Filemon 1:11 - Chahta Holisso Holitopa 1886

¹¹ Yʋmmak okʋt tikba hokʋno nan isht chim ai achukma iksho ki tok kia, himonasi kʋno chishno, micha ʋno il ita tu̱klo ka isht pim ai achukma fehnʋshke.

Filemon 1:11 Iomraidhean Croise

Mahlu 25:30

Mikmʋt tishu ik ahobo yokʋno kocha aiokhlilika mak o̱ pit hʋsh kanchashke: yʋmmak oka yaha̱ya micha noti ahampa aiena mak a hi oke, im achi tok.

ʋBanumpa Luk Ʋt Holissochi Tok 15:24

Sʋso ilʋppʋt illi tuk osh, falamʋt okcha̱ya hoke; kʋnia tuk osh haiaka hoke. Mihma na yukpʋt okla aiasha tok.

ʋBanumpa Luk Ʋt Holissochi Tok 15:32

Chi nakfish ilʋppak okʋt illi tuk osh, anonti falamʋt okcha̱ya; micha kʋnia tuk osh haiaka hoka, impa ikbit na yukpʋt il aiasha he ʋlhpesa hatuk oke, im achi tok oke; achi tok.

ʋBanumpa Luk Ʋt Holissochi Tok 17:10

Yohmi hoka yʋmma chiyuhmit hʋchishno mʋt, nana kʋt a hʋchim ʋlhpisa tuk ʋt mominchit ont hʋsh ataiyahlikmʋt, Nana ho̱ isht ai yukpa hi o̱ keyu tishu pia: nana ka isht il ai ʋtta hi a̱ pim ʋlhpesa tuk mak osh e yʋmihchishke, hʋsh achi makinlashke, achi tok.

Loman 3:12

Moyuma kʋt naksika yo̱ itʋnoho̱wa, moyuma kʋt itapi̱hʋt isht ai achukma hi ʋt iksho; achʋfa kia nana achukma yʋmihchi kʋt iksho; achʋfa kia iksho hoke.

2 Timohli 4:11

Luk ak bano hosh si awant anta hoke; Mak ano ilauelit ish lashke; yʋmmak okʋt ʋbanumpa isht ai ʋtta ya̱ a si apela hinla hoka.

Filemon 1:10

Yuka hosh anta li mʋt, tobachi li tok sʋso, Onesimʋs ak atuk pulla mak o̱ chim asilhha lishke.

Filemon 1:12

Yʋmmak oka falaminchit pila lishke; sa chu̱kʋsh chiyuhmi hoka i̱ kanʋt ish ishashke.

1 Pita 2:10

Yohmi kʋt nitak tikba hokʋno Chihowa im okla hʋchia ha tok keyu kia, himak ano Chihowa im okla hʋchia hoke; isht i̱ kana ya̱ hʋch ik esho ki tok kia, himak ano isht i̱ nukha̱klo ka hʋsh i̱shi tuk oke.