Filippian 1:1 - Chahta Holisso Holitopa 1886

¹ Pal, micha Timohliʋs, ita tuklo Chisʋs Klaist in tishu hʋt ʋbanumpa yimmi a̱hli ʋhleha Chisʋs Klaist ibafoyuka Filippi ai asha, bishop puta, micha chʋch nan isht im ʋtta puta aiena ka pit aiokpʋchi kʋt,

Filippian 1:1 Iomraidhean Croise

Mark i̱ Holisso 13:34

Hatak Ushi ʋt hatak osh anowa hopaki ia hosh, in chuka issʋt ia mʋt, in tishu ʋhleha hash o̱ chuka apesʋchi atokoli mʋt, mominchit a toksʋli aiyuka im apesa cha, okhissa atoni ash o̱ ahah! ahnit o̱kcha chi̱ ka, im apesa tok o̱ chohmi hoka.

Chan 12:26

Hatak nana hosh ʋm antia hokmʋt, siakaiyashke; mikmʋt kanima yo̱ ai ahanta likma, yʋmmak o̱ an tishu hoh kia anta hi oke; hatak nana hosh ʋm antia hokma, yʋmmak o̱ A̱ki ʋt holitobla he mak oke.

Apostel isht Anumpa 1:20

Micha ataloa holisso ha̱ a holisso kʋt, Yʋmmʋt ai ahanta yatuk a̱ ik chukilissá, yohmikma hatak nana kia yʋmmak ash ik ai ahanto kashke; micha, Nana ai isht ʋtta yatuk a̱, inla yosh ishashke; achishke.

Apostel isht Anumpa 20:28

Yʋmohmi hoka hʋchishno akinli, micha nan iaka̱ya ʋhleha moma, Shilombish Holitopa yʋt mihi yo̱ apesʋchi puta hʋch ikbi tok a̱, ahah! ahnit Chihowa im iksa puta ilap im issish akinli ho̱ isht chumpa tok a̱, mominchit hʋsh pehlichashke.

Apostel isht Anumpa 9:13

Yohmi ma Ananaiʋs ashot afalaminchi mʋt, Chitokaka ma! hatak ilʋppʋt, chi̱ holitopa ʋhleha Cheluselem aiasha ka kaniohmit nan isht okpʋni ka, laua ho̱ a haklo li chatuk.

Loman 1:1

Pal, Chisʋs Klaist in tishu, apostel toba kʋt, Chihowa im ʋbanumpa isht ʋtta hi osh ʋlhtoka tok ʋt,

Loman 1:7

Lom aiasha moyuma Chihowa i̱ holitopa, ʋbanumpuli tohomba tok moyuma ka Pi̱ki Chihowa, micha Chitokaka Chisʋs Klaist ita tuklo nan isht i̱ kana, micha nan isht it i̱ nanaiya ita tuklo kʋt hʋchi anukfoyukashke.

1 Kolinhlian 16:10

Yohmi ka Timohliʋs ʋt ona hokmʋt, nukshopa ikshot hʋch iba takla anta chi̱ ka hʋsh pisashke: ʋno ʋt yʋmmak inli chohmit, yʋmmʋt Chitokaka im atoksʋli li ya̱ toksahanli hoke.

2 Kolinhlian 1:1

Chihowa nan ai ahni atuk pulla mak o̱ Chisʋs Klaist im apostel Pal, micha il itibapishi Timohli ita tuklo kʋt Chihowa in chʋch, yʋmmʋt Kolinhla a hikia, mikmʋt na yimmi a̱hli moma yʋmmʋt Akaia moma ka ai asha ka aieninchit pit aiokpʋchi kʋt,

Kaleshan 1:10

Himak a̱ hatak ak osh, keyukmʋt Chihowa ak osh a̱ kana he ahni li cho? hatak o̱ yukpali sa bʋnna ho̱? hatak ak o̱ yukpali li momakmʋt, Klaist in tishu sia ha he keyu hokʋt.

Kaleshan 3:26

Klaist Chisʋs a̱ i̱ yimmi pulla hosh hʋsh moma kʋt Chihowa im ʋlla hʋchia hokʋt.

Kaleshan 3:28

Chu okmá, Klik okmá, nana kʋt iksho; yuka yokmá, yuka keyu yokmá, nana kʋt iksho; nakni okmá, ohoyo hokmá nana kʋt iksho, amba hʋsh moyuma kʋt achʋfʋt Klaist Chisʋs a̱ hʋsh ibafoyuka hoke.

Efeshan 1:1

Pal, Chihowa nan ai ahni ha tuk pulla mak o̱ Chisʋs Klaist im apostel ʋt ʋbanumpuli a̱hli Efesʋs ai asha, micha Klaist Chisʋs i̱ yimmi aiena ka pit aiokpʋchishke.

Efeshan 1:15

Yʋmohmi ka ʋno yak kia Chitokaka Chisʋs a̱ hʋsh i̱ yimmi, micha ʋbanumpa yimmi a̱hli moma ka hʋsh i̱ hullo ka, haklo li hayʋt,

Efeshan 6:24

Chitokaka Chisʋs Klaist i̱ hullo ai a̱hli moyuma ka nan isht i̱ kana yʋt anukfoyukashke. Amen.

Filippian 2:19

Yohmi kia chekikma Timohliʋs a̱ hʋchi pila la chi̱, yʋmohmi hosh hʋchi a kaniohmi ka akostininchi lish, sai yukpa chi̱ kʋt, ahnit Chitokaka Chisʋs a̱ anukchieto lishke.

Filippian 2:5

Klaist Chisʋs anukfoyuka tok akinli nan anukfila ilʋp pʋt hʋchi anukfoyukashke.

Filippian 3:12

Himak okʋno ona li ma̱shko ahni li keyu, micha himak ak kia ai a̱hlit sa taha ahni li keyu; amba achunanchit iakaiya li, yʋmohmi hosh yʋmmak a he ak o̱ Klaist Chisʋs ʋt si atokoli tok yʋmmak ash ieshi la he ak atuk oke.

Filippian 3:3

Pishno ak okʋto hakshup tʋpa shilombish anukfoyukʋt Chihowa holitoblichi, micha Chisʋs Klaist ai yukpa pia, yohmi kʋt haknip a̱ ai anukchieto keyu pia hoke.

Filippian 3:8

A̱hli mʋhlishke, yohmi kʋt Klaist Chisʋs an Chitokaka ithana achukma fehna kak o̱ nana puta kʋt peh ik ahobo ahni lishke; yʋmma pulla kak o̱ nana puta kʋt isht a̱ kʋnia, mikmʋt yʋmmak ash o̱ chopilhkʋsh a̱ chohmichi li, yʋmohmit Klaist a̱ asitʋbi li,

1 Hlessalonian 1:1

Pal, micha Silfanʋs, micha Timohliʋs aiena kʋt Hlessalonian chʋch I̱ki Chihowa, micha Chitokaka Chisʋs Klaist ibafoyuka ya̱ pit hʋchi aiokpʋchi kʋt, Pi̱ki Chihowa micha Chitokaka Chisʋs Klaist ita tuklo nan isht i̱ kana, micha nan isht it i̱ nanaiya ita tuklo kʋt hʋchi anukfoyukashke hʋchim ahnishke.

1 Hlessalonian 2:2

Yohmi ka ti̱kba ka pilbʋsha, micha Filippi okla hʋt pi hofahyali aiena tok a̱ hʋsh ithaiyanʋshke; yohmi ha ya pin Chihowa pulla ho̱ a nukwa̱ya keyut, achunanchit a lushummit ʋbanumpa ha̱ isht e hʋchim anumpohonli tok.

2 Hlessalonian 1:1

Pal, micha Silfanʋs, micha Timohliʋs pia hʋt Chʋch Hlessalonika a hikia Pi̱ki Chihowa, micha Chitokaka Chisʋs Klaist ibafoyuka ka pit il aiokpʋchi kʋt,

2 Hlessalonian 1:10

Yʋmmak okʋt ʋla cha, ʋbanumpa yimmi puta ka isht a holitopa he, mikma i̱ yimmi puta kʋt okokko! ahnit aiokpahancha he nitak yʋmmak ok mak o̱ yakohma he, atokolit il anoli tok a̱ hʋchi yimmi tok oka.

1 Timohli 1:2

Nan ai yimmi pulla ho̱ sʋso fehna Timohli ya̱ pit aiokpʋchi hoke; Isht i̱ kana, isht i̱ nukha̱klo, micha isht it i̱ nanaiya aiena kʋt Pi̱ki Chihowa, micha pin Chitokaka Chisʋs Klaist ita tuklo ka a mihinti kʋt chi anukfoyukashke.

1 Timohli 3:8

Anonti chʋch nan isht im ʋtta yʋt yopunla iksho hosh im anukfila nuktanla achukmashke, im anumpa tuklo keyu, oka homi ishko shahli keyu, ai ʋlhpiesa keyu isht a hofahya he nan isht ahayuchi bʋnna kʋyu;

Titus 1:1

Pal, Chihowa in tishu, micha Chisʋs Klaist im apostel okʋt, ʋbanumpa ha̱ anohonli na okcha̱yʋt bilia he Chihowa hʋt im ahni tok ʋhleha hʋt yimmi cha, anumpa ai a̱hli ka achukmali fehnʋt ithʋnʋt, Chihowa ha̱ isht a holitobla hi atok;

Titus 1:7

Yohmi ka bishop ʋt Chihowa nan im apesʋchi yatuk osh, anumpa ik achukmo kia onʋtula he keyu ho̱ pullashke: ilap ai ahni keyu, nokowa shahli keyu, oka homi ishko shahli keyu, na‐fahama keyu, ai ʋlhpiesa keyu isht a hofahya he nan isht ahayuchi bʋnna keyu;

Filemon 1:1

Pal, Chisʋs Klaist ak atuk pulla mak o̱ yuka, micha il itibapishi Timohli yʋt pi̱ holitopa, il itiba toksʋli Filemon,

Heblu 13:23

Yohmi ka il itibapishi Timohli ʋt ik iá im ahni na ia tuk oka hʋsh ithanashke; yʋmmʋt chekosikma ʋla hokma, awant ont hʋchi pisa la chi̱ oke.

Chemis 1:1

Chemis, Chihowa, micha Chitokaka Chisʋs Klaist in tishu hʋt Islael isht atiaka akʋshkoa auah tuklo kʋt ita fimimpʋt kanima moma ma̱ya puta ka, pit aiokpʋchi hoke.

1 Pita 2:25

Yohmi ka chukfʋlhpoba tamoa chiyuhmit hʋsh itʋnowa tok kia, himonasi kano chukfʋlhpoba Apesʋchi micha hʋchimi shilombish ma Nan im atahli yoka falamʋt hʋsh im ona hoke.

2 Pita 1:1

Saimon Pita, Chisʋs Klaist im apostel, micha in tishu hokʋt pin Chihowa, micha pi Okchalinchi, Chisʋs Klaist ʋt nan aiʋlhpiesa yʋmohmi tok pulla mak o̱, na yimmi pi̱ holitopa itilaui ka ahayuchi tok ʋhleha yʋmmak o̱ pit aiokpuchi kʋt,

Chute 1:1

Chute, Chisʋs Klaist in tishu, micha Chemis itibapishi hokʋt, I̱ki Chihowa ya̱, i̱ holitopa ʋhleha, micha okcha̱ya he ʋlhtoka tok; micha Chisʋs Klaist ak atuk pulla kak o̱ ai a̱hlit i̱ yimmit ma̱ha̱ya yʋmmak o̱ pit i̱ holissochi kʋt,

Nan Otʋni 1:1

Chisʋs Klaist nan isht otʋninchi yʋmmak oka Chihowa hʋt ima na in chekosikma nana a kaniohmi pulla chi̱ ka, in tishu ʋhleha ha̱ im otʋnincha hi a tok; atuk o̱ yʋmmak ash osh im enchil ak o̱ pit chʋffichi hosh in tishu Chan a̱ nan it apesa hosh im anoli tok.

Nan Otʋni 1:20

Fochik untuklo sʋbbak isht impak imma a̱lhto ho̱ ish pi̱sa kash, micha tʋli holisso lakna pʋla ai o̱ hikia puta aiena kash ot nan isht ʋlhpisa kʋt ilʋppak oke. Fochik untuklo kʋt chʋch a hiohli untuklo ka nan isht im ʋtta ʋhleha untuklo kak oke; yohmikma pʋla ai o̱ hikia untuklo ish pi̱sa kash ot chʋch a hiohli untuklo kak oke, ʋm achi tok.

Nan Otʋni 19:10

Mihma aiokpʋchi la chi̱ hosh iyi ya̱ a hlipia li tok. Atuk ak o̱ yʋmmak ash ot, Ahah! ahnit chik yohmo kashke; tishu chitilaui, chitibapishi, Chisʋs nan isht im atokowa ieshi ʋhleha ibai achʋfa sia hoke; Chihowa hak o̱ aiokpʋchí; Shilombish Holitopa yʋt hopaii anukfoyukʋt Chisʋs nan isht atokowa ka anumpohonli yoke, ʋm achi tok.

Nan Otʋni 2:12

Mikmʋt chʋch Pʋkamos a hikia nan isht im ʋtta ya̱ pit ish i̱ holissochashke: Bʋshpo falaia itahla̱kla halupa i̱shi mak osh ilʋppa puta ka achishke.

Nan Otʋni 2:8

Mikmʋt chʋch Smʋna a hikia nan isht im ʋtta ya̱ pit ish i̱ holissochashke. Ʋmmona, micha ont ishtaiyopi aiena, yʋmmak osh illi tok ʋt, okcha̱yʋt ahanta mak osh, ilʋppa puta ka achishke.

Nan Otʋni 22:9

Yohmi ma, Ahah! ahnit chik yohmo kashke; tishu chitilaui, micha chitibapishi hopaii ʋhleha, micha holisso ilʋppa ai anuhumpa tuk a̱ holitobli ʋhleha ai ibachʋfa sia hoke; Chihowa ak o̱ ish aiokpʋchashke, yʋmmak ash ot ʋm achi tok.