Filippian 1:11 - Chahta Holisso Holitopa 1886

¹¹ Yʋmohmit Chisʋs Klaist ak atuk mak o̱ nan ai ʋlhpiesa isht ai ʋni isht a hʋchi alotowa na, Chihowa yʋt isht a holitopʋt isht anumpa he yak oke.

Filippian 1:11 Iomraidhean Croise

Atʋloa 1:3

Yohmi kʋt iti yosh oka a yʋnʋlli ʋpota̱ka a hullukchi kʋt, ont ai ʋlhpiesakma̱ ʋnit wayakmʋt, hishi ʋt bʋsshih chatuk keyu kak o̱ chohmi hoke; micha nana ho̱ yʋmihchikma̱, yʋmmʋt momʋt im ai a̱hlih achukma yoke.

Mahlu 5:16

Hʋchi̱ pʋla hʋt hatak puta itikba ya̱ ik a tommi pulla na inla a̱sha kʋt nana hʋsh akaniohmi hochukma puta ka pisa cha, I̱ki ʋba binili ka holitoblashke.

Chan 15:16

Hʋchishno ak osh hʋs si atokoli tok o̱ keyu; amba itʋnowʋt ʋnit hʋsh waya he ak atuk oke; yohmikma hʋchi a waya kʋt aiasha na A̱ki a̱ nana ho̱ a̱ hohchifo pulla kak o̱ isht hʋsh im asilhhakma, hʋch ima he mak o̱, ʋno ak osh ai atokolit hʋchim apesa li hatuk oke.

Chan 15:2

Naksish ʋno ak o̱ a sai offo hosh ʋni keyu hokma, mominchit ishit kanchi hoke: mikmʋt naksish ʋt ʋni hokʋto isht i̱ shahlit ʋna chi̱ ka, achukmalit apoksiachi hoke.

Chan 15:8

Hʋsh ʋni fehna yʋmmak okmak o̱, A̱ki ʋt isht a holitopa ai a̱hla he; yohmikma nan ʋm ai ithʋna hʋchia mak a hi oke.

Loman 15:28

Yʋmohmi hoka ilʋppa isht ʋttʋt ʋm ʋlhtaha, micha nan isht apehlʋchi ilʋppak ash o̱ im ai a̱hlichi li ha yok mak osh, hʋchin tʋmaha ha̱ hlopullit Ispani yoka ont chukowa la hi oke.

Loman 6:22

Amba himonasi hokʋno ai ashʋchika ya̱ ai i̱ mokofa hatuk osh, Chihowa yak o̱ in tishu hʋsh toba hosh, ai ashʋchika i̱ kashofʋt isht il ai yukpa hʋsh i̱shi hoke: yʋmmʋt ont im ai ishtaiyopi kʋt ai okcha̱yʋt bilia yak oke.

1 Kolinhlian 10:31

Yʋmohmi hoka hʋsh impa, keyukmʋt na hʋsh ishko, keyukmʋt nana ho̱ hʋsh yʋmihchi hokmʋt, Chihowa isht a holitopa chi̱ ho̱, mominchit hʋsh yʋmohmashke.

2 Kolinhlian 9:10

Yohmi ka kʋna hosh na hokchi a̱ na nihi im atahli yak osh hʋchim ilimpa chi̱ pʋska ma ik atahanlí, micha hʋchi̱ na nihi hollokchi tuk ash ik ibakahanlí, mikmʋt na hʋsh a kaniohmi ai ʋlhpesa im ʋni ya̱ i̱ shahlichit ik ibafoho̱ki; achi hosh holisso hoke.

Efeshan 1:12

Yohmi kʋt na ti̱kba Klaist a̱ il anukchieto tuk pishno ak o̱ im a holitopa yʋt a pi annoho̱wa chi̱ hatok.

Efeshan 1:14

Yʋmmak okʋt nana il ai isha he ʋlhpesa ka il isha he atokowa isht ʋlhpisa hosh ma̱ha̱ya tuk o̱ falaminchit chumpʋt a pim atahli tok a̱ il ishi na, yʋmma im a holitopa yʋt isht annoho̱wak mak a he oke.

Efeshan 2:10

Yʋmma im a toba hʋpia kʋt, nan toksʋli achukma isht il ahanta hi osh Klaist Chisʋs ak o̱ il a toba tok; yʋmma il ai itʋnowa hi o̱ Chihowa hʋt tikbanli apesa tok.

Efeshan 5:9

Shilombish isht ai ʋni hokʋto nana achukma bieka, micha nan aiʋlhpiesa yʋmohmi, micha anumpa a̱hli yak oke.

Filippian 4:17

Na hʋlbina sa bʋnna kak o̱ keyu; amba nana achukma hʋsh yʋmohmi tuk isht ai ʋni kʋt hʋchin laua he kak o̱ ahni lishke.

Koloshan 1:10

Micha nan toksʋli achukma puta ka isht ai ʋni, micha Chihowa nan isht im ithana ya̱ isht i̱ shahlit isht ia hosh, Chitokaka ya̱ ai im ʋlhpiesʋt nana moma ka isht yukpali cha;

Koloshan 1:6

Mihi yosh hʋchim ʋla tuk ak inli chohmit, yakni moma ka im a̱ya cha, nan ʋnit waya kʋt, nana ka hʋsh haiyaklot, Chihowa nan isht i̱ kana a̱hli hʋsh ithaiyana nitak atuk taiyakla kʋt, nan ʋnit hʋsh waya kak inli ho̱ chohmi hoke.

2 Hlessalonian 1:12

Yʋmohmi ka pin Chitokaka Chisʋs Klaist hohchifo hʋt, hʋchi a holitopakma, pin Chihowa, micha Chitokaka Chisʋs Klaist nan isht i̱ kana pulla ho̱ yʋmmak ash hʋchi a holitopashke.

Titus 3:14

Mikma pimmi yokʋt nan isht ai ʋni ik im iksho hosh ik anto ka chi̱ kʋt, nana ka ai yʋmohma he ai ʋlhpiesa nan toksʋli achukma puta ka achunanchit isht ahanta chi̱ kʋt, moyumʋt ithʋna mak inlashke,

Heblu 12:11

Yohmi ka himonasi ka isht a kostininchi hokʋno isht ai yukpa he ik ahobo, amba nukha̱klochi; yohmi ak inli kia yʋmma isht ai yʋmohmi ʋhleha hokʋno i̱ himmak o̱ nan isht ai ʋlhpiesa nan ʋni achukma ka i̱ wayʋchi hoke.

1 Pita 2:12

Nana hʋsh a kaniohmi kʋt achukma hosh ʋbanumpa ik ithano okla ha̱ iba takla hʋsh ahantashke: yohmi na nana ik achukmo yʋmihchi chohmichit hʋchi̱ sanalit anumpohonli kia, nana achukma puta hʋsh yimihinchi ka pihi̱sakmʋt, Chihowa yʋt i̱ nowʋt a̱ya nitak oka yʋmma okla holitoblashke.

1 Pita 2:5

Hʋchishno ak kia tʋli okcha̱ya chiyuhmit, shilombish chuka hʋsh toba hosh, na holitompa isht ʋlla holitopa yosh Chisʋs Klaist ak atuk pulla kak o̱, Chihowa hokʋt im ʋlhpiesa ho̱, chu̱kʋsh isht aiokpʋchi puta ka pit hʋsh im ihi̱sa hi a tok.

1 Pita 2:9

Amba isht atiaka ʋlhtoka, mi̱ko i̱ na holitompa isht ʋtta; oklushi holitopa, Chihowa immi ai a̱hli fehna hʋchia hoke: yohmi ka yʋmmak osh hʋchi̱ ho̱wʋt ai okhlilika ya̱ a kohchit im atohwikeli chinto ka hʋchi foyuki tuk o̱, ilap isht aiokpahancha he a̱ puta ka otʋninchit hʋsh ano̱honla he a tok:

1 Pita 4:14

Klaist hohchifo ak atuk pulla kak o̱ isht ik hʋchi ahobalo hokma, hʋchi yukpa hoke; yohmi kʋt isht a holitopa Shilombish, micha Chihowa imi Shilombish ʋt hʋchi onʋtuyula hoke; yʋmmʋto Klaist a̱ isht ik ahobalot isht anumpohonlikma, amba hʋchishno yokʋto hʋsh holitobli hoke.