Efeshan 5:2 - Chahta Holisso Holitopa 1886

² Micha Klaist ʋt pi̱ hullo cha, pishno ak atuk mak o̱ nan ashʋchi isht ʋlhtoba, Chihowa nan i̱ balama, isht il im issa tok a̱ chiyuhmit, ai it i̱ hullot hʋsh ai itʋnowashke.

Efeshan 5:2 Iomraidhean Croise

Genesis 8:21

Mihma Chihowah yʋt na balama achukma ka̱ hu̱wa tok; micha Chihowah yʋt ilap chu̱kʋsh akinli ka̱, Hatak atuk pulla mak o̱ himakma anonti yakni ya̱ kalakshichi la he keyu hoke; hatak chu̱kʋsh im anukfila hʋt ʋlla tomba makinli ho̱ ik achukmo hoka: micha yʋmihchi li tuk a̱ anonti himakma chohmichit nan okcha̱ya moma ka̱ issot kanchi la he keyu hoke.

Eksotʋs 29:18

Micha chukfi nakni yash moma alta onochit ish hukmashke; hukmit Chihowah im issa yoke; luak a̱ onochit Chihowah im issa na balama yoke.

Eksotʋs 29:25

Mikmʋt ibbak a̱ kohchit ish im ai eshi cha, hukmit im issa chi̱ ka̱, Chihowah itikba na balama ya̱ chi̱ ho, alta onochit ish hukmashke, luak onochit Chihowah im issa yoke.

Lefitikʋs 1:13

Amba ikfoka micha iyi aiena kʋno oka isht achifashke, micha na holitompa isht ʋtta yʋt mominchit isht ʋla cha alta ya̱ onochit hukmashke; na hukmit im issa luak ishit hukmit im issa Chihowah ya̱ nan i̱ balama achukma yoke.

Lefitikʋs 1:17

Micha sanahchi ʋt a̱sha moma ho̱ pahlʋllashke; yohmi kia ik ita hokofo kashke; mikma na holitopa isht ʋtta yʋt alta ya̱ luak on a̱sha ka̱ mikma iti on a̱sha ka̱ onochit hukmashke; na hukmit im issa luak ishit hukmit Chihowah nan i̱ balama achukma yoke.

Lefitikʋs 1:9

Amba ikfoka, iyi aiena kʋno, oka isht achifa hi oke: mihma na hukmit im issa Chihowah i̱ balama achukma lua yo̱ naholitopa isht ʋtta yʋt mominchit alta onochit hukma hi oke.

Lefitikʋs 3:16

Mikma na holitompa isht ʋtta yʋt alta onochit hukmashke; ilhpak luak ishit hukmit im issa na balama achukma yoke; nia moma kʋt Chihowah immi hoke.

Numbas 7:21

Hukmit im issa ya chi̱ ka̱ wak hobʋk himita achʋfa, chukfi nakni achʋfa, chukfi ushi afʋmmi ʋmmona achʋfa;

Mahlu 20:28

Hatak Ushi ʋt ilapo ak o̱ nan isht im ʋtta chi̱ ho̱ a̱ya ha tok keyu: amba nan isht ʋtta chi̱, mikmʋt laua ho̱ ilap im ilhfiopak a̱ isht chumpa chi̱ aiena hosh a̱ya tok a̱, mih mak o̱ hʋsh chiyuhmashke, achi tok.

Chan 13:34

Hʋsh it i̱ hullo kʋt, ʋno ʋt hʋchi̱ hullo li tuk a̱ ohmichi hosh hʋchishno yak kia hʋsh it i̱ hulla he mak o̱, nan ʋlhpisa himona ka hʋch ima lishke.

Chan 6:51

Ʋno ak osh pʋska okcha̱ya ʋba minti tok a̱ sia mak oke; hatak nana hosh pʋska ilʋppa ʋpa hokmʋt, okcha̱ya na bilia he; yohmikma pʋska ipeta la he, yʋmmʋt ʋno sa nipi yakni ʋt ai okcha̱ya hi o̱, isht atobbi la chi̱ kak oke, im achi tok.

Loman 15:16

Yohmi hosh Chisʋs Klaist nan isht im ʋtta yosh, Chihowa im ʋbanumpa ha̱ Chentail okla hak o̱ isht im ahanta la chi̱ hatok; yohmi ho̱ Chentail ʋt Shilombish Holitopa yak o̱ isht a kashofa hatuk o̱ ʋba isht aiokpʋchi ka ahnincha hi atok oke.

Loman 4:25

Yʋmmak ash ot pim ai ashʋchika yak atuk pulla mak o̱ illa chi̱ hosh im ʋlhpisa tuk osh, isht pi ai ʋlhpiesa he mak o̱ anonti falamʋt tani tok.

Loman 8:3

Yohmi ka ʋba nan ʋlhpisa yʋt nana ka ik atahlo kʋt, haknip ak atuk pulla kak o̱ ik ai a̱hlo hatuk o̱, Chihowa hʋt ilap Ushi ak inli ho̱ ai ashʋchika isht ʋlhtoba mak o̱ hatak nan ashʋchi haknip a̱ hobachit auet kanchi hosh, haknip ak o̱ ai ashʋchika ya̱ ai i̱ palʋmminchi tok:

Loman 8:37

Yʋmmak illa keyu, nan oklu̱ha ilʋppa puta ka ilap pi̱ hullo tuk pulla kak o̱ im aiyachi yak kia il i̱ shahli hoke.

1 Kolinhlian 16:14

Nana hʋsh a kaniohmi puta kʋt nan it i̱ hullo mak o̱ ik ai yʋmohmí.

1 Kolinhlian 5:7

Yʋmohmi ka ik yʋmmo hʋchia hokʋt, na yʋmmʋska himona mak o̱ hʋchia ha chi̱ kʋt, nan isht shatʋmmi tikba yash isht ile filʋmmichit hʋsh kanchashke. Klaist ʋt na pim ʋbanʋblit ont ia yʋt ʋlhtobʋt illi tok oka.

2 Kolinhlian 2:14

Yohmi hoka, yak oke ahnit, Chihowa ha̱ kiloh aiokpʋchí; yʋmmak osh Klaist pulla hatuk mak o̱ il imaiyacha chi̱ ka pi apelahanchi; mikmʋt kanima moma ka pishno pulla atuk mak o̱ ilap a nan isht im ithʋna i̱ na balama otʋnihinchishke.

2 Kolinhlian 2:15

Pishno ʋto Klaist ibai achʋfa pia hosh kʋna hosh okcha̱ya chi̱, micha illa chi̱ aiena kak o̱ Chihowa i̱ nan isht balama champuli pia hoke.

2 Kolinhlian 8:9

Hʋpin Chitokaka Chisʋs Klaist, yʋmmak okʋt nan in laua yatuk kia, hʋchishno pulla kak o̱ ilbʋsha yo̱ toba tok; yʋmmʋt nan ilbʋsha pulla hatuk mak o̱ na hʋchin laua chi̱ hatok ʋt hʋsh ithana hoke.

Kaleshan 1:4

Yʋmmak okʋt Pi̱ki Chihowa nan ahni tok mak o̱ yakni ik achukmo ilʋppa a pi a hlakoficha chi̱ hosh, nan il aiashʋchi pulla kak o̱ yʋmmak okʋt il im issa tok.

Kaleshan 2:20

Klaist a̱ ititaiyukhʋna iba takalit sʋlli hoke: yohmi kia si okcha̱ya hoke; yohmi kʋt ʋno ak o̱ keyu, amba Klaist ak osh okcha̱yʋt sa foyuka hoke; himak a̱ okcha̱yʋt haknip a halaia li moma hokʋto, Chihowa Ushi, yʋmmʋt a̱ hullot si ʋlhtobʋt illi tok a̱ i̱ yimmi li hosh si okcha̱ya hoke.

Efeshan 1:4

Yohmi hosh yakni in tolahpi ʋt iksho pilla ma, Klaist a̱ a pi atokoli kʋt, i̱ hullot nan ai ashʋchi iksho, micha liteha iksho hosh yʋmma itikba il a̱ya he ak atok oke.

Efeshan 3:17

Micha na hʋchi yimmi ho̱ Klaist ʋt hʋchi chu̱kʋsh a̱ anukfoyuka he yohmi lishke; yohmi ho̱ nan isht i̱ hullo a̱ akshish a tobʋt a hʋchi kʋllo hosh,

Efeshan 3:19

Micha Klaist ʋt nan isht pi̱ hullo ka ai ithʋna he atampa ka hʋsh ithʋna hosh, Chihowa isht alotowa moma kʋt isht hʋchi alotowa he ak atok.

Efeshan 4:15

Amba i̱ hullo hosh anumpa a̱hli anumpulit, nan oklu̱ha ka isht im a hofantit ma̱ha̱yʋt, Klaist yʋmmʋt noshkoboka ya̱ e chiyuhmashke.

Efeshan 4:2

Chu̱kʋsh akanlosi, micha chu̱kʋsh yohbi, micha anukhobela sʋlahʋt, iti̱ hullot, it im i̱ nuktaiyalʋt;

Efeshan 5:15

Yohmi ka im anukfila iksho chohmi keyut, amba hopoyuksa chohmit ahah! ahnit hʋsh itʋnowashke.

Efeshan 5:25

I̱ hatak ʋhleha ma! hʋchi tekchi a̱ hʋsh i̱ hullo kʋt, Klaist ʋt chʋch a̱ i̱ hullo hosh, il im issa tok ak inli ka, hʋsh chiyuhmichashke:

Tutelonomi 27:6

Chin Chitokaka Chihowah ya̱ tʋli kaniohmi tuk ʋt moma yo̱ alta isht ish im ikbashke; micha hukmit im issa onochit chin Chitokaka Chihowah ya̱ ish im issa hi oke,

Filippian 4:18

Yohmi kia nana moma ka i̱shi lish, nan an laua hoke; si alotowa hoke, Epaflotitʋs ibbak fohkit nana balama ʋba nan isht aiokpʋchi Chihowa hʋt ʋlhpesa ahni ya̱ et hʋs sa̱ pila tuk a̱, ʋm ʋla tuk oke.

Koloshan 3:14

Micha ilʋppa moma paknakachi kʋt nan isht i̱ hullo, yʋmmak osh ai ʋlhtaha ai a̱hli ka isht iti talakchi yoka, isht hʋsh foyukashke.

1 Hlessalonian 4:9

Amba itibapishi it i̱ hulla he imma hokʋno isht hʋchi̱ holissochi la hi a̱ hʋsh ahna he keyu: hʋchishno ak inli hosh it i̱ hulla hi okʋto Chihowa yak o̱ hʋsh im ai ithʋna tuk oka.

1 Timohli 2:6

Yʋmmak okʋt moma ka ʋlhtoba mak osh ilap inlit il im issa kʋt, anumpa a̱hli ilʋppʋt ont ai ʋlhpiesakma anoho̱wa hi a tok oke.

1 Timohli 4:12

Chi himita kak o̱ isht ik chi̱ yukpo kʋt kʋna kia ik anto kashke; amba nan ish a kaniohmi, ish anumpuli moma, ish i̱ hullo, chu̱kʋsh nan isht ish ai ahni, na chi yimmi, haui imma anukfila iksho, ilʋppa puta ka ish yʋmohmi pulla na na‐yimmi ʋhleha hʋt chim ai ithʋnʋt chiakaiyashke.

Titus 2:14

Yohmi kʋt yʋmmak ash osh ai ashʋchika puta ka a pi hlakofihinchi cha, pi kashofi na ilap immi okla holitopa fehna e toba cha, nan toksʋli achukma puta ka a yiminta hosh isht il ahanta he mak o̱, pi ʋlhtoba hosh illi tok.

Heblu 8:3

Yohmi ka na holitompa isht ʋtta chinto puta kʋt na hʋlbina, micha nan ai ashʋchi isht ʋlhtoba puta aiena pit im issa chi̱ hosh ʋlhtoka chatuk oka; hatak ilʋppak kia anonti nana im ai asha tuk osh pit im issa he im ʋlhpiesa hoke.

Heblu 9:14

Shilombish okcha̱yʋt bilia anukfo̱ka pulla hatuk osh isht ik ai ono kia iksho hosh Klaist ʋt Chihowa yoka pit il im issa tok; yʋmma im issish okak heto i̱ shahlichi fehna hosh nan a kaniohmit isht ai illi ya̱ a hʋchi filʋmmichit, isht hʋsh il akostininchi yoka hʋchi̱ kashofichi na Chihowa okcha̱ya yoka hʋsh holitobla hinla hoke.

Heblu 9:23

Yohmi hoka nana ʋba ai asha puta ka isht ʋlhpisa puta kʋt ilʋppak ash o̱ isht a kashofa hi atuk; amba nana ʋba ai asha yʋmmak oka nan ai ashʋchika isht ʋlhtoba achukma kʋt ilʋppak ash o̱ i̱ shahli ho̱ isht a kashofa hi atuk oke.

Heblu 9:26

Yohmi tok okma, yakni intolahpi toba ʋmmona tok ta̱kla ka himonna̱ ihinla hi atok pulla; amba himonasi kʋno himonna achʋfa ho̱ yakni ont ishtaiyopi yak o̱ ant ai otaiyani kʋt, nan ai ashʋchi isht kanchi mak osh ilap il im issa hosh illi tok.

1 Pita 4:8

Mikmʋt hʋchishno inli hʋsh iti̱ hullo ai a̱hli fehna hosh nan oklu̱ha ka hʋchim i̱ shahli hosh hʋsh ieshashke: yohmi ka it i̱ hullo yak osh nan ai ashʋchika la̱wa kia ompohoma hi oke.

1 Chan 3:16

Pishno pulla hatuk mak o̱ ilap im ilhfiopak a̱ isht pi atobbi tok a̱ ilʋppa fehna ak o̱ Chihowa ʋt pi̱ hullo ka, isht il akostininchishke: yohmi ka pishno ʋt il itibapishi ʋhleha ha̱ pim ilhfiopak a̱ isht il atobba he ʋlhpesa hoke.

1 Chan 3:23

Yohmi kʋt yʋmmak a hi o̱, anumpa ʋlhpisa ha̱ pima tok oka, Ushi Chisʋs Klaist hohchifo ha̱ pi yimmi cha, it i̱ hulla he aiena ilʋppak osh im anumpa ʋlhpisa mak oke.

Nan Otʋni 1:5

Micha Nan atokowa anoli ai a̱hli, mikmʋt illi tuk osh falamʋt tani kʋt illi ʋhleha hak o̱ Ʋttahpi hosh holitopa i̱ shahli; micha mi̱ko yakni pakna ai asha puta I̱ shahli Chisʋs Klaist mak o̱ a minti hosh hʋchi anukfoyukashke. Hʋp i̱ hullo cha, na hʋpim ai ashʋchika puta hatuk ma ilap im issish ak inli ho̱ isht achifʋt hʋp i̱ kashofi cha,

Nan Otʋni 5:9

Micha taloa himona ka okla taloho̱wa kʋt, Chishno ak osh chilli hosh oklushi ilaiyuka, im anumpa ilaiyuka puyuta, hatak okla moma a kohchi hosh Chihowa immi e toba chi̱ ka, chishno chim issish ak o̱ isht ish pi chumpa hatuk; yohmi hosh Chihowa ha̱ na holitompa isht imʋtta, micha mi̱ko ʋhleha aiena ka ish pikbi tok: atuk o̱ yakni pakna ka a mi̱kot il ai asha chi̱ hoka, Chishno ak osh holisso hash ish ishi cha, isht ashana yash ish tiwa he ʋt a chim ʋlhpiesa hoke, ahanchi tok.