Filemon 1:10 - Chahta Holisso Holitopa 1886

¹⁰ Yuka hosh anta li mʋt, tobachi li tok sʋso, Onesimʋs ak atuk pulla mak o̱ chim asilhha lishke.

Filemon 1:10 Iomraidhean Croise

2 Samuel 18:5

Mihma mi̱ko ʋt Choab, micha Abishai, micha Ittai aiena ka im apesʋt, Hatak himita Absalom a̱ ʋno ak atuk pulla kak o̱ hʋsh i̱ kanashke, achi tok. Atuk o̱ mi̱ko ʋt kʋpitʋni ʋhleha moma ka Absalom a̱ nana achi ka okla moma kʋt ha̱klo tok.

Mark i̱ Holisso 9:17

Yohmi ma okla laua yash osh achʋfʋt afalaminchi mʋt, Nan‐ithʋnanchi ma! sʋso hʋt na‐shilombish ik anumpulo yo̱ il ai eshi hatuk o̱ ishit chim ʋla lishke.

Loman 12:1

Yʋmohmi ka itibapishi li ʋhleha ma! Chihowa hʋt isht i̱ nukha̱klo puta hak atuk pulla mak o̱ hʋchi haknip puta hokʋno ʋba isht aiokpʋchi okcha̱ya, holitopa, Chihowa yʋt aiokpancha he ʋlhpesa ho̱, yʋmma isht hʋsh ai ahanta he ʋlhpiesa hokʋt, hʋsh im issa he, hʋchim ai ahni lishke.

1 Kolinhlian 4:14

Hʋchi hofahyali la he osh ilʋppa puta ka holissochi li keyu, amba ʋm ʋlla a̱ holitopa hʋsh chiyuhmi kʋt ahah! hʋsh aha̱na chi̱ kak o̱ hʋchi̱ miha lishke.

1 Kolinhlian 4:15

Klaist nan isht ithʋnanchi tahlepa sipokni pokoli hosh hʋchim ai asha hoh kia, hʋch i̱ki ʋt ik lauwoshke; Klaist Chisʋs osh nan apelʋchi ho̱ ʋbanumpa pulla ho̱ isht hʋchi tobachi li tuk oke.

Kaleshan 4:19

Ʋm ʋlla chipunta ʋhleha ma! ohoyo ʋlla esha chi̱ nukhʋmi ka a hʋchim a chohmi li tuk atok o̱ Klaist ʋt a hʋchi atobak mak a chi̱ hoke.

Koloshan 4:9

Micha Onesimʋs itibapishi li ai a̱hli holitopa, yʋmmʋt hʋchishno ak inli ka aieninchit hʋchi̱ pila li hatuk. Yʋmmak osh nana moma ilʋppa a kaniohmi ka hʋchim anola chi̱ hoke.

1 Timohli 1:2

Nan ai yimmi pulla ho̱ sʋso fehna Timohli ya̱ pit aiokpʋchi hoke; Isht i̱ kana, isht i̱ nukha̱klo, micha isht it i̱ nanaiya aiena kʋt Pi̱ki Chihowa, micha pin Chitokaka Chisʋs Klaist ita tuklo ka a mihinti kʋt chi anukfoyukashke.

Titus 1:4

Yohmi kʋt nan isht a pi yimmi pulla kak o̱ sʋso, Titʋs a̱, pit chi aiokpʋchi lishke: Nan isht i̱ kana, i̱ nukha̱klo, micha isht it i̱ nanaiya aiena kʋt Pi̱ki Chihowa, micha pi Okchalinchi Chitokaka Chisʋs Klaist ita tuklo ka a mihinti kʋt chi anukfoyukashke.

Filemon 1:11

Yʋmmak okʋt tikba hokʋno nan isht chim ai achukma iksho ki tok kia, himonasi kʋno chishno, micha ʋno il ita tu̱klo ka isht pim ai achukma fehnʋshke.

Filemon 1:13

Yʋmmak okʋt si awant antʋt, ʋbanumpa ak atuk pulla mak o̱ yuka hosh anta li ka, chishno ak a he tuk mak o̱ chi ʋlhtoba hosh nana kia isht ʋm ahanta he im ai ahni la he ʋlhpesa kia;

3 Chan 1:4

Na sa yukpa kʋt, ʋm ʋlla ʋhleha hʋt nan ai a̱hli ka ya̱ ai itʋnowa na haklo li ka ʋm i̱ shahli kʋt iksho.