Filippian 1:7 - Chahta Holisso Holitopa 1886

⁷ Yʋmohmit hʋsh moma ka ilʋppa hʋchi anukfilli la he ʋlhpesa, sa chu̱kʋsh isht hʋch ithaiyana li hokʋt; ʋbanumpa isht anumpuli li, micha ai a̱hlichi li hosh sa talakchi aiena ka nan isht i̱ kana hʋs sʋb ai ishi hoka.

Filippian 1:7 Iomraidhean Croise

Apostel isht Anumpa 20:23

Amba Shilombish Holitopa ak osh tʋmaha moma ka ai anolit, talakchi, micha na palʋmmi puta kʋt an takalishke; ahanchi kak illʋshke.

Apostel isht Anumpa 21:33

Mihma kʋpitʋni chito ash ot iʋt ituma ona cha, yʋmmak ash ishi mʋt, tʋli itatakʋli tuklo hosh ishit talakcha chi̱ ka miha tok; mihmʋt, yʋmmʋt kʋna hatuk, micha nana ho̱ kaniohmi aiena tuk a̱, asilhhʋchi tok.

1 Kolinhlian 13:7

Nana moma ka ompohomo, nana moma ka yimmi, nana moma kʋt ʋlhpesa chi̱, aha̱nit a yimmi, nana moma kʋt ant ik sʋm ai yohmí, aha̱ni.

1 Kolinhlian 9:23

Yohmi kʋt ʋbanumpa ha̱ hʋch ibai ishi la chi̱ kʋt, ʋbanumpa pulla kak o̱ ilʋppa yakohmi li hoke.

2 Kolinhlian 3:2

Hʋchishno ak osh pi̱ holisso hʋchia hosh pi chu̱kʋsh a̱ a holihi̱so tuk osh, hatak moma ka im otaiyanit im ai it anuhumpa hoke:

2 Kolinhlian 7:3

Anumpa hʋchi onochi la hi osh ilʋppa anumpuli li keyu; hʋch ibai illi hokmá, okcha̱yʋt hʋsh ibai ahanta hokmá, nana hi ʋt pi̱ chu̱kʋsh a̱ hʋsh pim a foyuka hoke, tikba kash achi li tuk oka.

Kaleshan 5:6

Chisʋs Klaist imma hokʋno hakshup tʋpa yokmá, hakshup ik tapo yokmá, nana hoh kia nana a kanihma he keyu hoke; amba ai yimmi ka i̱ hullo isht atoba yak oke.

Efeshan 3:1

Ilʋppa pulla kak o̱ Pal sia hʋt Chentail hʋchia hatuk mak o̱ Chisʋs Klaist i̱ yuka sia hoke.

Efeshan 4:1

Yʋmohmi ka Chitokaka atuk mak o̱ yuka sia hʋt hʋsh a yʋmohma he hʋchi ʋlhtoka tuk ʋt, ai ʋlhpiesʋt hʋsh a̱yʋt,

Efeshan 6:20

Yʋmma pulla ho̱ Ʋba Mi̱ko im anumpeshi talakchi sia hoke: si yʋmohmi kia nukwa̱ya ikshot anumpuli la he ʋlhpesa hokʋt, anumpuli la hi a̱ ʋba isht hʋs si anumpohonlashke.

Filippian 1:12

Yohmi ka itibapishi li ʋhleha ma! nana ʋm a kaniohmi tuk a̱ ʋbanumpa hʋt isht i̱ shahlit isht atoba tuk a̱ hʋsh ithana he, hʋchim ai ahni lishke.

Filippian 1:13

Yʋmohmi ka Klaist pulla ho̱ sai yuka kʋt mi̱ko atoni tʋshka chipota i̱ holihta, micha kanima moma ka ai otʋnishke.

Filippian 1:14

Mihma itibapishi li ʋhleha laua kʋt sai yuka kak o̱ Chitokaka anukchieto kʋt, isht i̱ shahlit nukwa̱ya keyu fehnʋt, nukshopa mʋt iksho hosh ʋbanumpa ha̱ isht anumpohonlishke.

Filippian 2:22

Amba yʋmma imomaka pisa tuk a̱ hʋsh ithana; yʋmmak okʋt ushi yosh i̱ki iba toksʋli chohmit ʋbanumpa isht sʋb a toksahanli tuk oke.

Filippian 4:14

Yohmi ak inli kia ai ʋlhpiesa ho̱ yʋmohmit nana ʋm a palʋmmi ka hʋs sʋb anukha̱klot hʋs si apela tok oke.

Filippian 4:15

Yʋmohmi ka Filippian ʋhleha hʋchia ma! ʋbanumpa hʋt anumpa ʋmmona ka Masetonia ya̱ akohchʋt ia li ma, chʋch nana kia nana isht apela he ʋma na ishi la hetuk ash imma ka yʋmohmi keyu ma, amba hʋchishno ak illa tuk ʋt hʋsh ithaiyanashke.

Filippian 4:3

Mikmʋt chishno itiba toksʋli li a̱hli ak kia chim asilhha lishke, ohoyo yʋmmʋt ʋbanumpa ha̱ isht sʋba toksʋli tuk, micha Klement, micha sʋba toksʋli ʋhleha inla aiena, yʋmma hohchifo hʋt holisso okcha̱ya a takali ka, ish apelahanchashke.

Koloshan 4:18

Ʋno sʋbbak ak inli ho̱ Pal sia hʋt pit isht hʋchi aiokpʋchi lishke. Sa talakchi ka hʋsh ithaiyanashke. Isht i̱ kana yʋt hʋch anukfoyukashke. Amen.

Koloshan 4:3

Yohmi mak inlit Klaist im anumpa luma yatok, micha yʋmma pulla kak o̱ sa talakchi ak inli tuk ʋt isht anumpuli la he, okhissa ya̱ Chihowa yʋt pin tiwa hi a̱, isht hʋsh anumpohonli mak inlashke.

1 Hlessalonian 5:5

Hʋsh moma kʋt atohwikeli ka im ʋlla hʋchia, micha nitak im ʋlla hʋchia hoke; ninak, micha ai okhlileka yo̱ pia keyu hoke.

2 Timohli 1:8

Yohmi ka pin Chitokaka im anumpa atokowa, mikmʋt yʋmma atuk pulla mak o̱ yuka sia aiena ka chik i̱ hofahyo hosh; amba ʋbanumpa ak atuk pulla mak o̱ nan isht palʋmmi puta ka Chihowa hʋt chi hlampkohonchi mak o̱ isht ish ibai ilbʋshashke;

2 Timohli 2:9

Yʋmmak atuk pulla mak o̱ nan‐ishtakanomi yo̱ chiyuhmit na‐palʋmmi ka pihi̱sa li hosh, pola̱ka sa talaiyakchi tuk oke: yohmi kia Chihowa im anumpa hokʋto talakchi keyu hoke.

Filemon 1:13

Yʋmmak okʋt si awant antʋt, ʋbanumpa ak atuk pulla mak o̱ yuka hosh anta li ka, chishno ak a he tuk mak o̱ chi ʋlhtoba hosh nana kia isht ʋm ahanta he im ai ahni la he ʋlhpesa kia;

Heblu 3:1

Yʋmohmi hoka itibapishi holitopa ʋhleha ʋba nan isht ilaiyukpa et annoho̱wa ka ibai i̱shi hʋchia ma! Apostel, micha Na‐holitompa isht ʋtta chinto, Chisʋs Klaist a̱ il ithaiyana, il il apihi̱sa tok a̱ hʋsh anukfihinlashke.

1 Pita 4:13

Amba Klaist ʋt ilbʋsha puta tok a̱ chiyuhmit hʋsh ibai ilbʋsha ak inli hokʋt, hʋchi yukpashke: yohmi kʋt ilap isht a holitopa hokʋt otaiyanikma, hʋchishno yak kia nan isht il ai yukpa chinto ho̱ isht a hʋchi yukpa mak a hinla hoke.

1 Pita 5:1

Ʋbanʋmpuli iksa apesʋchi ʋhleha hʋch itin takla aiasha ka nana atohnochi li kʋt, ʋno ak kia ʋbanumpuli iksa ibai apesʋchi, micha Klaist ʋt ilbaha̱sha tok puta atokowa anoli, micha na holitopa kʋt otaiyana hi oka ibai isha he ak inli sia hoke.

2 Pita 1:13

A̱hli, ʋlhtipo ilʋppa anu̱kaka ahanta li ta̱kla kʋt, hʋsh ithaiyana chi̱ kak o̱ hʋchi anukfokihinchit hʋchi okchʋli li kʋt ilʋppʋt ai ʋlhpiesa, ahni lishke.

1 Chan 3:14

Il itibapishi ʋhleha ha̱ il i̱ hullo hatuk osh, ai illika ya̱ a kohchʋt ai okcha̱ya ya̱ il ona kʋt il ithanʋshke. Kʋna hosh itibapishi ha̱ i̱ hullo keyu hokʋto, ai illika yo̱ anta hoke.