Filemon 1:19 - Chahta Holisso Holitopa 1886

¹⁹ Pal sia hʋt ʋno sʋbbak ak inli ho̱ isht holissochi li kʋt, atobbi la he mak oke; yohmi kia is sʋm aheka kʋt chishno yak fehna kak kia is san takanli ak inli ak chim achoshke.

Filemon 1:19 Iomraidhean Croise

Genesis 43:9

Ʋno ak osh aia̱hlichi sia hashke; sʋbbak ak o̱ ish a hoyashke: ishit chim ʋlʋt chi tikba ak hilechokmʋt, ʋno ak osh anumpa si onʋtoyula na biliashke.

Loman 16:22

Tetiʋs sia holisso ilʋppa holissohonchi kash ot Chitokaka ibai achʋfa hʋchia ha̱ pit hʋchi aiokpʋchi lishke.

1 Kolinhlian 4:15

Klaist nan isht ithʋnanchi tahlepa sipokni pokoli hosh hʋchim ai asha hoh kia, hʋch i̱ki ʋt ik lauwoshke; Klaist Chisʋs osh nan apelʋchi ho̱ ʋbanumpa pulla ho̱ isht hʋchi tobachi li tuk oke.

2 Kolinhlian 10:1

Yʋmohmi kʋt Klaist chu̱kʋsh yohbi, micha chu̱kʋsh nukhobela iksho pulla ho̱, ʋno Pal sia hʋt hʋchi̱ kanʋt hʋchi tohono lishke; hʋchi takla antakmʋt, im anukfila akanlosi, amba hʋchi̱ filʋmmikmʋto, hʋchi̱ nukwa̱ya iksho sia mak oke.

2 Kolinhlian 3:2

Hʋchishno ak osh pi̱ holisso hʋchia hosh pi chu̱kʋsh a̱ a holihi̱so tuk osh, hatak moma ka im otaiyanit im ai it anuhumpa hoke:

2 Kolinhlian 9:4

Masetonia hatak ash o̱t si api̱hʋt ona yoba cha, nana kʋt ik hʋchim ʋlhtaho ke tuk o̱ ont ahayuchi na, na yimmit isht ilauwaiyata tuk mihi yo̱ ai isht a pi hofahya hinla kʋt, hʋchishno ak a he okʋno il achi keyu.

Kaleshan 5:2

Yakeh! Pal sia hosh hakshup hʋchi tʋpa hokma, Klaist ʋt nan isht hʋchim ai achukma he keyu ka hʋchim achi lishke.

Kaleshan 6:11

Holisso chito kʋt, kaniohmi ho̱ ʋno sʋbbak ak inli ho̱ pit isht hʋchi̱ holissochi li tuk a̱ hopesá.

1 Timohli 1:2

Nan ai yimmi pulla ho̱ sʋso fehna Timohli ya̱ pit aiokpʋchi hoke; Isht i̱ kana, isht i̱ nukha̱klo, micha isht it i̱ nanaiya aiena kʋt Pi̱ki Chihowa, micha pin Chitokaka Chisʋs Klaist ita tuklo ka a mihinti kʋt chi anukfoyukashke.

Titus 1:4

Yohmi kʋt nan isht a pi yimmi pulla kak o̱ sʋso, Titʋs a̱, pit chi aiokpʋchi lishke: Nan isht i̱ kana, i̱ nukha̱klo, micha isht it i̱ nanaiya aiena kʋt Pi̱ki Chihowa, micha pi Okchalinchi Chitokaka Chisʋs Klaist ita tuklo ka a mihinti kʋt chi anukfoyukashke.

Filemon 1:18

Nana kia chim okpʋni tok, micha aheka kia chin takanli hokma, ʋno ak o̱ aheka is sʋm ikbashke.