Efeshan 5:3 - Chahta Holisso Holitopa 1886

³ Amba haui toba, micha nana liteha puta, nan anushkunna atampa ʋbanumpa yimmi ʋt yohma he ʋlhpesa keyu ka, himonna kia yohmi tok achit ik hʋchi annowo kashke.

Efeshan 5:3 Iomraidhean Croise

Atʋloa 10:3

Hʋttak haksi ʋt ilap chu̱kʋsh nan ai ahni ka̱ isht ilawʋtakma̱, na̱ wehpuli ʋt Chihowa ha̱ ik ahninchot kanchi cha, shittilema hoka̱.

Atʋloa 119:36

Nan isht chim ai ʋlhtukkoa putta kak o̱ sʋ chu̱kʋsh a̱ pit ish fulullichashke, amba nan ʋhayuchi ʋno keyu kashke.

Eksotʋs 18:21

Micha okla moma ka̱ akohchʋt hatak kʋllo, Chitokaka i̱ nukwi̱ya, hatak a̱hli, nan anushkunna ya̱ shitilema ak o̱ ish ahayuchashke; micha yohmi kak o̱, tahlepa sipokni pehlichi, tahlepa pehlichi, pokoli tahlapi pehlichi, micha pokoli pehlichi ish i̱ hiohlechashke.

Eksotʋs 20:17

Chin chuka a bili̱ka hatak in chuka ya̱ ish anushkunna ná: chin chuka a bili̱ka hatak tekchi, micha in tishu, micha in tishu ohoyo, i̱ wak toksʋli, micha im issuba haksobish falaia, micha nana hosh chin chuka a bili̱ka hatak a̱ immi hokma ish anushkunna ná, achi tok.

Eksotʋs 23:13

Nana moma hʋchim ahanchi li tuk a̱, ahah, hʋsh ai ahnashke; micha naholbʋt toba hohchifo ha̱ hʋchik anolo kashke, micha chitʋkha a kohcha na ik haklo kashke.

Lefitikʋs 15:18

Ohoyo ak kia yʋmmak oka hatak ʋt itapotakma isht ai unchuloli hʋt on a̱sha hosh iba tʋshkikma ita tu̱klot oka yupa hi oke, micha ik kashofo ho̱ ont opia hi oke.

Numbas 25:1

Mihma Islael ʋt Shittim ak o̱ ahanta tok, mihma okla hʋt Moab ushetik ʋhleha ha̱ iti̱ hauit isht ia tok.

Mahlu 15:19

Chu̱kʋsh ak o̱ im anukfila okpulo puta, hatak bi̱ka ʋbi, haui toba, ohoyo ik im iksho micha hatak ik im iksho it i̱ luma̱ka puta, hu̱kopa, anumpa ik a̱hlo isht atokoli, Chihowa ik ahobalot anumpuli puta kʋt a toba hoka.

ʋBanumpa Luk Ʋt Holissochi Tok 12:15

Mihmʋt, Ahah! hʋsh aiahni cha, nan in laua bʋnna ya̱ hʋch ik ahalaiyo kashke: hatak ʋt nana kʋt laua ho̱ il aieshi kak o̱ im ilhfiopak ʋt takali ho̱ keyu hoke, im achi tok.

ʋBanumpa Luk Ʋt Holissochi Tok 16:14

Mihma Falisi ʋt tʋli holisso anuksitia fehna ʋhleha hatuk osh, ilʋppa puta ka haiyaklo mʋt, isht ik imi̱ ahno ki tok.

Apostel isht Anumpa 15:20

Amba na holba toba puta isht ai okpulo, micha ohoyo himita itin luma̱ka, mikmʋt nana kʋt nuksitʋt illi puta, micha issish aiena ka ik ahalaio ka chi̱ kak o̱ pit iloh i̱ holissochashke.

Apostel isht Anumpa 20:33

Hatak nana kia in tʋli hʋta kia, mikmʋt in tʋli holisso lakna yokmá, keyukmʋt ilefohka yokmá nana kia im anushkunna li chatuk keyushke.

Loman 1:29

Yohmi hosh nan ai ʋlhpiesa keyu, itin luma̱ka, nan okpulo anukfilli, nan anushkunna, inla chu̱kʋsh hotopali bʋnna, nan it i̱ potʋnno, hatak bi̱ka ʋbi, itachowa, it i haksichi, nan isht i̱ nukkilli, inla lumʋt na mihachi aiena ka isht ai alotowʋt kʋnia hatuk osh,

Loman 16:2

Yohmi hosh Chitokaka yak o̱ ai achʋfa hoka ʋbanumpuli ai yʋmohmi yak o̱ chiyuhmit hʋsh aiokpʋchashke: micha nana hoh kia isht apelʋcha hi a̱ bʋnna hokma, hʋsh apelashke: yohmi ka yʋmmʋt laua ka apelahanchi chatuk; micha ʋno ak kia aieninchit si apelahanchi chatuk oke.

Loman 6:13

Hʋchi haknip moyuma ka ʋlhpesa ahnit, nan ik ai ʋlhpieso isht a yʋmohmi yo̱ chiyuhmit isht hʋsh ashʋchi ná; amba illi tok osh falamʋt okcha̱ya ho̱ chiyuhmit, Chihowa ya̱ hʋsh il im issashke; micha hʋchi haknip moyuma kʋt Chihowa yak o̱ nan isht ai ʋlhpiesa isht i̱ yʋmohmi mak o̱ hʋsh chiyumashke,

1 Kolinhlian 10:8

Mihmʋt kanimi kʋt itinluma̱ka tuk osh, nitak achʋfa ka tahlepa sipokni pokoli tuklo akocha tuchinʋt ak‐akoha tok ʋhleha ha̱ chohmit kil itinluma̱ko kashke.

1 Kolinhlian 5:1

Itin luma̱ka yʋt hʋch itin takla ya̱ a̱sha kʋt anoho̱wa fehna hoke; yohmi ka kʋna kia i̱ki tekchi atuk a̱ itauwaya, nan itin luma̱ka chohmi kʋt Chentail okla ak kia ai yʋmohmi fehna chatuk keyu hoke.

1 Kolinhlian 6:13

Il impa hʋt takoba yak o̱ immi hoh chatuk oke, mikma takoba yato ilimpa hak o̱ ai immi hoh chatuk oke: yohmi kia yʋmmak ash o̱ it aieninchit Chihowa hʋt ikshokecha chi̱ hoke. Yohmi ka haknip okʋt haui yak o̱ ai im ʋlhpisa keyu, amba Chitokaka yak oke: yohmikma Chitokaka yʋt haknip a̱ nan im atahli yoke.

1 Kolinhlian 6:18

Haui ya̱ ili filʋmmichit hʋsh m lelashke. Kʋna kia nan ai ashʋchika moma ka yʋmihchi hokʋto, haknip okʋno nana kanihchi keyu hoke: amba kʋna hosh itin luma̱ka hokʋto, ilap haknip ak inli ho̱ okpanit nan ashʋchi hoke.

2 Kolinhlian 12:21

Yohmi ka anonti ona likma, an Chihowa yʋt a hʋchim itin takla a si akanlosechi na nan ai ashʋchi ma̱shko tuk ʋt na liteha, micha na haui, micha chukʋsh nan isht haui aiena ka yʋmohmi tuk ʋt, i̱ filʋmmit ik ile kostinincho ki̱sha tuk o̱ isht yaha̱ya li yoba ná.

Efeshan 5:12

Aluma̱ka ho̱ nana kʋt ai yʋmohmi tuk a̱ isht anumpuli illa kak kia, isht hofaya he ʋlhpesa hoke.

Efeshan 5:5

Hatak haui nana kia, hatak ik kashofo, hatak nan anushkunna atampa, yʋmmʋt na holbʋt toba aiokpʋchi, ilʋppʋt Klaist, micha Chihowa im apehlichika nan ai isha he ʋlhpiesa keyu ka hʋsh ithana hoke.

Filippian 1:27

Nana hʋsh a kaniohmi kʋt Klaist im anumpa ak o̱ isht ai ʋlhpesa kak banashke: yohmi na onʋt hʋchi pesa li hokmá, keyukmʋt kanima a̱ya li ik saksho hokmá nana kia na hʋchim a kaniohmi puta yʋmmʋt shilombish achʋfa, im anukfila achʋfa hosh ʋbanumpa ai yimmi ka hʋsh it iba foho̱ʋt kʋllot hʋsh hieli ho̱ haha̱klo lashke.

Koloshan 3:5

Yʋmohmi ka hʋchim i̱ nana kʋt yakni ai asha ka hʋsh illihinchi; haui toba, chu̱kʋsh liteha, anushkunna atampa, haknip nan ahni okpulo, nana ahayuchi bʋnna atampa, yʋmmʋt na holbʋt toba aiokpʋchi yoke.

1 Hlessalonian 4:3

Nan ashʋchi ik hʋchim iksho ilʋppak osh Chihowa im anukfila hoka, yʋmmʋt na haui hʋchik ahalaio ka he;

1 Hlessalonian 4:7

Chihowa yʋt a liteha yo̱ a pi atokoli tok keyu, amba nan il ai ashʋchi iksho ka hi ak atuk oke.

1 Timohli 2:10

Amba ohoyo puta kʋt Chihowa holitobli kʋt, si anukfoyuka ahnit il anoli kʋt, ai yʋmohma he ʋlhpesa, nan isht ʋtta achukma kak o̱ yʋmohmashke.

1 Timohli 3:3

Oka homi ishko shahli keyu, na fahama keyu, ai ʋlhpiesa keyu isht a hofahya he nan isht ahayuchi bʋnna keyu; amba nuktanlʋt, ik itachowo, tʋli holisso i̱ hullo keyu;

1 Timohli 6:10

Yohmi ka tʋli holisso i̱ hullo kak osh nan ik achukmo moma ka hakshish isht a toba hoke; yʋmmak o̱ kaniohmi kʋt anuksitiʋt hoho̱yo kak osh, ʋbanumpa ha̱ i̱ filʋmmi cha, nan isht a nukha̱klo laua ka isht ile nʋhlit ile hlopullihinchi tok oke.

2 Timohli 3:2

Yohmi ka hatak ʋt ilapunla he, tʋli holisso i̱ hullo, nan isht ilauata, ilefehnʋchi, ʋbanumpa ik ahobalo, i̱ki, ishki ita tuklo ik im antio, Chihowa ya̱ yak oke ik im ai ahno, Chihowa ya̱ ik holitoblo,

Titus 1:11

Yʋmma itih hʋt ʋlhkʋma pullashke, yʋmmak osh chuka chʋfa moma ka ai a̱hli ka i̱ filʋmmihinchi kʋt, ai ʋlhpesa keyu isht a hofahya he nan isht ahayuchi bʋnna kak osh, yohma hi atuk keyu kia nana ka abahanchishke.

Titus 1:7

Yohmi ka bishop ʋt Chihowa nan im apesʋchi yatuk osh, anumpa ik achukmo kia onʋtula he keyu ho̱ pullashke: ilap ai ahni keyu, nokowa shahli keyu, oka homi ishko shahli keyu, na‐fahama keyu, ai ʋlhpiesa keyu isht a hofahya he nan isht ahayuchi bʋnna keyu;

Titus 2:3

Mikma ohoyo asʋnochi puta kʋt ʋbanumpuli yokʋt ai yʋmohmi ʋlhpiesa kak o̱ yʋmohmi mak inlashke; inla aholʋbechi keyu, oka homi yoka i̱ yuhu̱ka keyu, nana hochukma ka abahanchashke:

Heblu 12:16

Anonti hatak haui, micha ʋbanumpa ik ahobalo kanima kʋt, Esau yokʋt ilhpak himonna ʋpa yokak o̱ ʋttahpi nana kʋt ilap ai immi hatuk ʋt kanchi tok a̱, chohma hinla kʋt anta yoba ká.

Choshua 7:21

Na wehpoa ititakla ya̱ Babulon nafohka achukma fehna, micha tʋli hʋta shekel tahlepa tuklo, mikmʋt tʋli holissso lakna hohli ohmi hosh weki shekel pokoli tahlapi aiena hosh kahʋt ma̱ya na pisa li mʋt, anushkunna lish, ishi li tuk oke: yohmi tuk o̱ yakeh! yakni anu̱kaka luma hosh ʋm ʋlhtipo iklʋna ya̱ chi̱yakma tʋli hʋta yʋt nutaka itonlʋshke, im achi tok.

1 Pita 5:2

Chihowa in chukfʋlhpoba hʋch itin takla ai asha ka hʋsh ipihinta kʋt, yohmi la he atuk okʋt ik kaniohmi kia ahni keyu, amba yohmi likbano ahnit, ai ʋlhpiesa keyu isht a hofahya he nan isht ahayuchi bʋnna keyu, amba hʋchim anukfila hʋt ʋlhtaha achukma hosh apesʋchit hʋsh pehlichashke.

2 Pita 2:10

Micha haknip isht ai yukpa anuksitia hosh chu̱kʋsh nan ai ahni kak bano iakaiya, micha nan ʋlhpisa yo̱ ik holitoblo aiena kak fehna ho kak heno i̱ yʋmihcha hi oke. Ilapunla, ilap nan ai ahni kak bano, nan ʋlhtoka puta ka nan isht ik ahobalot anumpuli kʋt ik nukshoposhke.

2 Pita 2:14

Yohmi kʋt nishkin mʋt isht a haui yak osh alotowa, micha nan ashʋchi kʋt issa keyu hosh, hatak im anukfila fitikʋchi ya̱ haksihinchi hoke; micha nan ahayuchi bʋnna atampa isht ai yʋmohmi puta ka chu̱kʋsh isht a toksahanli hosh, isht ai ilbʋshʋt onʋtula he ʋlhpiesa ʋlla ʋhleha hoke.

2 Pita 2:3

Micha yʋmmʋt nan ahayuchi bʋnna kak osh isht haksichi anumpa ho̱ nan isht itatoba yo̱ isht hʋch ikba hi oke; yʋmma nan isht im ʋlhpisa tok a̱ hopaki kia sʋlaha he keyu, micha yʋmma isht ilbʋsha hi ʋt nosilhha keyu hoke.

Nan Otʋni 2:14

Yohmi kia na holbʋt toba puta isht aiokpʋchi tuk puta ka ʋpa chi̱, mikmʋt itin luma̱ka ma yʋmohma chi̱ ka, Islael okla itikba ya̱ isht ai ibetʋbli i̱ bohla chi̱ ka Belam ʋt Balak a̱ im abʋchi tok nan ʋlbʋchi ilʋppa holitobli ʋhleha yʋmmak o̱ ish il a pehlichi hoka, nana ka isht ak chim ahnincho ka achafoa kʋt ʋm a̱shʋshke.

Nan Otʋni 2:21

Yohmi mʋt itin luma̱kʋt ahanta chatuk ʋto ai ile kostinincha chi̱ ka nitak a̱ ima li tok, nana kia ile kostinincha he keyu ki tok.

Nan Otʋni 21:8

Amba na nukshopa, micha nan ik yimmo, i̱ yuwala he ʋlhpesa kia yʋmihchi, mikmʋt hatak bi̱ka ʋbi ʋhleha, haui ʋhleha, mikmʋt ikhi̱sh isht yushpakʋmmi ʋhleha, na holbʋt toba aiokpʋchi ʋhleha, holabi puta a moyuma hokʋto atukla illi mak osh okhʋta yʋmmak okʋt hituk lakna isht ita luhu̱wa ho̱ isht ai i̱ palʋmma chi̱ hosh im ʋlhpisa he mak oke, ʋm achi tok.

Nan Otʋni 22:15

Akochanli yak okʋno ofi, ikhi̱sh isht yushpakʋmmi, haui, hatak bi̱ka ʋbi, na holbʋt toba aiokpʋchi; mikmʋt kʋna kia il imi̱ holabichi kʋt isht im achukma a moyuma kak osh ai asha yoke.

Nan Otʋni 9:21

Hatak ʋbi, il isht ahullochi, nan itin luma̱ka, micha na hu̱kopa aiena ka i̱ filʋmmit ik ile kostinincho ki tok oke

1 Samuel 8:3

Mihma ushi ʋhleha hash osh a noho̱wa tok ik a̱yo hosh, amba naksika fullotʋt nana ahayuchi ai ʋlhpesa keyu asitia, micha habenʋchi ishi cha, ai ʋlhpesa ka shanaiyʋchi tok.