Filippian 1:6 - Chahta Holisso Holitopa 1886

⁶ Ilʋppa fehna ka sai yimmi hatuk osh, Nan toksʋli achukma isht a hʋchi wakaya kʋt, ai a̱hlichit Chisʋs Klaist i̱ nitak a̱ hʋch isht ona he, ilʋppa fehna ka sai yimmi hatuk oke.

Filippian 1:6 Iomraidhean Croise

Atʋloa 138:8

Chihowa hʋt nanah ʋm ʋtahlih achukma chi̱ hoke; Chihowa ma, isht ish i̱ hullo yʋt abillia yokʋt, chibbak ʋt nan ikbi tok a̱ chik kancho kashke.

Chan 6:29

Chisʋs ʋt afalaminchi mʋt, Auet sa kanchi tok yʋmmak o̱ hʋch i yimmi ilʋppak osh Chihowa i̱ na toksʋli mak oke, im achi tok.

Apostel isht Anumpa 11:18

Na yakohmi ka okla haiyaklo mʋt lumʋt chieya cha, Chihowa ya̱ aiokpahanchi mʋt, Yohmikma Chihowa yʋt okla nan ik ithano ʋhleha ak kia isht okcha̱ya ile kostininchi ya̱ ihi̱ma tumʋshke; ahanchi tok oke.

Apostel isht Anumpa 16:14

Mihma Chihowa aiokpanchi ohoyo achʋfa Litie hohchifo, na humma lusbi kanchi, Hlaiataila tʋmaha ʋtta yʋt pi haklo tok; mihi yo̱ chu̱kʋsh o̱ Chitokaka yʋt tiwi na Pal ʋt nana isht ai anumpohonli ka anukfohka tok.

1 Kolinhlian 1:8

Yʋmmak ash inli hosh hʋchi ai a̱hlihinchit ont ai ʋhli ka isht hʋch ona hi oke: yohmi ho̱ pin Chitokaka Chisʋs Klaist i̱ nitak fehna ka anumpa isht a hʋchi onʋtula hi ʋt iksho ka hi oke.

2 Kolinhlian 1:15

Yohmi ka yakohmi tok ak o̱ na yimmi hosh atukla ma nan isht ilaiyukpa ka hʋsh isha hi a̱ ti̱kba hʋchim ona la he ahnit, anonti ont iʋt, Masetonia yakni ona li tuk mʋt, anonti Masetonia yakni yash o̱ akohchʋt atuklant hʋchim a̱ya li hok mak osh, Chutia imma a̱ya la chi̱kma, hʋs si apelʋcha hi a̱ ʋm anukfila tuk oke.

2 Kolinhlian 2:3

Yohmi ka ona likmʋt, kʋna ho̱ ibai yukpa la hetuk, yʋmmak ash ot nana a kaniohmi ka isht a nukha̱klo la hinla kak osh, ilʋppʋt mihi ash inli ka isht hʋchi̱ holissochi li hatuk oke: hʋsh moma nan isht hʋchim ai‐yukpa yʋt ʋno a̱ nan isht ʋm il aiyukpa ak inli hoke, ai ahnit hʋsh moma ka hʋchi̱ yimmi lishke.

2 Kolinhlian 7:16

Yʋmohma hoka nana moma ka hʋsh ai a̱hli ka hʋchi yimmi li kak osh na sai yukpa hoke.

2 Kolinhlian 9:4

Masetonia hatak ash o̱t si api̱hʋt ona yoba cha, nana kʋt ik hʋchim ʋlhtaho ke tuk o̱ ont ahayuchi na, na yimmit isht ilauwaiyata tuk mihi yo̱ ai isht a pi hofahya hinla kʋt, hʋchishno ak a he okʋno il achi keyu.

Kaleshan 5:10

Chitokaka pulla kak o̱ hʋchi̱ yimmi li kʋt, nana inla hʋch im anukfila he keyu ak oke; amba kʋna hatuk oh kia mihi yosh hʋchi anuktuklochikmʋt, nan ʋlhpisa yʋt onʋtula hi oke.

Efeshan 4:12

Yohmi kʋt ʋbanumpa yimmi ʋhleha ha̱ ai a̱hlicha he, ʋbanumpa isht ʋtta he, Klaist haknip ithʋnanchit hlampkohoncha hi ak atok oke.

Filippian 1:10

Yʋmohmi hosh nana kʋt it im inla ka imoma ka pisʋt, achukmaka ʋlhpesa ahnit, ai a̱hli, isht im ai ibetʋbla he iksho hosh Klaist i̱ nitak a̱ hʋsh onashke.

Filippian 1:29

Hʋchishno ʋto Klaist pulla kak o̱ yʋmma hʋsh i̱ yimmi kak bano keyu, amba yʋmma pulla kak o̱ nan isht hʋsh im ilbʋsha he hʋchim ʋlhpisa hoka:

Filippian 2:12

Yʋmohmi ka a̱ holitopa ʋhleha ma! hʋs sʋm antia chatuk ʋt hʋchi takla anta li kak bano keyu, amba himonasi yokak heno ik saksho ka i̱ shahlichit hʋs sʋm antia kʋt, nukshumpʋt wʋnihinchi hosh hʋchishno inli aiokcha̱ya ya̱ hʋsh atahlashke.

Filippian 2:13

Chihowa ak osh ilap nan isht im ʋlhpesa hosh ai ahni kak o̱ ahnit, hʋsh yʋmihcha chi̱ ka hʋchi a toksahanli hoke.

Filippian 2:16

Micha anumpa okcha̱ya ya̱ hʋsh otʋninchi na Klaist i̱ nitak a̱ pilla ho̱ chaha̱fa li tok keyu, micha pilla ho̱ toksʋli li keyu kʋt sai yukpashke.

Koloshan 2:12

Na baptismo ho̱ hʋsh iba hollopi tuk, Chihowa yʋt toksʋlit yʋmmʋt illi tuk a̱ falaminchit tanichi tok ak o̱, hʋchi yimmi hosh yʋmmak ash awant hʋsh tani hoke.

1 Hlessalonian 1:3

Pin Chitokaka Chisʋs Klaist ibafoyukʋt na hʋchi yimmi kʋt na hʋsh yʋmihchi, micha na hʋsh i̱ hullo aiena kʋt na hʋsh toksahanli, micha ai okcha̱ya pisa he ahnit nuktaiyalʋt hʋsh achunanchi aiena ka Chihowa Pi̱ki itikba ya̱ ithaiyanʋt e bilia hoke:

2 Hlessalonian 1:11

Yʋmohmi hoka anumpa ilbʋsha isht e hʋchim anumpohonli na bilia kʋt, pin Chihowa yʋt nan isht ilaiyukpa ilʋppak ash hʋsh isha hi a̱ ʋlhpesa hʋchi ahni cha, ilap nan isht i̱ kana aiokpancha he achukma moma, micha ai yimmi a toksʋli nan isht im ai a̱hli aiena ka isht hʋchim atahli hokbano il ai ahni hoke.

2 Hlessalonian 3:4

Micha hʋchishno pulla hokʋno Chitokaka ya̱ isht il anukchieto kʋt, nana e hʋchim apesa tok a̱ hʋsh yʋmihchi kʋt, anonti hʋsh yʋmihincha chi̱ mak oke.

Filemon 1:21

Is sʋm antia hinla ka chi̱ yimmi li, micha nana achi li ka i̱ shahli ak inli ish yʋmihcha chi̱ ka ithana li aiena hatuk osh, chi̱ holissochi li tuk oke.

Heblu 10:35

Yʋmohmi hoka na yimmi hʋchi anukfoyuka kash osh hʋch ik kancho kashke: yʋmmak osh nan isht ʋlhtoba nan isht il aiyukpa chinto ho̱ ieshi hoke.

Heblu 12:2

Chisʋs nan isht a pi yimmi ka pi nukfohkichi, micha atahli, yʋmmak osh nan isht ilaiyukpa yʋt itikba auet takali kak osh ʋlhpesa ahnit, ititaiyukhʋua ya̱ takalit, nan isht a hofahya nan isht ik im ahobo tok osh, Chihowa ai o̱ binili holitompa isht impakimma yak o̱ binili ka hʋsh pihi̱sashke.

1 Pita 5:10

Amba Chihowa isht i̱ kana chinto yʋmmak osh Chisʋs Klaist ha tok pulla mak o̱ ilap isht aholitopa bilia yoka il esha he mak o̱ pi atokoli tok ʋt, yakosi itin takla hʋsh ilbaha̱sha ha yak o̱, ai a̱hlichit kʋllochit hilechit, hlampkohonchit, chu̱kʋsh fitikʋchi iksho ho̱ hʋchi anukfokihinchashke.

2 Pita 3:10

Yohmi kia Chitokaka i̱ nitak okʋt, ninak anu̱kaka yo̱ na hu̱kopa yʋt a̱ya chatuk mak o̱, chiyuhmit ʋla hi oke; yʋmohmikma shutik moma kʋt nan ola chinto ho̱ isht ai okpulot ont ai iksho ka he, mikma fochik moma kʋt luak lʋshpa fehna ho̱ isht a luʋt bihinlakma, yakni, micha nan oklu̱ha ai ʋlhtaiyaha puta tuk ʋt luʋt taiyaha hi oke.