Filippian 2:10 - Chahta Holisso Holitopa 1886

¹⁰ Yʋmohmi ka Chisʋs hohchifo ha̱ ʋba yakni aiasha, micha yakni paknaka aiasha, micha yakni nutaka aiasha puta kʋt i̱ hʋchukbihlepa he;

Filippian 2:10 Iomraidhean Croise

Mahlu 28:18

Yohmi ma Chisʋs ʋt ʋla cha, ant im anumpuli mʋt, Ʋba yakni, micha yakni ilʋppa aiena nan‐isht im ai a̱hlika puta moma kʋt ʋmmi toba hoke.

Heblu 1:6

Micha anonti, Tobahpi yash o̱ yakni paknaka ya̱ isht ʋla mʋt, Chihowa im enchil ʋhleha hʋt moyumʋt aiokpahanchashke, ahanchishke.

Efeshan 3:14

Ilʋppa pulla kak o̱ pin Chitokaka Chisʋs Klaist, yʋmmak o̱ chuka chʋfa ʋba yakni a̱ ai asha, micha yakni ai asha a moyuma kʋt ai a hohchifo I̱ki a̱ i̱ hʋchukbehlipa li kʋt,

Nan Otʋni 4:10

Hatak tikba pokoli tuklo akucha ushta kash osh okcha̱yʋt ahantʋt biliʋt bilia yʋt ai o̱ binili holitompa o̱ binili kash itikba ya̱ ant hlipkʋchit, aiokpahanchi mʋt, im iachuka hash shoelit ai o̱ binili holitopa itikba ya̱ pit ashachi mʋt,

Efeshan 1:10

Yʋmmʋt nitak ʋt ont ai ʋlhpiesakma, nana puta ʋba ai asha, micha yakni pakna ai asha aiena ka itahobit achʋfalechit, Klaist yʋmma fehna ka i̱ nutakacha he ak atok:

Mahlu 27:29

Micha kʋti iachuka ho̱ okla tʋnʋt tahli mʋt, noshkobo ha̱ iachukolichi cha, anonti ibbak isht impakimma ya̱ ku̱shak o̱ pit fohki tok: mihmʋt itikba ya̱ okla i̱ hʋchukbihlepa cha, isht yopulʋt, Chu okla i̱ mi̱ko ma! na chi yuk pashke, achi tok.

Nan Otʋni 20:13

Yohmi ma okhʋta hʋt illi puta, yʋmmʋt im aiasha tuk ʋt il ai a kocha welikma, anonti nan‐illichi, micha illi ai asha mʋt illi puta, yʋmmʋt im ai asha tuk ʋt il ai a kohcha weli na yʋmmak ash ot ilap nana a kaniohmi puyulla tuk mak o̱ hatak moma kash ot nan isht im ʋlhpihi̱sa tok.

Efeshan 4:9

Yohmi ka ʋba ia tok, achi kʋt nanta hoh cho? amba yʋmmʋt tikba ma ʋba mintit aka yakni ʋla tok ak inli keyu̱?

Loman 11:4

Yohmi kia Chihowa hʋt afalaminchit nanta hak o̱ im achi ho̱? Hatak tahlepa sipokni untuklo hokʋto Baal holbʋt toba ya̱ ik i̱ hʋchukbihlepo atuk okʋno ʋno ʋmmi yo̱ ilatohomba li tuk oke, achishke.

Mahlu 12:40

Chonas ʋt nitak tuchina micha ninak tuchina aiena ho̱ nʋni chito ikfoka anu̱kaka ya̱ fo̱ka tok a̱; yʋmmak inli ho̱ chohmit Hatak Ushi ʋt nitak tuchina micha ninak tuchina aiena ho̱ yakni chu̱kʋsh anu̱kaka yatuk ma foyuka hi oke.

Genesis 41:43

Micha itichanʋlli atukla i̱ hikia tuk ʋt ombinilichi tok: mihma tikba okla pa̱yʋt a̱yʋt, Hʋsh hʋchukbihlepashke, ahanchi tok: micha Echip yakni moma ka̱ pehlichi ikbi tok.

Atʋloa 95:6

Intah! ayokpʋchit iloh im ʋkahchunnolashke; hʋp ikbi tok Chihowa itikba eho hachukbihlepashke.

Nan Otʋni 5:3

Yohmi ma ʋba shutik, micha yakni, mikmʋt yakni nutaka aiena ai ahanta kʋt kʋna kia holisso yʋmma tiwa he, mikmʋt pisa he ai im ʋlhpiesa aiena kʋt iksho ki tok.