Filippian 1:9 - Chahta Holisso Holitopa 1886

⁹ Micha ilʋppa asihi̱hla lishke; yʋmmʋt Chihowa im anumpa ithanʋt, hʋsh akostininchi puta kak osh hʋsh it i̱ hullo kʋt, chitot isht i̱ shahlit hʋsh ma̱ha̱yashke.

Filippian 1:9 Iomraidhean Croise

Atʋloa 119:66

Chim ʋnnumpah ʋlhpisa putta ka̱ sʋ yimmi hoka̱, nan ʋkostininchi achukma micha nan ithana aiena ka̱ is sʋm abʋchashke.

1 Kolinhlian 14:20

Itibapishi li ʋhleha ma! nana akostininchi kʋt ʋlla chipunta yo̱ hʋch ik tobo kashke: yohmi kia nana ik ai ʋlhpeso hokʋno ʋllo̱si yo̱ hʋsh tobashke; yohmi kia nana akostininchi hokʋno hatak o̱ hʋsh tobashke.

2 Kolinhlian 8:7

Yʋmohmi hoka na yimmi, micha anumpuli imponna, micha nan ithana, micha tu̱shpʋt anukfohkʋt nana ka isht ahanta, mikmʋt hʋsh pi̱ hullo aiena, nana moma ma isht a hʋchim ʋlhtaiyaha laua ka, chohmit nan isht i̱ kana ilʋppak kia hʋchin lauashke.

Efeshan 5:17

Yʋmohmi hoka ik hopoyukso yo̱ hʋchia keyu hosh, amba Chitokaka im anukfila hʋt kaniohmi ka hʋsh akostininchashke.

Koloshan 1:9

Yakohmi kak o̱ nitak yʋmma fehna ka e haiyaklo tuk taiyakla kʋt, anumpa ilbʋsha isht e hʋchi anumpohonli kʋt il issa keyu, mihmʋt hʋchi hopoyuksa bieka, micha shilombish im ahalaia ka ithʋnʋt, Chihowa nan ai ahni ka hʋsh ithana ka isht hʋchi alotowa he ak o̱, il ai ahni hoke:

Koloshan 3:10

Hatak himona yo̱ isht hʋsh foyuka tuk okʋt, yʋmmak okʋt nan ithana ka isht a himonʋt, Ikbi tok a̱ hoyulba hosh himonʋt toba tok:

1 Hlessalonian 3:12

Micha Chitokaka yʋt hʋsh it i̱ hullo ka i̱ shahlit isht ia, micha hatak moma hʋsh i̱ hullo ka i̱ shahlit isht ia, a chinto ka hʋchim ahnashke; pishno e hʋchi̱ hullo ka hʋsh chohmashke:

1 Hlessalonian 4:1

Yʋmohmi ka anonti itibapishi li ʋhleha ma! Chitokaka Chisʋs puyulla ho̱ isht e hʋchim anumpohonli kʋt, yʋmmʋt kaniohmit a̱yʋt Chihowa ya̱ hʋsh yukpala hi osh hʋsh pi a haponaklo tok ʋt, yʋmohmit chitot isht i̱ shahli fehnʋt hʋsh ma̱ha̱ya he ak o̱ e hʋchim asilhhʋshke.

2 Hlessalonian 1:3

Hʋchi ai yimmi ka yʋt chitot isht i̱ shahli fehna, micha hʋsh moma kʋt hʋsh it i̱ hullo kʋt laua fehna hoka, itibapishi li ʋhleha ma! isht ai ʋlhpiesa ho̱ hʋchishno pulla kak o̱ Chihowa ya̱ yak oke il im ai ahni na bilia hi atuk oke:

Filemon 1:6

Na yimmi chi anukfoyuka kʋt ai a̱hli fehnʋt otaha̱ni na Chisʋs Klaist isht a holitopa he mak o̱, nana achukma puta kʋt chi anukfoyuka ka ai ithaiyana hokbano, ai ahnit asilhha lishke.

Heblu 5:14

Amba ilhpak kʋllo ʋt asʋnochi ʋhleha hak o̱ im ai ʋlhpiesa hoke; yʋmmak ash ot nana ka ai yʋmoho̱mi kak osh im anukfila isht toksahanli hosh nan achukma, ik achukmo ita tuklo ka isht akostininchi hoke.

1 Pita 1:22

Yʋmohmi ka Shilombish ak osh hʋchi anukfoyuka ho̱ ʋbanumpa ai a̱hli ka hʋsh im antia hosh, hʋchi shilombish a̱ hʋsh kashofi hatuk osh, itibapishi ʋhleha hoka ilahobi keyu hosh isht i̱ shahlichi fehna hosh hʋsh it i̱ hullashke;

2 Pita 3:18

Amba isht i̱ kana hʋchi anukfo̱kʋt hʋsh yʋmohmi kʋt i̱ shahlichit ma̱ha̱yʋt, pin Chitokaka pi Okchalinchi Chisʋs Klaist a̱ hʋsh ithaiyana kʋt i̱ shahlichit hʋsh ma̱ha̱yashke. Yʋmmak oka isht a holitopa yokʋt, himonasi, micha himak a pilla ka immit biliashke. Amen.