Filippian 2:2 - Chahta Holisso Holitopa 1886

² Hʋchim anukfila hʋt itilauit nana a miha chʋfa holitoblit, chu̱kʋsh achʋfa cha, hʋchim anukfila ai achʋfa hosh nan a sai yukpa ya̱ isht hʋs sʋm alotolashke.

Filippian 2:2 Iomraidhean Croise

Atʋloa 122:8

Ittibapishi lih ʋhlehah, itti̱kana lih ʋhlehah aiena kak atuk mak o̱ ʋnumpulit, “Nan isht ai achukma yʋt chiba foiyukkashke,” achi lashke.

Chan 3:29

Ohoyo himona hatak auwaya ka ilaueli kak osh, yʋmmʋt hatak himona ohoyo itauwaya mak oke: amba himona ohoyo itauwaya i̱ kana hokʋto himona ohoyo itauwaya anumpuli pulla kak o̱ hiki̱ʋt i̱ haponaklot isht a yukpa chinto hoke: yohmi ka na sai yukpa ilʋppʋt isht aia̱hli mak oke.

Apostel isht Anumpa 1:14

Ilʋppak osh momʋt ohoyo puta, micha Meli Chisʋs ishki, micha itibapishi ʋhleha hatuk aiena ka ai itapehʋt im anukfila ai achʋfʋt ʋba pit anumpulit, nana asilhha aiena kʋt ik isso hosh aiasha tok.

Apostel isht Anumpa 2:1

Atuko̱ Pentekost nitak ʋt ont ʋlhpiesʋt taha ma, momʋt im anukfila ai achʋfʋt mih achʋfa yo̱ chieya tok.

Apostel isht Anumpa 2:46

Micha im anukfila mʋt ai achʋfʋt, Tempel anu̱kaka ya̱, nitak moma ai aha̱shwa, micha chuka taloha puta ma, pʋska a boshullichit itʋnowa aiena mʋt, chu̱kʋsh ai a̱hlit na yukpʋt im ilhpak ma ʋpʋt aiashʋt,

Apostel isht Anumpa 5:12

Yʋmohmi ma ʋbanumpeshi ʋhleha ibbak a̱ nan isht ahoba, micha na fehna aiena laua kʋt okla itintakla ya̱ isht a yʋmohmi tok. Mihma momʋt im anukfila hʋt ai achʋfʋt Solomon im apishia nutaka chieya tok.

Loman 12:16

Hʋchim anukfila hʋt ai achʋfʋt hʋsh it im anukfillashke. Isht a holitopa puta ka hʋch ik hoho̱yo kashke: amba hatak ilbʋsha yak o̱ hʋsh il itilauechashke. Hʋchishno inli hʋch ik ile yimmo kashke.

1 Kolinhlian 1:10

Yohmi ka itibapishi li ʋhleha ma! nana a miha chʋfa ho̱ isht hʋsh anumpula he, mikmʋt ai it i̱ filʋmmi puta kʋt ik hʋchim iksko ka he; amba nana hosh ai ahni kʋt hʋchim anukfila hʋt ai a̱hli fehnʋt hʋsh it ibafoyuka he mak o̱, pin Chitokaka Chisʋs Klaist isht a hochihi̱fo hosh hʋchim ai ahni lishke.

2 Kolinhlian 13:11

Ishtaiyopi ka itibapishi li ʋhleha ma! na hʋchi yukpashke. Ai a̱hlit hʋchim ʋlhtahashke, ahopohla achukmʋt hʋchim anukfila achʋfʋt, it i̱ nanaiyʋt hʋsh ai ashashke; mikma Chihowa holitoblit nan isht it i̱ nanaiyʋchi yosh hʋchi anukfoyuka chi̱ hoke.

2 Kolinhlian 2:3

Yohmi ka ona likmʋt, kʋna ho̱ ibai yukpa la hetuk, yʋmmak ash ot nana a kaniohmi ka isht a nukha̱klo la hinla kak osh, ilʋppʋt mihi ash inli ka isht hʋchi̱ holissochi li hatuk oke: hʋsh moma nan isht hʋchim ai‐yukpa yʋt ʋno a̱ nan isht ʋm il aiyukpa ak inli hoke, ai ahnit hʋsh moma ka hʋchi̱ yimmi lishke.

2 Kolinhlian 7:7

Yohmi kʋt yʋmmʋt a̱yʋt ʋla kak bano keyu, amba na nuktanla mihi yo̱ yʋmmak ash ot isht hʋchi anuktanla pulla tuk osh, nan isht hʋs sa̱ hullo kʋllo, mihmʋt na hʋchi nukha̱klo, hʋchim anukfila ha̱ kʋllochit isht hʋs si atakali aiena ka yʋmmak ash ot ant pim anoli hoka: yohmi hoka nan isht sai yukpa ʋm i̱ shahli fehna tuk oke.

Filippian 1:4

Nitak na hʋchi yimmi tok ʋhlit mintit ant himak ak o̱ hʋchim ila̱yak iti hopinhinlʋt, ʋbanumpa isht hʋsh apelʋchi kak o̱, anumpa ilbʋsha isht hʋchi anumpuli li puta kʋt chu̱kʋsh yukpʋt isht hʋchi asihi̱hla li̱ biliʋshke.

Filippian 2:16

Micha anumpa okcha̱ya ya̱ hʋsh otʋninchi na Klaist i̱ nitak a̱ pilla ho̱ chaha̱fa li tok keyu, micha pilla ho̱ toksʋli li keyu kʋt sai yukpashke.

Filippian 2:20

Nana a hʋchi a kaniohmi ka anukfihinli fehna kʋt hatak inla im anukfila yʋmmak inli ohmi ho̱ ik sʋm iksho hokʋt.

Filippian 4:2

Yuotias a̱ ilbʋshʋt im asilhha li, micha Sintichi ma ilbʋshʋt im asilhha li ka, yʋmmʋt im anukfila it ibai achʋfa hosh Chitokaka ya̱ ibafoyukashke.

Koloshan 2:5

Haknip okʋno isht ik saksho kia, shilombish okʋno isht hʋch ibafoyukʋt ai ʋlhpiesa hʋsh yʋmohmi, micha Klaist a̱ i̱ yimmi ka a kʋllot hʋsh hieli ka hʋchi pihi̱sa li kʋt sai yukpa hoke.

2 Hlessalonian 2:13

Yohmi kia itibapishi li Chitokaka i̱ holitopa hʋchia ma! hʋchishno pulla kak o̱ Chihowa ya̱ yak oke il im aiahnit bilia he ʋlhpesa hoke. Shilombish isht a kashofa, micha anumpa a̱hli yimmi pulla hosh hʋchi okcha̱ya he ai ʋmmona ka hʋchi atokoli tok oke:

2 Timohli 1:4

Yohmi kʋt chi nishkin okchi mihinti tok a̱ ithaiyana li mʋt, chi pisa sa bʋnna fehna, yʋmohmit sai yukpa ai a̱hli fehna hokbano ai ahni lishke;

Filemon 1:20

A̱hlishke, itibapishi li ma! Chitokaka ish ibai achʋfa hoka nana isht chi a sai yukpashke; Chitokaka ish ibai achʋfa hokʋt is sa nuktalalashke.

2 Chan 1:4

Anumpa ʋlhpisa Pi̱ki ʋt pima tok mak o̱, chim ʋlla ʋhleha hʋt nan ai a̱hli ka mak o̱ ai itʋnowa na pisa li kʋt, sa yukpa fehna tuk oke.

3 Chan 1:4

Na sa yukpa kʋt, ʋm ʋlla ʋhleha hʋt nan ai a̱hli ka ya̱ ai itʋnowa na haklo li ka ʋm i̱ shahli kʋt iksho.