Filippian 2:5 - Chahta Holisso Holitopa 1886

⁵ Klaist Chisʋs anukfoyuka tok akinli nan anukfila ilʋp pʋt hʋchi anukfoyukashke.

Filippian 2:5 Iomraidhean Croise

Mahlu 11:29

Ʋm ikonla abana yak o̱ isht hʋsh il abanali cha, ʋno ak o̱ hʋs sʋm ai ithʋnashke: ʋno ak osh chu̱kʋsh yohbi, micha chu̱kʋsh akanlosi aiena sia hoka: yohmik mak osh hʋchi shilombish puta a foha hi a̱ hʋsh ahayucha he mak oke.

ʋBanumpa Luk Ʋt Holissochi Tok 22:27

A̱shʋt impa kak okmá, nan isht im anta kak okmá, nanta kak osh i̱ shahli yo̱? a̱shʋt impa kak keyu̱? yohmi kia ʋno ʋto nan isht im ʋtta mak o̱ chohmi hosh hʋchi ibafo̱ka lishke.

Apostel isht Anumpa 10:38

Kaniohmit Chihowa yʋt, Chisʋs Nasalet ai ʋtta ya̱ Shilombish Holitopa, micha nan isht im ai a̱hlika aiena ka isht ahʋmmichi tok; Chihowa yʋt awant a̱ya hatuk o̱, yʋmmak ashot nan achukma ka isht ahanta, micha nan isht‐ahullo okpulo isht ilbʋsha ʋhleha ya̱ mominchit hlakofichit noho̱wa tok, hʋsh ithaiyanʋshke.

Apostel isht Anumpa 20:35

Yakohmit toksahanli hosh ilbʋsha puta ka hʋsh apelʋcha he tuk, micha Chitokaka Chisʋs im anumpa puta, yʋmmak okʋt, Ima kak osh na yukpa kʋt habena ka, i̱ shahli hoke, achi tok a̱ hʋsh ithaiyana chi̱ ka mominchit hʋchim anohonli li chatuk oke; im ahanchi tok.

Loman 14:15

Ish itibapishi hʋt nana ish pa ka isht ik im ʋlhpieso hokma, himak a i̱ hullot ish noho̱wa keyushke. Yʋmmak ash Klaist ʋt ʋlhtobʋt illi hatok oka, chim ilhpak a̱ isht chik okpano kashke.

Loman 15:3

Yohmi ka Klaist ak kia ile yukpali tok keyu hoka; amba holihi̱so kʋt, Isht a hofahyali puta kʋt chi onʋtula hatuk ʋt sai onʋtula hatuk oke, achi hatok oka.

Loman 15:5

Yohmi ka Chihowa hak osh hʋchi atohnohonchit isht anuktaiyalʋt achunanchi ya̱ hʋch ima na nana hʋsh it im anukfilli kʋt ai achʋfʋt Klaist Chisʋs ak atok ak o̱ hʋsh chiyumashke.

1 Kolinhlian 10:33

Hatak moma ka nana moma ka yukpali kʋt, ʋno nan isht ʋm ai ʋlhpiesa hi o̱ hoyo li keyu; amba la̱wa yʋmmʋt okcha̱ya chi̱ ka, isht im ai ʋlhpiesa hi o̱ hoyo li ka hʋsh chiyuhmashke.

Efeshan 5:2

Micha Klaist ʋt pi̱ hullo cha, pishno ak atuk mak o̱ nan ashʋchi isht ʋlhtoba, Chihowa nan i̱ balama, isht il im issa tok a̱ chiyuhmit, ai it i̱ hullot hʋsh ai itʋnowashke.

Filippian 1:1

Pal, micha Timohliʋs, ita tuklo Chisʋs Klaist in tishu hʋt ʋbanumpa yimmi a̱hli ʋhleha Chisʋs Klaist ibafoyuka Filippi ai asha, bishop puta, micha chʋch nan isht im ʋtta puta aiena ka pit aiokpʋchi kʋt,

1 Pita 2:21

Yohmi ka ilʋppak o̱ hʋsh yʋmohma he osh hʋchi ʋlhtoka tok; pishno ak atuk pulla mak o̱ Klaist ak kia ilbaha̱sha kʋt, ilap a noho̱wa tok a̱ il iakaiya he mak o̱ pim abahanchi hatok oka:

1 Pita 4:1

Yʋmohmi ka Klaist ʋt hʋchishno yak atuk pulla kak o̱ haknip a̱ isht ilbaha̱sha tok a̱, chiyuhmit hʋchishno yak kia im anukfila hatok chiyuhmi ka hʋsh il ataiyahli mak inlashke: yohmi ka haknip a̱ isht ilbaha̱sha tok ʋt nan ai ashʋchi ya̱ issʋt ai i̱ filʋmmi ha tok oke:

1 Chan 2:6

Kʋna hosh yʋmmak oka ai iba foyuka, miha hokʋto, ilap mak kia, yʋmmʋt kaniohmit a̱ya tok mak o̱, a chohmit a̱ya he tuk oke.