Filemon 1:6 - Chahta Holisso Holitopa 1886

⁶ Na yimmi chi anukfoyuka kʋt ai a̱hli fehnʋt otaha̱ni na Chisʋs Klaist isht a holitopa he mak o̱, nana achukma puta kʋt chi anukfoyuka ka ai ithaiyana hokbano, ai ahnit asilhha lishke.

Filemon 1:6 Iomraidhean Croise

Mahlu 25:16

Yohmi ma talent tahlapi ishi tuk ash osh ia mʋt, yʋmmak ash o̱ isht itatobʋt, anonti talent tahlapi mak inli ka isht ikbi tok.

Mahlu 5:16

Hʋchi̱ pʋla hʋt hatak puta itikba ya̱ ik a tommi pulla na inla a̱sha kʋt nana hʋsh akaniohmi hochukma puta ka pisa cha, I̱ki ʋba binili ka holitoblashke.

1 Kolinhlian 14:25

Yohmi ka yakohmi hosh chu̱kʋsh isht im anukfila anu̱kaka yʋt otaiyani yoke: yakohmi hok mak osh hlipia cha, yʋmmak ash ot Chihowa ya̱ aiokpʋchishke, mikmʋt Chihowa hʋt hʋch iba takla ho mʋhli hatuk a̱ anola hi oke.

1 Kolinhlian 16:9

Okhissa yʋt chito, mikmʋt ʋm ai a̱hla hi ʋt an tiwa, mikma a̱ sanali ʋt laua hoke.

Filippian 4:8

Ishtaiyopi ka itibapishi li ʋhleha ma! nana hosh a̱hlikma, nana hosh holitopakma, nana hosh ai ʋlhpiesakma, nana hosh kashofakma, nana hosh aioklikma, nana hosh annoa achukmakma, nan ai ʋlhpesa inla yʋt a̱shakma, anonti aiokpancha he ʋlhpesa kʋt a̱shakma, ilʋppa puta kash hʋsh anukfihinlashke.

Koloshan 1:9

Yakohmi kak o̱ nitak yʋmma fehna ka e haiyaklo tuk taiyakla kʋt, anumpa ilbʋsha isht e hʋchi anumpohonli kʋt il issa keyu, mihmʋt hʋchi hopoyuksa bieka, micha shilombish im ahalaia ka ithʋnʋt, Chihowa nan ai ahni ka hʋsh ithana ka isht hʋchi alotowa he ak o̱, il ai ahni hoke:

Koloshan 3:10

Hatak himona yo̱ isht hʋsh foyuka tuk okʋt, yʋmmak okʋt nan ithana ka isht a himonʋt, Ikbi tok a̱ hoyulba hosh himonʋt toba tok:

Titus 3:14

Mikma pimmi yokʋt nan isht ai ʋni ik im iksho hosh ik anto ka chi̱ kʋt, nana ka ai yʋmohma he ai ʋlhpiesa nan toksʋli achukma puta ka achunanchit isht ahanta chi̱ kʋt, moyumʋt ithʋna mak inlashke,

Heblu 6:10

Yohmi ka Chihowa hʋt ik ai ʋlhpeso hokmá, nanta tuk osh nan toksʋlit holitoblit ilap hohchifo imma ka nan isht hʋsh im ahanta tuk a̱ imi haksa he keyu, ʋbanumpuli ʋhleha ha̱ nan isht hʋsh im ahanta tuk osh, isht hʋsh ahanta kʋt imoma hoka.

Chemis 2:14

Itibapishi li ʋhleha ma! hatak ʋt ai yimmika yʋt anukfo̱ka miha kia, na toksʋli kʋt ik im iksho hokʋto, yʋmmʋt nanta ho̱ isht im ai achukma hinla ho̱? Ai yimmika illa kʋt yʋmma okchalincha hinla ho̱?

Chemis 2:17

Yohmi ka ai yimmika yak kia yʋmmak inli ho̱ chohmit, na toksʋli hʋt ik im iksho ho̱, yʋmmak illa hokmʋt, illi hoke.

1 Pita 2:12

Nana hʋsh a kaniohmi kʋt achukma hosh ʋbanumpa ik ithano okla ha̱ iba takla hʋsh ahantashke: yohmi na nana ik achukmo yʋmihchi chohmichit hʋchi̱ sanalit anumpohonli kia, nana achukma puta hʋsh yimihinchi ka pihi̱sakmʋt, Chihowa yʋt i̱ nowʋt a̱ya nitak oka yʋmma okla holitoblashke.

1 Pita 3:1

Anonti tekchi hʋchia hʋt hʋchi̱ hatak oka hʋsh im antiashke; yohmi na kanima kʋt ʋbanumpa ha̱ ik ahnincho hokmʋt, ʋbanumpa hash ik haklo kia, tekchi ak osh nana a kaniohmi kak o̱, yʋmmʋt ʋlhpesa ahnit isht anukfohka ak inli yoba na;

1 Pita 3:16

Isht il akostininchi achukma ho̱ hʋsh ieshashke: yʋmohmi ho̱ nana ik achukmo yʋmihchi chohmichit nana ik achukmo isht hʋchi anumpohonli kʋt, Klaist a̱ anukfoyukʋt nana achukma hʋsh yʋmohmi ka, anumpa a̱hli keyu hʋchi onochi tuk ʋhleha hʋt isht a hofahyashke.

2 Pita 1:8

Yohmi ka nana ilʋppa puta kʋt hʋchi anukfoyuka kʋt isht i̱ shahlit lauʋt ia hokmʋt, pin Chitokaka Chisʋs Klaist hʋsh ithaiyana kʋt, in takobit hʋch ik ʋno ka hi o̱ hʋch ikbi keyu hoke.