Filippian 3:10 - Chahta Holisso Holitopa 1886

¹⁰ Yʋmohmi ka Klaist, micha yʋmmʋt illit tani tok nan isht im ai a̱hli, micha yʋmmʋt ai ilbʋsha tok a̱ iba ta̱kla kʋt kaniohmi aiena ka ithana lish, yʋmmʋt illi tok a̱ hoyulba la chi̱ kak a hetuk oke.

Filippian 3:10 Iomraidhean Croise

Mahlu 20:23

Mihma yʋmmak ash o̱, Ʋm isht‐ishko yoka hʋsh ai ishka chi̱ ho mʋhli; mikmʋt baptismo isht a sa baptismo ka isht hʋchi baptisma chi̱ ho mʋhli hoke; yohmi kia sʋbbak ishtimpakimma, micha ʋlhfʋbekimma aiena aiasha hokʋno ʋno yosh ima la hi o̱ keyu, amba A̱ki ʋt kʋna ho̱ im atahli tok mak illa hi oke, achi tok.

Chan 10:18

Hatak nana hosh ʋm ishi ho̱ keyu: amba ʋno akinli ahni li hosh aka bohyuli li hoke. Aka bohyuli la hi ʋt isht ʋm ai ʋlhpesakmʋt, anonti falaminchit ishi la hi ʋt isht ʋm ai ʋlhpesa hoke. Nan‐ʋlhpisa ilʋppak o̱ A̱ki a̱ im a habena li tok, im achi tok.

Chan 17:3

Yohmi ka Chishno ak illa kak osh Chihowa a̱hli chia ka, micha Chisʋs Klaist auet ish kanchi tok ma okla ithaiyana he ak o̱ ilʋppak osh ai‐okcha̱yʋt bilia yoke.

Loman 8:17

Micha im ʋlla pia hokmʋt, isha he ai ʋlhpiesa pia: micha Chihowa yak o̱ im ai isha he ʋlhpiesa pia, micha Klaist ak o̱ it ibai isha he ai ʋlhpiesa pia hoke: yohmi ka il ibai ilbʋsha ho mʋhli hok mak osh il iba holitopa hi atok.

Loman 8:29

Yʋmohmi ka tikbanli ithaiyana tok okʋto ilap Ushi yak o̱ hoyulba he mak o̱ tikbanli atokohonli mak inli tok; yohmi ho̱ yʋmmak ash ot itibapishi laua ka ti̱kba ʋttahpi ha hi atok.

Loman 8:36

Yohma hi o̱ holihi̱so hatok oka, Chishno yak atuk pulla mak o̱ nitak moma ka pihimbi na shohombishke, chukfi ʋlhpoba ʋba chi̱ kak o̱ e chiyuhmi hoke.

2 Kolinhlian 1:10

Yʋmmak osh nan illi chinto fehna kash a pi hlakofichi tuk osh, a pi hlakofichi moma: yohmi kʋt yʋmmak ash osh pi a hlakofihincha chi̱ ka yʋmmak o̱ il anukchieto hoke.

2 Kolinhlian 1:5

Klaist pulla hatuk mak o̱ nan isht ilbʋsha yʋt pim a laua; yohmi hokʋt Klaist pulla hatuk mak o̱ nan isht a pi nuktaiyala yak kia lauʋshke.

2 Kolinhlian 13:4

Ik hlampko hosh ititaiyukhʋna a takalit illi tok kia, Chihowa imi hlampko pulla ho̱ okcha̱ya hoka, pishno ak kia yʋmma iba cha̱fʋt ik pi hlampko; yohmi kia Chihowa imi hlampko yʋt hʋchi onʋtula chi̱ pulla ka, yʋmmak ash iba cha̱fʋt pi okcha̱ya chi̱ hoke.

Kaleshan 2:20

Klaist a̱ ititaiyukhʋna iba takalit sʋlli hoke: yohmi kia si okcha̱ya hoke; yohmi kʋt ʋno ak o̱ keyu, amba Klaist ak osh okcha̱yʋt sa foyuka hoke; himak a̱ okcha̱yʋt haknip a halaia li moma hokʋto, Chihowa Ushi, yʋmmʋt a̱ hullot si ʋlhtobʋt illi tok a̱ i̱ yimmi li hosh si okcha̱ya hoke.

Kaleshan 6:17

Chitokaka Chisʋs pulla hatuk mak o̱ sa haknip a̱ na mi̱sa laua ka isht shaiyali li hoka; himak a pilla mʋnc hatak nana kia ik si ataklammo kashke.

Efeshan 4:13

Yʋmohomi na e moma kʋt ma̱ha̱yʋt nan ai yimmi ka, micha Chihowa Ushi ai ithʋna aiena ka ont il ai achʋfʋt, hatak im ahli e tobʋt, Klaist ʋt a kaniohmit ai alotowa fehna ka e chiyuhma hi oke:

Filippian 3:8

A̱hli mʋhlishke, yohmi kʋt Klaist Chisʋs an Chitokaka ithana achukma fehna kak o̱ nana puta kʋt peh ik ahobo ahni lishke; yʋmma pulla kak o̱ nana puta kʋt isht a̱ kʋnia, mikmʋt yʋmmak ash o̱ chopilhkʋsh a̱ chohmichi li, yʋmohmit Klaist a̱ asitʋbi li,

Koloshan 1:24

Himak a̱ hʋchishno pulla kak o̱, nan isht a̱ palʋmmi puta kʋt sai yukpa hoke; micha Klaist ai ilbʋsha tok a̱ sa haknip isht sʋlbʋsha kʋt ik ono ki̱sha ka, haknip yʋmmʋt chʋch pulla kak oka, isht alotolit isht ma̱ha̱ya li hoke.

Koloshan 2:13

Yohmi kʋt hʋchishno ʋt nana hʋsh ai ashʋchi isht illi, micha hʋchi haknip hakshup ik tapo atuk a̱ nana hʋsh ai ashʋchi puta ka hʋchi̱ kashofi cha, yʋmmak ash iba ta̱klʋchit hʋchi okchalinchi tuk oke:

Koloshan 3:1

Yohmi ka Klaist a̱ hʋsh iba tani tuk okmʋt, Klaist ʋt a binili ʋba Chihowa ibbak isht impakimma nana ai asha kak o̱ hʋsh hoho̱yashke.

1 Pita 1:3

Pin Chitokaka Chisʋs Klaist I̱ki, micha in Chihowa hokʋt holitopashke, yʋmmak osh pi̱ nukha̱klo chinto hatuk osh, Chisʋs Klaist ʋt illi tuk kia, falaminchit tanichi kak osh anonti himonʋchit pikbi tok o̱, na yukpa fehna hosh,

2 Pita 1:13

A̱hli, ʋlhtipo ilʋppa anu̱kaka ahanta li ta̱kla kʋt, hʋsh ithaiyana chi̱ kak o̱ hʋchi anukfokihinchit hʋchi okchʋli li kʋt ilʋppʋt ai ʋlhpiesa, ahni lishke.

1 Chan 2:3

Micha im anumpa ʋlhpisa yak o̱ e holitobli hok mak osh, yʋmma il ithaiyana ho mʋhli kʋt isht il akostininchi hoke.

1 Chan 2:5

Amba kʋna hosh yʋmma im anumpa ha̱ holitobli hokʋto, mihi yosh Chihowa ya̱ i hullo ai a̱hli fehna hoke. Ilʋppak o̱ yʋmma il ibai achʋfa kʋt isht il akostininchi hoke.

Nan Otʋni 1:18

Ʋno ak osh okcha̱yʋt ahanta sia mak osh, sʋlli tok nana kia, anonti yakeh! okcha̱yʋt sa bilia hoke, Amen: yohmi hosh isht ai illa he, micha shilombish aiasha aiena isht‐tiwa ya̱ ieshi li hoke.