Filemon 1:24 - Chahta Holisso Holitopa 1886

²⁴ Makʋs, Alistachʋs, Temas, Lukas it ibai toksʋli li ʋhleha aiena kʋt pit chi aiokpʋchishke.

Filemon 1:24 Iomraidhean Croise

Apostel isht Anumpa 12:12

Micha nan im anukfihinla mʋt Chan, Mak hohchifo ishki, Meli in chuka ya̱, yʋmma laua hosh itahobʋt ʋba pit anumpuli hosh ma̱ya na, ʋla tok.

Apostel isht Anumpa 12:25

Yohmi ma Banabas micha Sal ita tuklo kʋt nan isht aha̱shwʋt atahli mʋt Chan, Mak hohchifo ka ilauint Cheluselem a a̱shwʋt falamʋt ia tok oke.

Apostel isht Anumpa 13:13

Mihma Pal ʋt itʋpeha yash aienʋt Pefʋs a̱ a hotofi cha, okla mintit Pa̱filia yakni Pʋki a̱ ai ʋla tok. Mihma Chan ʋt i̱ filʋmmit Cheluselem a̱ falamʋt ona tok.

Apostel isht Anumpa 19:29

Mihma tʋmaha ha̱ yahapa kʋt alotʋt kʋnia tok. Micha Masetonia hatak, Pal apehʋt nowʋt a̱ya Kaiʋs, micha Alistakʋs ita tuklo ka hoklit okla ishi mʋt, im anukfila ai achʋfa chiyuhmit yihlepʋt, okla ai itahoba chatuk a̱ pit abeha tok.

Apostel isht Anumpa 27:2

Mihma Hlessalonika tʋmaha Masetonia hatak, Alistakʋs ʋt piba fo̱ka hatuk o̱, Asia ya̱ pit lapali̱ka okla e ma̱ya chi̱ mak osh pim anukfila hosh Atlemitiʋm peni yo̱ pit il ʋlbeha mʋt il ilhkoli tok.

2 Kolinhlian 8:23

Hʋchishno yatuk mak o̱ kʋnia kia Titʋs a̱ a ponakla he yoba ká, yʋmmak okʋt ʋm itapela, micha na sʋba toksʋli yoke; yʋmmak keyukmʋt hʋp itibapishi ʋhleha hash a ponakla he yoba ká; yʋmmak okʋt Klaist nan isht a holitopa chi̱ ka, chʋch hiohli puta ho̱ ai im ʋlhtoka ʋhleha hoke.

Filippian 2:25

Yohmi ak inli kia Epaflotitʋs, itibapishi li, itiba toksʋli li, micha tʋshka chipota sʋ bi̱ka, micha hʋchim anumpa shahli, micha nana a sa bʋnna tuk a̱ isht ʋm anta chatuk, yʋmmak o̱ hʋchi̱ pila la he ʋlhpesa ahni li tuk oke.

Filippian 4:3

Mikmʋt chishno itiba toksʋli li a̱hli ak kia chim asilhha lishke, ohoyo yʋmmʋt ʋbanumpa ha̱ isht sʋba toksʋli tuk, micha Klement, micha sʋba toksʋli ʋhleha inla aiena, yʋmma hohchifo hʋt holisso okcha̱ya a takali ka, ish apelahanchashke.

Koloshan 4:10

Alistakʋs, sʋbai yuka yʋt pit hʋchi aiokpʋchishke: micha Makʋs, Banabas in tek ushi mʋt pit hʋchi aiokpʋchishke; yʋmmak oka isht anumpa ʋlhpisa ha̱ hʋsh ishi tuk ʋt hʋchim onakma, hʋsh aiokpʋchashke.

Koloshan 4:14

Luk, alikchi holitopa, micha Temas, ita tuklo kʋt pit hʋchi aiokpʋchishke.

1 Pita 5:13

Ʋbanumpuli iksa Babulon hikia kʋt, hʋch ibai ʋlhtoka ha tok ʋt hʋchi aiokpʋchishke; mikma sʋso Makʋs ʋt yohmi ak inli.

3 Chan 1:8

Yohmi hoka pishno ʋt nan ai a̱hlika ya̱ pit ai im apelʋchi pia ha chi̱ kʋt, yʋmma chohmi ka ai okpʋchit nana il im atahanla he ʋlhpiesa hoke.