Filippian 2:7 - Chahta Holisso Holitopa 1886

⁷ Yohmi kʋt il a kohchichit yuka ohmi ho̱ il aieshit hatak chohmi hosh toba tok oke.

Filippian 2:7 Iomraidhean Croise

Atʋloa 22:6

Amba ʋno ʋto shu̱shi sia hosh, hʋttak siah keyushke; hʋttak ʋt ik ʋhobalo, micha okla hʋt shittilema yo̱ sia hoke.

Mahlu 20:28

Hatak Ushi ʋt ilapo ak o̱ nan isht im ʋtta chi̱ ho̱ a̱ya ha tok keyu: amba nan isht ʋtta chi̱, mikmʋt laua ho̱ ilap im ilhfiopak a̱ isht chumpa chi̱ aiena hosh a̱ya tok a̱, mih mak o̱ hʋsh chiyuhmashke, achi tok.

Mark i̱ Holisso 9:12

Mihma afalaminchi mʋt, A̱hli, Elias ak osh ti̱kba ʋla cha, nan‐oklu̱ha ka ant falaminchit apoksiacha he; mikmʋt Hatak Ushi ʋt kaniohmit nana la̱wa ka isht ai ilbʋsha he, micha nan isht ik ahobo ka he aiena ka isht a holisso hatuk oke.

ʋBanumpa Luk Ʋt Holissochi Tok 22:27

A̱shʋt impa kak okmá, nan isht im anta kak okmá, nanta kak osh i̱ shahli yo̱? a̱shʋt impa kak keyu̱? yohmi kia ʋno ʋto nan isht im ʋtta mak o̱ chohmi hosh hʋchi ibafo̱ka lishke.

Chan 1:14

Micha Anumpa hash ot nipi yo̱ toba cha, nan isht i̱ kana, micha nana aia̱hlika aienʋt isht alotowa hosh pi takla ahanta tok: yohmi na isht a holitopa ya̱, I̱ki a̱ Ushi ʋt achʋfa illa cha ai isht a holitopa chatuk mak o̱, chiyuhmi ho̱ e pihi̱sa tok.

Loman 1:3

Ilap Ushi Chisʋs Klaist hʋpin Chitokaka, yʋmmʋt haknip imma hokʋno Lewi isht atiaka yo̱ isht atoba kak atok;

Loman 15:3

Yohmi ka Klaist ak kia ile yukpali tok keyu hoka; amba holihi̱so kʋt, Isht a hofahyali puta kʋt chi onʋtula hatuk ʋt sai onʋtula hatuk oke, achi hatok oka.

Loman 15:8

Yohmi ka Chihowa isht ai a̱hli yak atuk pulla kak o̱ Chisʋs Klaist okʋt hakshup tʋpa yak o̱ nan isht im ʋtta toba kʋt, i̱ki ʋhleha ha̱ nan im ihi̱sa tok puta ka ai a̱hlicha chi̱ kak atok oke, achi lishke.

Loman 8:3

Yohmi ka ʋba nan ʋlhpisa yʋt nana ka ik atahlo kʋt, haknip ak atuk pulla kak o̱ ik ai a̱hlo hatuk o̱, Chihowa hʋt ilap Ushi ak inli ho̱ ai ashʋchika isht ʋlhtoba mak o̱ hatak nan ashʋchi haknip a̱ hobachit auet kanchi hosh, haknip ak o̱ ai ashʋchika ya̱ ai i̱ palʋmminchi tok:

2 Kolinhlian 13:4

Ik hlampko hosh ititaiyukhʋna a takalit illi tok kia, Chihowa imi hlampko pulla ho̱ okcha̱ya hoka, pishno ak kia yʋmma iba cha̱fʋt ik pi hlampko; yohmi kia Chihowa imi hlampko yʋt hʋchi onʋtula chi̱ pulla ka, yʋmmak ash iba cha̱fʋt pi okcha̱ya chi̱ hoke.

2 Kolinhlian 8:9

Hʋpin Chitokaka Chisʋs Klaist, yʋmmak okʋt nan in laua yatuk kia, hʋchishno pulla kak o̱ ilbʋsha yo̱ toba tok; yʋmmʋt nan ilbʋsha pulla hatuk mak o̱ na hʋchin laua chi̱ hatok ʋt hʋsh ithana hoke.

Kaleshan 4:4

Yohmi tok kia nitak ont ʋlhpesa kʋt ʋla ma, Chihowa yʋt Ushi ʋt pila na, nan ʋlhpisa i̱ nutaka toba hosh ohoyo ho̱ a toba tok.

Filippian 2:6

Yʋmmʋt Chihowa hoyulba yatuk osh, Chihowa ya̱ ile itilauechi kʋt na wehpuli ya he ahni tok keyu.

Heblu 12:2

Chisʋs nan isht a pi yimmi ka pi nukfohkichi, micha atahli, yʋmmak osh nan isht ilaiyukpa yʋt itikba auet takali kak osh ʋlhpesa ahnit, ititaiyukhʋua ya̱ takalit, nan isht a hofahya nan isht ik im ahobo tok osh, Chihowa ai o̱ binili holitompa isht impakimma yak o̱ binili ka hʋsh pihi̱sashke.

Heblu 13:3

Talakchi puta ka ibai achʋfa ho̱ chiyuhmit, micha na palʋmmi isht ilbʋsha yʋmma puta ka hʋsh ithaiyanashke; hʋchishno yak kia hʋchi haknip ʋt hʋchi shilombish ai itifo̱ka moma hokʋt.

Heblu 4:15

Yohmi ka na holitompa isht ʋtta chinto nan isht a pilbʋsha ka ik piba nukha̱klo ka hi osh pim anta keyu; amba nana a kaniohmi puta ka imomaka pisa kʋt, pishno ak inli ho̱ chiyuhmi kia ai ashʋchi yak osh ik im iksho ki tok.