt nana ka il ai ibetʋbli kʋt laua hoke. Hatak nana hosh anumpa ha̱ isht ik ibetʋblo hokmʋt, mihi yosh hatak ai a̱hli, micha haknip a̱ mominchit apesahancha hinla hoke.

1 Pita 5:10

Amba Chihowa isht i̱ kana chinto yʋmmak osh Chisʋs Klaist ha tok pulla mak o̱ ilap isht aholitopa bilia yoka il esha he mak o̱ pi atokoli tok ʋt, yakosi itin takla hʋsh ilbaha̱sha ha yak o̱, ai a̱hlichit kʋllochit hilechit, hlampkohonchit, chu̱kʋsh fitikʋchi iksho ho̱ hʋchi anukfokihinchashke.

2 Pita 3:18

Amba isht i̱ kana hʋchi anukfo̱kʋt hʋsh yʋmohmi kʋt i̱ shahlichit ma̱ha̱yʋt, pin Chitokaka pi Okchalinchi Chisʋs Klaist a̱ hʋsh ithaiyana kʋt i̱ shahlichit hʋsh ma̱ha̱yashke. Yʋmmak oka isht a holitopa yokʋt, himonasi, micha himak a pilla ka immit biliashke. Amen.