Filippian 1:4 - Chahta Holisso Holitopa 1886

^4-5 Nitak na hʋchi yimmi tok ʋhlit mintit ant himak ak o̱ hʋchim ila̱yak iti hopinhinlʋt, ʋbanumpa isht hʋsh apelʋchi kak o̱, anumpa ilbʋsha isht hʋchi anumpuli li puta kʋt chu̱kʋsh yukpʋt isht hʋchi asihi̱hla li̱ biliʋshke.

Filippian 1:4 Iomraidhean Croise

Mark i̱ Holisso 5:5

Mihma ninak, nitak moma ka nʋnih foka, micha hatak illi aiasha aiena kak o̱ ʋttʋt a̱yʋt bilia cha, yaha̱yʋt tʋli puta ka isht ile boli beka tok.

ʋBanumpa Luk Ʋt Holissochi Tok 15:10

Yohmi ka nan‐ashʋchi achʋfʋt ile kostininchikma, Chihowa im enchil ʋhleha aiasha ka na yukpa kʋt yʋmma akinli ho̱ chiyuhmi chatuk oke, hʋchim achi lishke, achi tok.

ʋBanumpa Luk Ʋt Holissochi Tok 15:7

Yohmi ka yʋmmak inli ho̱ chohmit, Nan‐ashʋchi achʋfa hosh ile kostininchikma, ʋba ya̱ na yukpa a̱sha kʋt hatak ʋlhpesa pokoli chakkali akocha chakkali kʋt nan ile kostininchi yʋt ai im ahalaiya he keyu, yʋmmak oka i̱ shahla hi oke, hʋchim achi lishke.

Loman 1:9

Yohmi ka yʋmmak oka ilap Ushi im ʋbanumpa hak o̱ ai isht sa shilombish oka isht in toksahanli li kʋt, anumpa ilbʋsha anumpuli li puta kʋt pit hʋch ithaiyana bieka hosh, isht hʋchi anumpohonli li kʋt ak isso kamohmi hoka, Chihowa yak osh nan atokowa si anoli yoke.

Filippian 2:2

Hʋchim anukfila hʋt itilauit nana a miha chʋfa holitoblit, chu̱kʋsh achʋfa cha, hʋchim anukfila ai achʋfa hosh nan a sai yukpa ya̱ isht hʋs sʋm alotolashke.

Filippian 3:18

Lauʋt a̱ya kʋt yʋmma himonna̱ hʋchim anohonli li chatuk osh, anonti himak a̱ nishkin okchi mihinti hosh, yʋmmʋt Klaist im ititaiyukhʋna in tʋnʋp ʋhleha hoka, hʋchim anoli lishke.

Filippian 4:1

Yʋmohmi ka itibapishi li a̱ holitopa, micha i̱ palata li, isht sai yukpa, micha isht sa holitopa hʋchia ma! kʋllot hikiʋt Chitokaka ya̱ hʋsh ibai achʋfashke, holitopa fehna ʋhleha ma!

Koloshan 2:5

Haknip okʋno isht ik saksho kia, shilombish okʋno isht hʋch ibafoyukʋt ai ʋlhpiesa hʋsh yʋmohmi, micha Klaist a̱ i̱ yimmi ka a kʋllot hʋsh hieli ka hʋchi pihi̱sa li kʋt sai yukpa hoke.

1 Hlessalonian 1:2

Anumpa ilbʋsha il anumpulikmʋt, e hʋchi anohonlit, Chihowa ya̱ yak oke hʋsh moma ka isht e hʋchim aha̱ni hoke;

Filemon 1:7

Yohmi ka chishno ak atuk pulla mak o̱ ʋbanumpuli ʋhleha chu̱kʋsh ʋt yuhu̱kpa hoka, isht ish i̱ hullo ka isht a pi nuktʋla, micha isht a pi yukpa chintoshke, itibapishili ma!

2 Chan 1:4

Anumpa ʋlhpisa Pi̱ki ʋt pima tok mak o̱, chim ʋlla ʋhleha hʋt nan ai a̱hli ka mak o̱ ai itʋnowa na pisa li kʋt, sa yukpa fehna tuk oke.