Filemon 1:16 - Chahta Holisso Holitopa 1886

¹⁶ Yohmi ka yuka keyu, yuka kano i̱ shahli, ʋno yʋt itibapishi li a̱ holitopa ho̱ fehna, amba chishno yokak heno a chimmi, micha Chitokaka ibai achʋfa hokʋt chi̱ holitopa kʋt i̱ shahli fehna hinla keyu̱?

Filemon 1:16 Iomraidhean Croise

Mahlu 23:8

Yohmi kia hʋchishno yokʋto Labai ik hʋchi hohchifo kashke; hʋch i̱ shahli hʋto achʋfa, yʋmmʋt Klaist ak oke. Yohmikma hʋsh moyuma kʋto itibapishi hʋchia hoke.

Apostel isht Anumpa 9:17

Mihma Ananaiʋs ash ot, iʋt aboha ya̱ ont chukowa tok; micha ibbak a̱ isht umbitepa mʋt, Itibapishi li Sal ma! ish minti ma, hina takla ya̱ a chi̱ haiaka tuk, Chitokaka Chisʋs ʋt chishno ʋt ish hopo̱koyo cha, Shilombish Holitopa yʋt chi anukfohka chi̱ ho̱, auet sa chʋffichi tuk oke; achi tok.

1 Kolinhlian 7:22

Kʋna hoh kia yuka hosh Chitokaka isht anukfoyukakma, mihi yosh Chitokaka immi yuka keyu hoke; yʋmmak ash inli ho̱ chohmit kʋna hosh yuka keyu yosh ʋbanumpa anukfohkakmʋt, mihi yosh Klaist in tishu yokʋt.

Koloshan 3:22

Yuka ʋhleha ma! hʋchi haknip i̱ nahullo ʋhleha ha̱ nana puta ka hʋsh im antiashke; nishkin pi̱sa toksʋli hatak ak o̱ yukpali chohmi keyu, chukʋsh achʋfa ai apissali hosh Chihowa ya̱ hʋsh i̱ nukshoyupashke.

1 Timohli 6:2

Mikma i̱ na hullo ʋbanumpuli yosh a̱sha hokʋt itibapishi hokʋt, isht ik i̱ ahno ka he ʋlhpesa keyushke; amba i̱ na‐hullo yʋt na‐yimmi, micha Chihowa i̱ holitopa, micha nana isht ai yukpa ʋba minti ka it ibai ishi yoka, aiokpanchit nana ka isht im ahantashke. Ilʋppa puta kak o̱ im abʋchit ish atonohonchashke.

Heblu 3:1

Yʋmohmi hoka itibapishi holitopa ʋhleha ʋba nan isht ilaiyukpa et annoho̱wa ka ibai i̱shi hʋchia ma! Apostel, micha Na‐holitompa isht ʋtta chinto, Chisʋs Klaist a̱ il ithaiyana, il il apihi̱sa tok a̱ hʋsh anukfihinlashke.

1 Chan 5:1

Kʋna hosh Chisʋs ʋt Klaist mak atuk a̱ yimmi hokʋto, Chihowa ak o̱ isht a toba mak oke; micha na tobachi tok ash i̱ hullo hokʋto, moma kʋt yʋmma isht a toba tok puta ma i̱ hullo ak inli hoke.