Filemon 1:12 - Chahta Holisso Holitopa 1886

¹² Yʋmmak oka falaminchit pila lishke; sa chu̱kʋsh chiyuhmi hoka i̱ kanʋt ish ishashke.

Filemon 1:12 Iomraidhean Croise

2 Samuel 16:11

Mihmʋt Lewi ʋt Abishai, micha in tishu ʋhleha moma ka, Yakeh! sʋso hʋt sakfohka a kohcha tuk ʋt ʋm ilhfiopak a̱ hoyoshke: yohmi ka himak a̱ Benchamait ilʋppak okak heto yohma he ʋlhpesa keyu̱? ik a̱shá, anumpa kalakshichi ik onochí, Chihowa ʋt im achi tuk oka.

Mark i̱ Holisso 11:25

Micha ʋba pit anumpulit hʋsh hikiakmʋt, nana a hʋchi̱ kaniohmi tuk a̱shakma, hʋsh i̱ kashofashke: yohmi na hʋchishno na hʋchim aiashʋchika puta ka I̱ki ʋba binili kʋt hʋchi̱ kashofi makinlashke.

ʋBanumpa Luk Ʋt Holissochi Tok 15:20

Mihmʋt wakaya cha, i̱ki a̱ im ia tok; atuk osh auet hopaki pilla minti kak inli ho̱, i̱ki ash osh pit pisa mʋt, i̱ nukha̱klo cha, chʋfʋt iʋt, yʋmmak ash ikunla ont ʋbʋnaiyʋt i̱ su̱ksowa tok.

Efeshan 4:32

Micha it i̱ kanʋt, chu̱kʋsh na hih isht iti ahnit, Chihowa hʋt Klaist ak atuk mak o̱ hʋchi̱ kashofi tuk a̱ chohmit, hʋsh it i̱ kashoho̱fashke.

Tutelonomi 13:6

Chitibapishi chishki ya̱ ushi yokmá, keyukmʋt chiso yokmá, keyukmʋt chisotek okmá, keyukmʋt chi tekchi chi apotoa tuk ak okmá, keyukmʋt chi̱ kana yosh chimi shilombish ak inli chiyuhmi tuk okmá, nana hosh lumʋt chi haksichit, yʋmmak oka hʋchishno, micha hʋchi̱ki ʋhleha aiena kʋt ithana tok keyu kia, Kilia cha, naholbʋt toba inla,

Filemon 1:11

Yʋmmak okʋt tikba hokʋno nan isht chim ai achukma iksho ki tok kia, himonasi kʋno chishno, micha ʋno il ita tu̱klo ka isht pim ai achukma fehnʋshke.

Filemon 1:13

Yʋmmak okʋt si awant antʋt, ʋbanumpa ak atuk pulla mak o̱ yuka hosh anta li ka, chishno ak a he tuk mak o̱ chi ʋlhtoba hosh nana kia isht ʋm ahanta he im ai ahni la he ʋlhpesa kia;