Filippian 1:10 - Chahta Holisso Holitopa 1886

¹⁰ Yʋmohmi hosh nana kʋt it im inla ka imoma ka pisʋt, achukmaka ʋlhpesa ahnit, ai a̱hli, isht im ai ibetʋbla he iksho hosh Klaist i̱ nitak a̱ hʋsh onashke.

Filippian 1:10 Iomraidhean Croise

Genesis 20:5

An tek oke, ʋm achi tuk keyu cho? mihma ilap fehna ak kia, A̱ nakfi oke, achi tuk oke; sa chu̱kʋsh ʋt aiʋlhpiesa hosh, micha sʋbbak ʋt nana okpʋni keyu hosh ilʋppa yʋmihchi li tuk oke, achi tok.

Mahlu 16:23

Yohmi kia yʋmmak ash osh filema mʋt, Pita yash o̱, Setan chia hʋt ʋm ashaka yo̱ ish hikiashke; chishno ak osh is si ataklʋmmichishke: nana kʋt Chihowa ya̱ ahala̱ya kak o̱ ish ahninchi keyu, amba nana kʋt hatak o̱ ahala̱ya hok mak bano hoka, im achi tok.

Mahlu 26:33

Pita yʋt afalaminchi mʋt, Moma kʋt chishno ak atuk mak o̱ isht ai ibetʋbli kia, ʋno yokʋto nitak nana si a ibetʋbla he keyushke, im achi tok.

Chan 1:47

Chisʋs ʋt Nahlanael ʋt i̱ minti na pisa mʋt, Yakeh! Islael hatak a̱hli fehna kʋt nana ilahobi keyu mak oke, achi tok.

Chan 3:20

Nan ik ai ʋlhpeso ya̱ a yohmi aiyukali ʋt atohwikinli ka i̱ nukkillikmʋt, anonti ilap nana a kaniohmi yʋt otʋnit ik hofahyalo ka hinla ka, atohwikinli ka ik ono chatuk oke.

Apostel isht Anumpa 24:16

Yohmi hatuk o̱ Chihowa, mikmʋt hatak puta aiena itikba ya̱ chu̱kʋsh mʋt yoshoba iiksho bilia hosh ahanta la chi̱ kʋt achunanchi li chatuk oke.

Loman 12:2

Micha yakni ilʋppak inli ka hʋch ik hoyulbo kashke; amba hʋchim anukfila hʋt himonʋt toba pulla hatuk mak osh inlʋt hʋsh tobashke; yohmi hosh nan achukma, nan ai ʋlhpiesa, nan ai a̱hli Chihowa nan ai ahni ka hʋsh akosti ninchashke.

Loman 12:9

Isht i̱ hullo yʋt isht il ahobi iiksho hashke. Nan ik achukmo ka ish i̱ nukkillashke; nan achukma hoka ish asitiashke.

Loman 16:17

Yohmi ka itibapishi li ʋhleha ma! nan ʋlbʋchi hʋsh ithʋna kash i̱ sanalit isht it i̱ filʋmmichi; micha isht ibetʋblichi aiena ihi̱kbi hokʋno, yakohmi hʋsh ahni pulla cha, hʋch ik ahalaiyo kashke.

Loman 2:18

Micha ʋba nan ʋlhpisa ya̱ isht a chim ʋlbʋchi hatuk osh, nan ai ahni ka ish ithana, micha nan achukma i̱ shahli ka ish holitobli hoke;

Loman 7:16

Yʋmohmi kʋt nana ka ak yʋmihcho hokbano ai ahni lik mak osh yʋmihchi li hokmʋt, ʋba nan ʋlhpisa yʋt achukmʋshke, ʋno yʋt ai ahni lishke.

Loman 7:22

Yʋmohmi hoka Chihowa i̱ nan ʋlhpisa ya̱ ʋm anukfila himona yak okʋno isht i̱ hullo lishke.

Loman 8:7

Haknip nan ai ahni kak o̱ isht ahanta hokʋto Chihowa i̱ nukkilli yoka; yohmi kʋt Chihowa i̱ nan ʋlhpisa ya̱ im antia keyu, micha yohma hi o̱ keyu kamohmi mʋhlishke.

1 Kolinhlian 1:8

Yʋmmak ash inli hosh hʋchi ai a̱hlihinchit ont ai ʋhli ka isht hʋch ona hi oke: yohmi ho̱ pin Chitokaka Chisʋs Klaist i̱ nitak fehna ka anumpa isht a hʋchi onʋtula hi ʋt iksho ka hi oke.

1 Kolinhlian 10:32

Achʋfona kia Chu ak okmá, keyukmʋt Chentail ak okmá, keyukmʋt Chihowa in chʋch ak okmá, nana kia hʋch ik ibetʋblicho kashke.

1 Kolinhlian 8:13

Yʋmohmi ka ilhpak ʋt itibapishi li ha̱ ibetʋblichi hokma, itibapishi li hash ak ibetʋblecho ka chi̱ kʋt, yakni ʋt talaia moma ka nipi nana kia ʋpa la he keyu hoke.

2 Kolinhlian 1:12

Isht il il akostininchi isht im ai atokowa kʋt haknip imma isht hopoyuksa keyu, amba Chihowa nan isht i̱ kana pulla hatuk mak o̱ nan anukfila apissali achʋfa, micha Chihowa anukfoyuka ai a̱hli hosh yakni paknaka il ai ahanta hatuk: yohmi hokʋt hʋchishno yak heno i̱ shahlichit il a hʋchi̱ yʋmohmi, ilʋppak osh nan isht il il aiyukpa hoke.

2 Kolinhlian 2:17

Laua hʋt Chihowa im anumpa ik ai a̱hlecho ya̱ e chohmi keyu; amba chu̱kʋsh ai a̱hli, yohmi kʋt Chihowa im ʋlhtoka kʋt, Chihowa itikba yo̱ Klaist i̱ hohchifo isht il anumpohonli hoke.

2 Kolinhlian 6:3

Ʋbanumpa isht ai ʋtta yʋt ik hofahyo ka chi ka, nana kia isht ai ibetʋbli ya̱ kil i̱ bohonlo hosh;

2 Kolinhlian 8:8

Nan ʋlhpisa yo̱ isht anumpuli li keyu, amba inla tu̱shpʋt anukfohkʋt nan achunanchi yak oke; yohmi kʋt na hʋshi̱ hullo ai a̱hli kak o̱ otʋninchi la he ak atuk oke.

Kaleshan 5:11

Yohmi ka itibapishi li ʋhleha ma! ʋno yʋt hakshup tʋpa ya̱ isht anumpuli li moma hokak osh, nanta katiohmi ho̱ nan ilbʋsha yʋt si onʋtula moma cho? yʋmmak okma ititaiyukhʋna isht ai ibetʋbli ʋt yokopa hoke.

Efeshan 4:15

Amba i̱ hullo hosh anumpa a̱hli anumpulit, nan oklu̱ha ka isht im a hofantit ma̱ha̱yʋt, Klaist yʋmmʋt noshkoboka ya̱ e chiyuhmashke.

Efeshan 5:10

Yohmi cha nana ho̱ Chitokaka yʋt aiokpanchikma, hʋsh akostinincha hi oke.

Efeshan 5:27

Chʋch holitopa, na liteha lapali iksho, shinowa, yʋm ma chohmi nana kia iksho ho̱ ilap itikba hilecha chi̱ hatok; a̱hli a holitopa, imomokpulo keyu ho̱ ilap itikba hilech, chi̱ hatok.

Efeshan 6:24

Chitokaka Chisʋs Klaist i̱ hullo ai a̱hli moyuma ka nan isht i̱ kana yʋt anukfoyukashke. Amen.

Filippian 1:16

Achʋfa kʋt nan isht an chowa kak o̱ ahni hosh Klaist a̱ isht anumpulit, chu̱kʋsh a̱hli keyu hosh, sai yuka ka ai ʋbechit sʋlbʋshali bʋnna hosh:

Filippian 1:6

Ilʋppa fehna ka sai yimmi hatuk osh, Nan toksʋli achukma isht a hʋchi wakaya kʋt, ai a̱hlichit Chisʋs Klaist i̱ nitak a̱ hʋch isht ona he, ilʋppa fehna ka sai yimmi hatuk oke.

Filippian 2:16

Micha anumpa okcha̱ya ya̱ hʋsh otʋninchi na Klaist i̱ nitak a̱ pilla ho̱ chaha̱fa li tok keyu, micha pilla ho̱ toksʋli li keyu kʋt sai yukpashke.

1 Hlessalonian 3:13

Yʋmohmi ho̱ pin Chitokaka Chisʋs Klaist ʋt ʋbanumpa yimmi puta pehliechit ʋlakma, nan ashʋchi ikshot, anumpa hʋchi onʋtula keyut, Chihowa, Pi̱ki mak o̱ itikba ya̱ hʋsh hiela hi o̱, mihi yosh hʋchi chu̱kʋsh a̱ hlampkohonchashke.

1 Hlessalonian 5:21

Nana moma ka imomaka hʋsh pisashke; nana kʋt achukma ka kʋllochit hʋsh ieshashke.

1 Hlessalonian 5:23

Mikma it i̱ nanaiya yʋt a mihinti Chihowa ak inli hosh ai oklu̱hʋchit hʋchi kashofashke; micha Chihowa ya̱ im asihi̱hla li kʋt, hʋchi shilombish, micha hʋchim anukfila, micha hʋchi haknip aiena kʋt anumpa onʋtula ikshochit hʋchi ieshit, pin Chitokaka Chisʋs Klaist ʋt ai ʋla hi a̱ hʋch isht onakbano ai ahni lishke.

Choshua 24:14

Yʋmohmi hoka Chihowa ya̱ hʋsh holitobli cha, chu̱kʋsh a̱hli, micha apissali bieka hosh hʋsh im antiashke; micha na holbʋt toba puta hʋch i̱ki ʋhleha hʋt okhina mish tʋnnʋp, micha Echip a̱ aiokpʋchi tok a̱ hʋsh kanchashke; micha Chihowa yak o̱ hʋsh im antiashke.

1 Chan 4:1

Holitopa ʋhleha ma! hopaii ilahobi lauʋt yakni a̱ atiapa hatuk oka, shilombish a̱ u̱hʋlinchit hʋchi yimmi na; amba Chihowa yak o̱ a minti hokma, nana tukmá, shilombish puta kash imomakachit hʋsh pisashke.

Nan Otʋni 2:2

Nana ish a kaniohmi puta, nan isht ahantʋt a chi hoyʋbli, nuktanlʋt ish achunanchi, mikmʋt ai ʋlhpiesa keyu ʋhleha ha̱ kaniohmit ish im ahninchi keyu, yohmikmʋt kʋna kia ilap ak osh ʋbanumpeshi mak o̱ ile miha hatuk kia, keyu hatuk puta ka imomaka pisʋt holabi atuk o̱ ish akostininchi: