Eksotʋs 2:3 - Chahta Holisso Holitopa 1886

³ Atuk osh himak ano luhma he keyu mʋt, hashuk holba kishu̱shi yo̱ eshi cha, nashinʋsbi, micha tiak nia aiena ho̱ isht apolusli mʋt ʋlla yash fohki tok; micha okhina lapalika hashuk chaha foka talali tok.

Eksotʋs 2:3 Iomraidhean Croise

Genesis 11:3

Mihmʋt, Inta! lukfi nuna kiloh ikbí, micha achukmalit eho hukmashke, itim achi tok. Mihmʋt tʋli a hetuk a̱ lukfi nuna yokma, anonti isht ʋlhpolosa ya̱ na shinʋshbi yosh okla im aiasha tok.

Genesis 14:10

Mihma Sittim okfa hʋt bitumen aiasha yakni mitahli yosh alotowa tok: atuk o̱ Sotom i̱ mi̱ko, micha Komollah i̱ mi̱ko ʋt tihlaya tuk osh yʋmmak o̱ ai akakoha tok: mihma hlako̱ffi tuk ʋt yihlepʋt nʋnih chaha ya̱ ona tok.

Genesis 6:14

Kofi iti yo̱ chi̱ peni chito ish ikbashke: micha peni chito anu̱kaka ya̱ abohushi puta ish ai ikbashke; micha anu̱kaka, micha kocha aiena ka̱ tiak nia isht ish apoluslashke.

Eksotʋs 1:22

Mihma Falaoh hʋt im okla moma ka̱ atokolit, Ʋlla nakni ʋtta puta ka̱ okhina ya̱ pit hʋsh okʋchashke; micha ʋlla tek ano hʋsh okchalinchashke, im achi tok.

Mahlu 2:13

Mihma ai ilhkolit taha ma, Chosef ʋt holhpokuna ho̱, Chihowa im enchil ʋt ant i̱ haiaka mʋt, Tani cha, ʋlo̱si mikmʋt ishki aiena ka ishit malelit Echip a̱ ish ona cha, yʋmmak o̱ ish ahanta tuk o̱, anumpa ishit chim a̱ya lashke; Helot ʋt ʋlo̱si a̱ ʋbi bʋnnʋt hoya chi hoka, achi tok.

Mahlu 2:16

Yohmi ma Helot ash osh, hatak hopoyuksa ʋhleha hʋt ik ahobalo ho̱ pisa mʋt, anukhobela fehna cha, pit on tihlelit, ʋlla chipunta Behlehem, micha auet a bili̱ka ma̱ya kʋt afʋmmi tuklo ai ʋhlit ola minti, hatak hopoyuksa ʋhleha ha̱ achukmalit im aponaklo tok ʋt pit ai it ʋlhpesa ka, mominchit ʋbit tahli tok.

Apostel isht Anumpa 7:19

Yʋmmak ash osh hʋpi̱ kanomi ʋhleha ha̱ haksichi mʋt, hʋpin tikba ʋhleha hash o̱ ilbʋshachi, yʋmohmi cha okcha̱yʋt ik ma̱yo ka chi̱ ka, im ʋllo̱si a̱ isht kampila beka tok.