Filemon 1:22 - Chahta Holisso Holitopa 1886

²² Yohmi kia ai‐ʋtta la chi̱kma, aieninchit is sʋm atahlashke: yohmi kʋt anumpa ilbʋsha ish anumpohonli hatuk mak o̱ chim ona la he ai ahni lishke.

Filemon 1:22 Iomraidhean Croise

Apostel isht Anumpa 27:24

Pal ʋt ik chi nukshopo kashke. Sesa itikba ya̱ ish ona chi̱ pulla hoke; mikmʋt Chihowa yʋt ai itapehʋt peni isht hʋsh a̱ya ka, yʋmma mominchit chima hoke; ahanchi tuk oka.

Apostel isht Anumpa 28:23

Micha nitak okla pit im apesa tuk o̱, laua kʋt ai ʋtta ya̱ okla ant iba chukowa tok; mihma yʋmmak osh Chihowa apehlichika ya̱ atokolit im anolit, Moses i̱ nan‐ʋlhpisa, micha hopaii ʋhleha i̱ holisso puta ka akohchit, Chisʋs a̱ isht ai anukfohkichit ahanta na onnahinli tuk ʋt opia tok oke.

Loman 15:24

Kanima kash inli ho̱ nowʋt a̱yʋt Ispani yoka chukowa likmʋt, hʋchim ona la hi oke: yohmi kʋt nowʋt a̱ya li hokʋt, ont hʋchi pisa la he ai ahni li: micha hʋchi pisʋt kaniohmit ʋm ʋlhpiesa ha yokmʋno, nowʋt a̱ya li kash achakalit pit hʋs sa pila he chishke, ai ahni lishke.

2 Kolinhlian 1:11

Hatak laua pulla kak o̱ nan isht i̱ kana pi onʋtuyula tuk a̱, hʋchishno ak kia itapelʋt anumpa ilbʋsha isht hʋsh pi anumpohonli; yohmi ho̱ pishno pulla kak o̱ yak oke Chihowa ya̱ im ahni kʋt laua hi oke.

Filippian 1:19

Anumpa ilbʋsha isht hʋs si anumpohonli; micha Chisʋs Klaist imi Shilombish ʋt si apelahanchi aiena, ilʋppak osh isht si okcha̱ya hi a̱ ithana li hokʋt,

Filippian 2:24

Yohmi kʋt ʋno yak kia chekosikma ona la chi̱, ahnit Chitokaka ya̱ anukchieto lishke.

Heblu 13:19

Yohmi kia ilʋppak o̱ yohmik bano hʋchim ahni li i̱ shahli hokʋto, chekosi a̱ holhtofa cha, falamʋt hʋchim ona li hok bano, ai ahni lishke.

Heblu 13:23

Yohmi ka il itibapishi Timohli ʋt ik iá im ahni na ia tuk oka hʋsh ithanashke; yʋmmʋt chekosikma ʋla hokma, awant ont hʋchi pisa la chi̱ oke.

Chemis 5:16

Nan hʋsh ai ashʋchi pʋta ka hʋchishno bi̱ka yʋt hʋsh it im anohonlashke; mikmʋt hʋchi hlakofa chi̱ kʋt, ʋba isht hʋsh it im anumpuli pullashke. Hatak ai ʋlhpiesa hosh na yimmi hosh ʋba pit anumpohonli kʋt nana ka ai a̱hlichi fehna chatuk oke.

2 Chan 1:12

Nana ka pit chi̱ holissochi la hi ʋt lauʋt a̱sha; yohmi kʋt holisso tohbi, micha isht holissochi okchi aiena ho̱ isht a pit holissochi la he keyushke; amba nashuka bi̱ka it atokowʋt anumpulit a pi yukpa fehna chi̱ ka, ʋno ʋt a̱yʋt chim ona la chi̱, ʋm ahoba hoke.

3 Chan 1:14

Yohmi kia chekosikma chi pisʋt, nashuka ai it atokowʋt isht chim anumpuli la chi̱ ka ʋm ahoba hoke, Nan isht il ai yukpa yʋt chi anukfoyukashke. Pi̱ kana ʋhleha hʋt pit chi ai okpʋchishke. Il iti̱ kana ʋhleha ha̱ hochifo cha, pit ish ai okpʋchashke. Amen.