Filippian 2:8 - Chahta Holisso Holitopa 1886

⁸ Micha hatak ohmi hosh haiaka mʋt, il akanlosechit im antia kʋt, ititaiyukhʋna a takalit illi yoh kia isht illi kak atok.

Filippian 2:8 Iomraidhean Croise

Atʋloa 22:16

Ofi putta kʋt si ʋpakfoiyupa hoka̱: nan ik achukmo yʋmihchi ittʋnaha yosh si ʋfulluplit, sʋbbak micha saiyi ya̱ bahlishke.

Mahlu 17:2

Mihmʋt itikba ya̱ ai inla tobʋt hikia tok; mihma nashuka yʋt shohpakali kʋt hʋshi ak o̱ chiyuhmi ma, im anchi ʋt tohbi kʋt tommi hak o̱ itilaui tok.

Mahlu 26:39

Mihmʋt achakalit iʋt misha ituma ona mʋt, hlipiʋt itula cha, ʋba pit anumpuli mʋt, A̱ki ma! yohma hinla yoba hokma, isht‐ishko ilʋppʋt a̱ kanʋllashke: yohmi kia ʋno ak osh ahni li kak keyu, amba chishno ish ahni kak ashke.

Mahlu 26:42

Anonti atu̱kla ma ia cha, ont ʋba pit anumpuli mʋt, A̱ki ma! isht‐ishko ilʋppa ai ishko li ha yo keyukma, a̱ kanʋlla he keyu hokma, chishno nana ish aiahni ka yʋmohmashke, achi tok.

ʋBanumpa Luk Ʋt Holissochi Tok 9:29

Atuk osh ʋba pit anumpuli ma, nashuka yʋt inlʋt toba ma, i̱ na‐fohka yʋt tohbit shohmalili tok.

Chan 10:18

Hatak nana hosh ʋm ishi ho̱ keyu: amba ʋno akinli ahni li hosh aka bohyuli li hoke. Aka bohyuli la hi ʋt isht ʋm ai ʋlhpesakmʋt, anonti falaminchit ishi la hi ʋt isht ʋm ai ʋlhpesa hoke. Nan‐ʋlhpisa ilʋppak o̱ A̱ki a̱ im a habena li tok, im achi tok.

Chan 14:31

Yohmi kia A̱ki a̱ holitobli li ka, yakni ʋt ithaiyana chi̱ ka, A̱ki ʋt nana ho̱ ʋm apihi̱sa tok a̱, mih mak o̱ yʋmihchi li hoke. Ho wakayá, kiloh ilhkolí.

Chan 15:10

Ʋm anumpa ʋlhpisa puta ka hʋsh im antia hokmʋt, a sa holitobli kʋt a hʋchi bilia he: ʋno ʋt A̱ki a̱ im anumpa ʋlhpisa puta ka im antia li kʋt, ai i̱ hullo mʋt a sa bilia tok mak o̱ hʋsh chiyuhma hi oke.

Chan 4:34

Chisʋs ash ot, Auet sa kanchi tok nan ahni kak o̱ a yʋmohmi, micha i̱ na‐toksʋli atahli aiena kak osh ʋm ilhpak oke.

Apostel isht Anumpa 8:33

“Ilbʋsha fena ma, nan ai ʋlhpiesa ka im ishi tok. Im ilhfiopak a̱ yakni a̱ ai ishi tok oka; im ai itilaui̱ kʋt aha̱shwa tok a̱, kʋta hosh anola hinla cho̱?”

Loman 5:19

Hatak achʋfa kash osh ik im antio pulla kak o̱ moma kʋt nan ai ashʋchi ʋhleha toba tok ash inli chiyuhmit, achʋfa kash osh im antia pulla kak o̱ la̱wa kʋt ai ʋlhpiesa toba hi oke.

2 Kolinhlian 8:9

Hʋpin Chitokaka Chisʋs Klaist, yʋmmak okʋt nan in laua yatuk kia, hʋchishno pulla kak o̱ ilbʋsha yo̱ toba tok; yʋmmʋt nan ilbʋsha pulla hatuk mak o̱ na hʋchin laua chi̱ hatok ʋt hʋsh ithana hoke.

Kaleshan 3:13

Klaist ʋt pi ʋlhtobʋt na hotopa onʋtula toba cha, ʋba nan ʋlhpisa isht a hotopa ya̱ a chumpʋt pi falaminchi tok; holisso kʋt, Kʋna kia iti a̱ atakalikmʋt, na hotopa anumpa hosh onʋtula hoke, achi hoke.

Tutelonomi 21:23

Nipi ʋt iti ya̱ takali na ont onna he keyu, ik kaniohmi kia nitak yʋmmak inli ho̱ ish hohpi pullashke; (iti yo̱ atakali hokʋto Chitokaka a kallakshi hoka,) yʋmohmi ho̱ chi̱ yakni ya chi̱ ho̱ chin Chitokaka Chihowah yʋt chima tok ʋt ik liteho kashke, (achi tok.)

Titus 2:14

Yohmi kʋt yʋmmak ash osh ai ashʋchika puta ka a pi hlakofihinchi cha, pi kashofi na ilap immi okla holitopa fehna e toba cha, nan toksʋli achukma puta ka a yiminta hosh isht il ahanta he mak o̱, pi ʋlhtoba hosh illi tok.

Heblu 12:2

Chisʋs nan isht a pi yimmi ka pi nukfohkichi, micha atahli, yʋmmak osh nan isht ilaiyukpa yʋt itikba auet takali kak osh ʋlhpesa ahnit, ititaiyukhʋua ya̱ takalit, nan isht a hofahya nan isht ik im ahobo tok osh, Chihowa ai o̱ binili holitompa isht impakimma yak o̱ binili ka hʋsh pihi̱sashke.

Heblu 12:4

Hʋchishno yokʋto nan ai ashʋchika ya̱ i̱ sanali kʋllo fehnʋt hʋsh ilafoa na issish isht ik hlatapo ki̱shʋshke.

1 Pita 2:24

Yʋmmak osh nan il ai ashʋchika ya̱ ilap haknip fehna ak o̱ ilap inlit il onochi hosh iti ya̱ takali tok: yohmi ho̱ nan ai ashʋchika puta il im ihinli hosh, nan ai ʋlhpiesa ya̱ il im okcha̱ya chi̱ ha tok: yʋmmʋt fahama tok ak o̱ isht hʋchi hlakofi hoke.

1 Pita 3:18

Yohmi ka Klaist ak kia himonna ma nan ai ashʋchika pulla kak o̱ ai ʋlhpesa yʋt ik ai ʋlhpeso yak o̱ ʋlhtobʋt isht ilbʋsha tok; yohmi hosh pi pehliechit Chihowa ya̱ isht pim ona chi̱ ha tok: haknip okʋto illi ha tok kia, amba shilombish okʋto okcha̱ya tok: