Filemon 1:4 - Chahta Holisso Holitopa 1886

⁴ Anumpa ilbʋsha anumpohonli likmʋt, chithaiyana li kʋt,

Filemon 1:4 Iomraidhean Croise

Loman 1:8

Ʋmmona ka Chisʋs Klaist ak atuk mak o̱ hʋsh moyuma ka hʋch ithaiyanʋt, na hʋchi yimmi hoka annoho̱wʋt yakm moyuma ka a hlopulli kak o̱, an Chihowa ya̱ yak oke, pit im ai ahni li hoke.

Efeshan 1:16

Yak oke ishit hʋchi ahni li kʋt, issa li keyu mʋt, micha anumpa ilbʋsha anumpuli likmʋt, isht hʋchi anohonli li hoke;

Filippian 1:3

Hʋchi anukfilli li aiyuka kʋt an Chihowa ya̱ yak oke im aiahnit,

Koloshan 1:3

Chihowa, micha pin Chitokaka Chisʋs Klaist I̱ki ya̱ yak oke, im ahnit, ʋba isht e hʋchi anumpohonli na bilia hoke;

1 Hlessalonian 1:2

Anumpa ilbʋsha il anumpulikmʋt, e hʋchi anohonlit, Chihowa ya̱ yak oke hʋsh moma ka isht e hʋchim aha̱ni hoke;

2 Hlessalonian 1:3

Hʋchi ai yimmi ka yʋt chitot isht i̱ shahli fehna, micha hʋsh moma kʋt hʋsh it i̱ hullo kʋt laua fehna hoka, itibapishi li ʋhleha ma! isht ai ʋlhpiesa ho̱ hʋchishno pulla kak o̱ Chihowa ya̱ yak oke il im ai ahni na bilia hi atuk oke:

2 Timohli 1:3

Chihowa ya̱ yak oke im ai ahni li kʋt, an tikba ʋhleha hʋt kaniohmit aiokpahanchi beka tok a̱ chiyuhmit anukfila kashofa ho̱ isht aiokpahanchi li kʋt, ak isso hosh nitak, ninak moyuma ka anumpa ilbʋsha anumpohonli likmʋt, chithaiyana lishke:

Filemon 1:5

Chitokaka Chisʋs Klaist oka ish i̱ yimmi, micha ʋbanumpuli ʋhleha ha̱ ish i̱ hullo aiena ka haha̱klo li kak osh, Chihowa ya̱ yak oke im ai ahni lishke.