Efeshan 4:9 - Chahta Holisso Holitopa 1886

⁹ Yohmi ka ʋba ia tok, achi kʋt nanta hoh cho? amba yʋmmʋt tikba ma ʋba mintit aka yakni ʋla tok ak inli keyu̱?

Efeshan 4:9 Iomraidhean Croise

Genesis 11:5

Mihma Chihowah ʋt hatak im ʋlla ʋhleha hʋt tʋmaha holihta, micha chuka chaha ai atoni ikbi ka̱ pisa chi̱ hosh akowʋt ʋla tok.

Atʋloa 139:15

Ai ʋloma̱ka a sʋ toba tok, yakni aluma a tubʋt si ʋlhtaiyaha tok ʋt, sʋf foni ʋt chi̱ luma tok keyu hoke.

Atʋloa 63:9

Amba yʋmmʋto ilap isht aiokpuloka chi̱ kak osh ʋm ilhfiopak a̱ hoyo hoke; yakni anu̱kaka ilhkola chi̱ hoke.

Atʋloa 8:5

Yohmi kʋt chitokaka yo̱ lohmʋt ik lawwo ho̱ ish ikbi tuk osh, isht ʋnnoa achukma micha isht a hulittopa isht iachukolichit,

Eksotʋs 19:20

Mihma Chihowah yʋt akowʋt nʋnih paknaka Sinai nʋnih paknaka ya̱ ʋla tok; micha Chihowah yʋt Moses a̱ hoyot nʋnih paknaka isht ona tok. Mihma Moses ʋt oiya tok.

Mahlu 12:40

Chonas ʋt nitak tuchina micha ninak tuchina aiena ho̱ nʋni chito ikfoka anu̱kaka ya̱ fo̱ka tok a̱; yʋmmak inli ho̱ chohmit Hatak Ushi ʋt nitak tuchina micha ninak tuchina aiena ho̱ yakni chu̱kʋsh anu̱kaka yatuk ma foyuka hi oke.

Chan 20:17

Chisʋs ʋt, Ʋba iʋt A̱ki a̱ ak im ono ki̱sha hoka, is sa potoli ná; amba iʋt tibapishi li ʋhleha aiasha kak o̱ ona cha, A̱ki, mikmʋt hʋch I̱ki, an Chihowa, mikmʋt hʋchin Chihowa im ia li ka, ish im anolashke, im achi tok.

Chan 3:13

Yohmi ka hatak nana hosh ʋba ya̱ ia tuk keyu; amba ʋba ya̱ mintit ʋla tok Hatak Ushi ʋba ya̱ a̱sha yʋmmak illʋshke.

Chan 6:33

Ʋba mintit ʋla cha, yakni a̱ ai‐okcha̱ya ihi̱ma kak osh, yʋmmʋt Chihowa i̱ pʋska mak oke, im achi tok.

Chan 6:38

Ʋba ya̱ mintit ʋla li kʋt, ʋno akinli nana ʋm anukfila hosh a yʋmohmi la he tok keyu hokʋt, amba auet sa kanchi tok nan im anukfila ha he tok.

Chan 6:41

Yʋmmʋt, Ʋno ak osh pʋska ʋba minti tok mak o̱ sia hoke, achi hatuk o̱, Chu okla hash ot yʋmmak ash o̱ lumasit na‐mihachit ma̱ya tok.

Chan 6:51

Ʋno ak osh pʋska okcha̱ya ʋba minti tok a̱ sia mak oke; hatak nana hosh pʋska ilʋppa ʋpa hokmʋt, okcha̱ya na bilia he; yohmikma pʋska ipeta la he, yʋmmʋt ʋno sa nipi yakni ʋt ai okcha̱ya hi o̱, isht atobbi la chi̱ kak oke, im achi tok.

Chan 6:58

Ilʋppak osh pʋska ʋba minti tok mak oke; hʋchin tikba ʋhleha hʋt manna ya̱ ʋpa tuk osh anonti illi tok a̱ a chohmi ho̱ keyu; kʋna hosh pʋska ilʋppa ʋpa hokʋto okcha̱yʋt bilia he mak oke, im ahanchi tok.

Chan 6:62

Yohmi kʋto Hatak Ushi ʋt ti̱kba ma ai ʋtta tok ʋba ya̱ ia na hʋsh pisa hok mʋto?

Chan 8:14

Chisʋs ash ot afalaminchi mʋt Atokoli kʋt ʋno akinli hosh il ai anoli li akinli kia, nan ai atokoli li ka a̱hli hoke: ʋno ak okʋto kanima yo̱ a minti li tuk: mikmʋt kanima yo̱ atia la he aiena kʋt ithanali hoka; amba hʋchishno ʋto kanima yo̱ a minti li tuk, micha kanima yo̱ atia la he aiena ka hʋsh akostinincha he keyushke.

Heblu 2:7

Yʋmmak oka enchil ʋhleha hokʋno lumʋt ik lauwo ho̱ ish ikbi tok osh, isht a holitopa chinto ka isht ish iachukolechi, micha nan oklu̱ha chibbak ʋt ihi̱kbi tok a̱ i̱ shahli ho̱ ish ikbi tok:

Heblu 2:9

Yohmi kia Chisʋs, yʋmmak okʋt enchil ʋhleha ha̱ lumʋt ik lauwo hosh toba tok kia, nan‐illi isht ilbʋsha ka pihi̱sa kak osh isht a holitopa chinto ka isht iachuka ka e pihi̱sʋshke; yohmi na Chihowa isht i̱ kana pulla hatuk mak o̱ yʋmmak ash ot hatak moyuma ka ʋlhtoba hosh illa hi atok.