Filemon 1:14 - Chahta Holisso Holitopa 1886

¹⁴ Yohmi kia chishno chim anukfila keyu ka, nana kia yʋmohmi la he ak ai ahno: yohmi na nana achukma ish yʋmohmi kʋt ik kaniohmi kia ish yʋmohma hi atuk o̱ keyu, amba chishno inli chim anukfila kak ashke.

Filemon 1:14 Iomraidhean Croise

Atʋloa 110:3

Tʋnʋp ia chi̱ ittʋhobah nittakmʋt, chim okla hʋt ilap ahni hosh chim il issa hi oke; chu̱kʋsh kʋshofa ishit shema kʋt onnʋt minti a ko̱ho̱ccha tohwikeli ak o̱ chiyuhmi hosh, chi̱ himithoa yʋt fichak chiyuhmit chim aiyasha hi oke.

1 Kolinhlian 9:17

Ahni li hok mak osh ilʋppa yʋmohmi li hokmʋt, nan ʋlhtoba kia ieshi li hoke; amba ak ahno hok mak osh ilʋppa yʋmihchi li hoh kia, ʋbanumpa isht ai ʋtta hi okʋte si ʋlhtokowa hatuk oke.

1 Kolinhlian 9:7

Kʋta hosh kaniohmi hoh kia itotinowa kʋt ilap inli hosh nan i̱ kʋnia ho̱? kʋta hosh pa̱kʋpi a hollokchi ya̱ ikbi tuk ʋt, yʋmma nan ai ʋni ka ai ʋpa keyu ho̱? keyukma kʋta hosh nan ʋlhpoba apistikeli kʋt anonti nan ʋlhpoba ya̱ i̱ pishukchi ya̱ ik ishko ka hinla̱?

2 Kolinhlian 1:24

Na hʋchi yimmi ka il i̱ shahli hatuk keyu hoka, amba na hʋchim ai yukpa apelʋchi pia hoke; na yimmi pulla hatuk mak osh hlampkot hʋsh hikia hoke.

2 Kolinhlian 8:12

Im anukfila ak osh nan tikba yohmikbano ahni ha yatuk okʋno, hatak yʋmmʋt nana ho̱ i̱shi tuk ash isht ʋlhpisa ho̱ ima kʋt isht ai ʋlhpesa hoke, amba yʋmmak ash ot nana hash ik isho ke tuk ak osh isht ik im ai ʋlhpiso chatuk keyu.

2 Kolinhlian 9:5

Yohmi ka il itibapishi ʋhleha hash ot ti̱kba hʋchim a̱ya cha, nan isht hʋsh i̱ kana he ʋt isht anuhumpa tuk ash, tikbanli atahla he ʋlhpesa ahnit, i̱ miha li tuk; yohmi ka pilla nan isht i̱ kana yʋmmak a he ash ot ʋlhtaiyaha kʋt, nan il ahayuchi bʋnna yo̱ ik chohmo kashke.

2 Kolinhlian 9:7

Kʋna kia ilap im anukfila hak o̱ na ti̱kba nan isht ik ahni ha yosh hatak moma kʋt nan ik imá; isht nukha̱klo keyu, mikmʋt yohma hi atuk ahni kak o̱ keyu; aiokpanchit nan ima yak o̱ Chihowa yʋto i̱ hullo hoke.