Filippian 2:1 - Chahta Holisso Holitopa 1886

¹ Yohmi ka Klaist atuk pulla mak o̱ ahopohla yʋt a̱sha hokma, i̱ hullo kʋt a nuktanla yʋt a̱sha hokma, Shilombish ai itiba chʋfa yʋt a̱sha hokma, chu̱kʋsh isht i nukha̱klot hi ahni yʋt a̱sha hokma,

Filippian 2:1 Iomraidhean Croise

Atʋloa 133:1

Yakeh, ittibapishih ʋhleha hʋt ittibaiachʋffʋt aiyasha ka̱ achukmáh, micha champulih fehnʋshke.

ʋBanumpa Luk Ʋt Holissochi Tok 2:25

Yʋmohmi ma yakeh! hatak Simeon hohchifo hosh Chelusalem a̱ anta tok: yohmi kʋt yʋmmak okʋt hatak ʋlhpiesa, Chihowa ma holitobli aia̱hli hosh Islael okla na‐yukpali a̱ pit hoho̱yo hosh anta tok: yohmi ma yʋmmak oka Shilombish Holitopa yʋt anukfoyuka tok.

Chan 14:18

Hʋchi ʋlhtakla ho̱ hʋch issʋt a̱ya la he keyu; hʋchim a̱ya la hi oke.

Chan 14:27

Nanaiya ya̱ hʋchi̱ bohli lishke: a̱ nanaiya ya̱ hʋch ima lishke: yakni ʋt ima chatuk a̱ chohmi keyu ho̱ hʋch ima lishke. Hʋchi chu̱kʋsh ʋt ik kaniohmokmʋt, anonti ik nukshopo kashke.

Chan 17:13

Yohmi ka ʋno pulla hatuk mak o̱ a̱ nan‐isht ilaiyukpa ma ilap inlit okla il ai esha hi o̱, ilʋppa puyuta ka yakni paknaka isht ai anumpohonli li, yohmi tuk osh himak okʋno chim a̱ya li mak oke.

Apostel isht Anumpa 2:46

Micha im anukfila mʋt ai achʋfʋt, Tempel anu̱kaka ya̱, nitak moma ai aha̱shwa, micha chuka taloha puta ma, pʋska a boshullichit itʋnowa aiena mʋt, chu̱kʋsh ai a̱hlit na yukpʋt im ilhpak ma ʋpʋt aiashʋt,

Apostel isht Anumpa 4:32

Okla laua na yimmi tuk ʋhleha hashot chu̱kʋsh achʋfa mʋt, Shilombish mʋt achʋfa hosh ai asha tok; micha achʋfona kia nana im aiasha kʋt kaniohmi ka ilʋppa ʋno ʋmmi fena, achi tok keyu; amba nana moma ai i̱ moma hosh aiasha tok.

Loman 5:5

Micha ai okcha̱ya pisa he ahni yʋt hofahyali keyu; Shilombish Holitopa yʋt pi anukfo̱ka hatuk osh Chihowa isht i̱ hullo ya̱ lauachit pi chu̱kʋsh anu̱kaka ya̱ pit fohobli hoka.

Loman 8:26

Yʋmmak i̱ chiyuhmit Shilombish ak kia ik a pi hlampko puta ka pi apelahanchi fehna hoke: nana ka il asilhha he tuk ai ʋlhpiesa kʋt pishno ak inli kʋt il ithana keyu hoka; amba Shilombish ash inli hosh isht a hi̱hi̱ha isht anumpa he keyu puta kak o̱ pi anukfokihinchi hoke.

1 Kolinhlian 12:13

Shilombish achʋfa pulla ho̱ momʋt isht il a baptismot haknip achʋfa e toba; Chu, keyukmʋt Chentail pia hokmá, yuka, keyukmʋt yuka keyu yo̱ pia hokmá, nana tuk kia momʋt Shilombish achʋfa il ibai ishi yo̱ e toba hatuk.

1 Kolinhlian 15:31

Nan isht ilaiyukpa yʋmma hʋchishno pulla hatuk mak o̱ pin Chitokaka Klaist Chisʋs isht im ai eshi li kak osh ai a̱hlichit anohonli li mʋt, nitak moma ka sahanlishke.

1 Kolinhlian 3:16

Chihowa in tempel hʋchia, yohmi hatuk o̱ Chihowa imi Shilombish ʋt hʋchia chukʋt anta ka hʋch ik ithano cho?

2 Kolinhlian 13:14

Chitokaka Chisʋs Klaist nan isht i̱ kana, micha Chihowa isht i̱ hullo micha Shilombish Holitopa ai itibai achʋfa aiena kʋt hʋsh moyuma ka hʋchi anukfoyukashke. Amen.

2 Kolinhlian 2:14

Yohmi hoka, yak oke ahnit, Chihowa ha̱ kiloh aiokpʋchí; yʋmmak osh Klaist pulla hatuk mak o̱ il imaiyacha chi̱ ka pi apelahanchi; mikmʋt kanima moma ka pishno pulla atuk mak o̱ ilap a nan isht im ithʋna i̱ na balama otʋnihinchishke.

Kaleshan 4:6

Yohmi tok a̱ ushi ʋhleha hʋchia hoka, Chihowa yʋt Ush imi Shilombish a̱ hʋchi chu̱kʋsh a̱ anukfohki na Abba I̱ki achit tahpahanla hoke.

Kaleshan 5:22

Amba Shilombish o̱ isht ai ʋni hokʋto, I̱ hullo, nayukpa, it i̱ nanaiya, nuktaiyalʋt nokowa sʋlaha, anukfila yohbi, nana achukma yʋmohmi, na yimmi,

Efeshan 4:4

Yohmi ka haknip achʋfa, micha Shilombish achʋfa hosh aiasha, yʋmmak inli ho̱ chohmit hʋsh a yʋmohma he hʋchi ʋlhtoka tok ʋt, ai okcha̱ya pisa he hʋsh ai ahni kʋt achʋfa hoke.

Filippian 1:8

Chisʋs Klaist hiahnit isht i̱ hullo chohmit hʋchi̱ sa palata fehna ka, Chihowa yʋt atokolit si anoli yoka.

Filippian 3:3

Pishno ak okʋto hakshup tʋpa shilombish anukfoyukʋt Chihowa holitoblichi, micha Chisʋs Klaist ai yukpa pia, yohmi kʋt haknip a̱ ai anukchieto keyu pia hoke.

Koloshan 2:2

Yʋmohmi ho̱ chu̱kʋsh ʋt it i̱ hullot itʋshekonompa hosh chu̱kʋsh ʋt hopoho̱hlashke: yʋmohmi hosh ai yimmi a̱hli isht ai yukpa chinto ka ai a̱hlit ithana he, yohmi hosh Chihowa yʋmmʋt I̱ki, micha Klaist isht anumpa luma hatok ma otʋnihincha he ak atok;

Koloshan 3:12

Yʋmohmi hoka Chihowa im ʋlhtoka nan ashʋchi iksho, holitopa hʋchia hokʋt hiahni, i̱ kana, anukfila akanlosi, chu̱kʋsh yohbi, anukhobela sʋlahʋt nuktaiyala aiena kak o̱ hʋsh foyukashke.

Heblu 6:18

Yohmi ka nana kaniohmit ai inli himma keyu tuklo yʋmmak oka Chihowa hokʋt isht a holaba himma keyu hoka, ʋba isht il aiyukpa pim ihi̱sa tok ash il isha chi̱ hosh a hlakofi yo̱ il o̱ chaha̱fa kʋt, nan isht a nuktaiyala chinto il iesha he ak atok.

1 Pita 1:2

I̱ki Chihowa hak osh tikbanli ithaiyanʋt, okcha̱ya he atokoli tok yʋmmak oka Shilombish Holitopa yak osh kashoho̱fi na, nana ka im antia ho̱ Chisʋs Klaist im issish isht o̱ fima tok hʋchia hoka; Nan isht i̱ kana yʋt hʋchi anukfoyuka, micha nan isht it i̱ nanaiya yʋt hʋchin lauashke.

1 Chan 3:24

Micha kʋna hosh im anumpa ʋlhpisa ya̱ holitobli kʋt, yʋmmak o̱ ai ib achʋfakma, ilap mʋt yʋmma ai ibai achʋfa hoke: micha yʋmmʋt a pi nukfoyuka kʋt, yʋmmʋt Shilombish pima tok ilʋppak o̱ isht il akostininchi hoke.

1 Chan 4:12

Hatak achʋfa kia nitak nan ash Chihowa ya̱ pisa tok keyushke. Pishno ʋt iloh it i̱ hullo hokma, Chihowa yʋt hʋpi anukfoyuka; yohmikma yʋmma il i̱ hullo kʋt ai a̱hli mak oke.

1 Chan 4:16

Mikmʋt pishno a̱ Chihowa ʋt pi̱ hullo ka il akostininchi, micha pi yimmi aiena tok. Chihowa ʋt nan i̱ hullo hoke: yohmi ka kʋna hosh nan i̱ hullot ahanta hokʋt, Chihowa ak o̱ ai ib anukfoyukakma, anonti Chihowa mʋt ilap a̱ ai ib anukfoyuka hoke.