Filippian 3:1 - Chahta Holisso Holitopa 1886

¹ Ishtaiyopi ka itibapishi li ʋhleha ma! Chitokaka ya̱ hʋsh ai yukpashke. Nana kʋt mihi yo̱ ash inli ho̱ hʋchi̱ holissochi li kʋt, ʋm ahchiba keyu mʋhli, amba hʋchishno yak osh isht hʋchi a hlampka chi̱ kak oke.

Filippian 3:1 Iomraidhean Croise

Atʋloa 149:2

Ikbi tok a̱ Islael ʋt ishit na̱ yokpashke; Saion im ʋlla ʋhleha hʋt i̱ Mi̱ko ya̱ ishit na̱ yokpashke.

Atʋloa 32:11

Na̱ yokpʋt Chihowa ha̱ hʋsh a yokpashke, ai ʋlhpiesa ʋhlehah ma, micha chu̱kʋsh ai ʋpissali ʋt momʋt yokpʋt hʋsh shʋkapashke.

Atʋloa 33:1

Ai ʋlhpiesa ʋhlehah ma, Chihowa ha̱ yokpa hosh hʋsh i̱ tʋloashke; ai ʋpissali ʋhleha hokʋto hulittoblichi kak osh isht im ʋlhpesa hoka̱.

Atʋloa 37:4

Micha Chihowa hak o̱ isht ish ilai yokpashke, mikma̱ chi chu̱kʋsh nan asi̱hi̱lhha kak o̱ chima chi̱ hoke.

Atʋloa 42:4

Oklah chito iba no̱ho̱wa likmʋt, na̱ yokpʋt ayokpa̱ha̱chit chitolit tʋlo̱ho̱wa hosh oklah chito kʋt nittak hulittopa hulittobli̱hi̱chi ka̱ pehlichit Chitokaka im ʋboha ona lih beka tok ʋt, ilʋppa̱ putta ka̱ ithaiyana likmʋt, sʋ chu̱kʋsh ʋt ʋluttoʋshke.

Atʋloa 5:11

Amba chi ai ʋtukko putta kʋt na̱ yokpashke; na̱ yokpa hosh tʋlo̱ho̱wa na billiashke: mikma̱ ish ʋpihpoa̱ha̱chi na, chi hohchifo ha̱ hulittobli ʋhleha hʋt momʋt isht chi ʋlawʋtashke.

Atʋloa 97:1

Chihowa hʋt mi̱koshke; yakni ʋt yokpashke, tʋshayi lawa kʋt na̱ yokpashke.

Mahlu 5:12

Nayukpʋt hʋchi yukpa fenashke: isht hʋchim ʋlhtoba hi ʋt chinto hosh ʋba ya̱ a̱sha hoka; hopaii ʋhleha hʋchin tikba aiasha ka yakohmichit ilbʋshachi tok mak oka.

ʋBanumpa Luk Ʋt Holissochi Tok 1:47

Yohmi ma sa chu̱kʋsh ʋt Chihowa si okchalinchi a̱ ai isht ilaiyukpʋshke.

Loman 5:11

Micha yʋmmak illa keyu, amba pin Chitokaka Chisʋs Klaist ak atuk pulla kak o̱ Chihowa ya̱ isht a pi yuhu̱kpa fehna cha, yʋmmak atuk pulla kak o̱ himonasi kʋno isht il it i̱ kana hoke.

2 Kolinhlian 13:11

Ishtaiyopi ka itibapishi li ʋhleha ma! na hʋchi yukpashke. Ai a̱hlit hʋchim ʋlhtahashke, ahopohla achukmʋt hʋchim anukfila achʋfʋt, it i̱ nanaiyʋt hʋsh ai ashashke; mikma Chihowa holitoblit nan isht it i̱ nanaiyʋchi yosh hʋchi anukfoyuka chi̱ hoke.

Efeshan 6:10

Ishtaiyopi ka itibapishi li ʋhleha ma! Chitokaka a hlampkot im a hlampko chinto yo̱ hʋsh a hlampkashke.

Tutelonomi 12:18

Amba chin Chitokaka Chihowah ak osh kanima ho̱ ai atokolikma, chishno, micha chiso, micha chiso tek, micha chin tishu hatak, micha chin tishu ohoyo, micha Lefait chi̱ holihta okhissa anu̱kaka ahanta aiena kʋt, chin Chitokaka Chihowah itikba ish ai impa hi oke; micha nana ho̱ chibbak isht ish ishi moma chin Chitokaka Chihowah itikba na, chi yukpashke.

Tutelonomi 16:11

Micha chin Chitokaka Chihowah itikba ya̱, chishno micha chiso, micha chiso tek, micha chin tishu hatak, micha chin tishu ohoyo, micha Lefait ʋt chi̱ holihta okhissa anu̱ka aiasha, micha okla inla, micha i̱ki iksho, micha ohoyo ʋlhtakla hʋch iti̱n takla aiasha aiena kʋt, kanima ho̱ chin Chitokaka Chihowah yʋt hohchifo a bohla chi̱ hosh ai atokoli tukma, yʋmma a yukpʋt ish aiashashke.

Filippian 3:3

Pishno ak okʋto hakshup tʋpa shilombish anukfoyukʋt Chihowa holitoblichi, micha Chisʋs Klaist ai yukpa pia, yohmi kʋt haknip a̱ ai anukchieto keyu pia hoke.

Filippian 4:4

Chitokaka ya̱ hʋsh ai yukpa na biliashke; micha anonti, Na hʋchi yukpashke, achi lishke.

Filippian 4:8

Ishtaiyopi ka itibapishi li ʋhleha ma! nana hosh a̱hlikma, nana hosh holitopakma, nana hosh ai ʋlhpiesakma, nana hosh kashofakma, nana hosh aioklikma, nana hosh annoa achukmakma, nan ai ʋlhpesa inla yʋt a̱shakma, anonti aiokpancha he ʋlhpesa kʋt a̱shakma, ilʋppa puta kash hʋsh anukfihinlashke.

1 Hlessalonian 4:1

Yʋmohmi ka anonti itibapishi li ʋhleha ma! Chitokaka Chisʋs puyulla ho̱ isht e hʋchim anumpohonli kʋt, yʋmmʋt kaniohmit a̱yʋt Chihowa ya̱ hʋsh yukpala hi osh hʋsh pi a haponaklo tok ʋt, yʋmohmit chitot isht i̱ shahli fehnʋt hʋsh ma̱ha̱ya he ak o̱ e hʋchim asilhhʋshke.

1 Hlessalonian 5:16

Hʋchi yukpa na biliashke.

Chemis 1:2

Itibapishi li ʋhleha ma! nan isht imomaka pisa ilaiyuka puta ka hʋsh pihi̱sakmʋt, na yukpali i̱ shahli nana kak o̱ hʋchim itilauashke:

1 Pita 3:8

Ai ishtaiyopi ka moyumʋt hʋchim anukfila hʋt ai achʋfa cha, it i̱ nukha̱klot, itibapishi ʋt i̱ hullo chiyuhmit, inla i̱ kanʋt chu̱kʋsh akanlosi mʋt aienashke.

1 Pita 4:13

Amba Klaist ʋt ilbʋsha puta tok a̱ chiyuhmit hʋsh ibai ilbʋsha ak inli hokʋt, hʋchi yukpashke: yohmi kʋt ilap isht a holitopa hokʋt otaiyanikma, hʋchishno yak kia nan isht il ai yukpa chinto ho̱ isht a hʋchi yukpa mak a hinla hoke.

2 Pita 3:1

A̱ holitopa ʋhleha ma! ilʋppʋt holisso atukla mak o̱ himonasi ka pit hʋchi̱ holissohonchi li kʋt, ita tu̱klo ka nana ka isht hʋsh ithaiyana chi̱ ho̱ hʋchim anukfila tohwikeli tok a̱ isht okchʋli lishke.

1 Samuel 2:1

Mihma Hannah ʋt anumpa ilbʋsha anumpulit, Sa chu̱kʋsh ʋt Chihowa ya̱ ai yukpʋshke, an lapish okʋt Chihowa ya̱ a chahʋshke; sʋtih hʋt wakamʋt an tʋnʋp ʋhleha ha̱ o̱ walʋpli hoke; is si apelʋchi tuk a̱ sai yukpa hokʋt.