Biblia Todo Logo
Bìoball air-loidhne

- Sanasan -




Efeshan 4:5 - Chahta Holisso Holitopa 1886

5 Chitokaka yʋt achʋfa, na yimmi mʋt achʋfa, baptismo mʋt achʋfa,

Faic an caibideil Dèan lethbhreac




Efeshan 4:5
28 Iomraidhean Croise  

Yohmi hoka hʋsh ilhkoli cha, oklushi moma ka nan ithʋna ikbit, I̱ki, micha Ushi, mikmʋt Shilombish Holitopa aiena ho̱ isht a hochifochit hʋsh baptismo honchashke:


Chihowa yʋt Islael ushi ʋhleha ya̱ anumpa auet ema na Chisʋs Klaist pulla ho̱ nuktanla hi a̱, isht ai im anuhumpa tok a̱, yʋmmak osh moma in Chitokaka yoke.


Yʋmohmi hoka, Islael okla moma kʋt, Chisʋs iti itaiyukhʋna hʋsh a takalichi chash fehna ka, Chihowa yʋt yʋmmʋt Chitokaka, micha Klaist aiena mak o̱, ikbi tok a̱, ithaiyana pullashke; im achi tok.


Yohmi ka hakshup tʋpa yʋt i̱ yimmi hatuk pulla mak o̱, micha hakshup ik tapo yʋt yimmi hatuk pulla mak o̱ ai ʋlhpiesacha hi ʋt Chihowa achʋfa illa hoka.


Klaist ʋt ita kʋshkoa ho̱? hʋchishno atuk mak o̱ Pal ak osh ititaiyukhʋna ai illi tok o̱? keyukmʋt Pal i̱ hohchifo ho̱ isht hʋchi baptismo tok o̱?


Chihowa in chʋch Kolinhla a hikia, Chisʋs Klaist ak atuk pulla kak o̱ isht a kashofʋt, ʋbanumpuli ʋlhtoka tok, micha pin Chitokaka Chisʋs Klaist ʋt yʋmma, micha pishno il ita tuklo ka pimmi hatuk o̱ hohchifo ha̱ anukchietot hoho̱yot kanima moma ai asha aiena ka pit i̱ holissohonchishke.


Shilombish achʋfa pulla ho̱ momʋt isht il a baptismot haknip achʋfa e toba; Chu, keyukmʋt Chentail pia hokmá, yuka, keyukmʋt yuka keyu yo̱ pia hokmá, nana tuk kia momʋt Shilombish achʋfa il ibai ishi yo̱ e toba hatuk.


Mikma nan isht ʋtta mʋt im ilaiyuka; yohmi kia Chitokaka yokʋto mihi ash inli hoke.


Amba pishno yokʋno Chihowa achʋfa, I̱ki, yʋmmak osh nan ai ahni pulla ho̱ nana moma kʋt toba hoke; mikma pishno ʋt yʋmmak o̱ immi pia hi osh il in toba hoke; mikma Chitokaka Chisʋs Klaist achʋfa yʋmmak atuk mak o̱ nana moma kʋt ai asha, mikma pishno mʋt yʋmmak atuk mak o̱ il ai ashʋshke.


Kʋna hoh kia Chisʋs inla yʋmma isht il anumpuli tuk ash keyu ho̱ isht anumpulit a̱ya, micha Shilombish inla yʋmma hʋchi anukfoyuka tuk ash keyu ho̱ hʋchi anukfoyuka, yʋmmak keyukmʋt ʋbanumpa inla yʋmma hʋsh aiokpʋchi tuk ash keyu ho̱ hʋsh aiokpʋchi hokmʋt, ant ik yohmí, hʋsh im ahni ʋlhpesa hoke.


Chisʋs Klaist imma hokʋno hakshup tʋpa yokmá, hakshup ik tapo yokmá, nana hoh kia nana a kanihma he keyu hoke; amba ai yimmi ka i̱ hullo isht atoba yak oke.


Yʋmohomi na e moma kʋt ma̱ha̱yʋt nan ai yimmi ka, micha Chihowa Ushi ai ithʋna aiena ka ont il ai achʋfʋt, hatak im ahli e tobʋt, Klaist ʋt a kaniohmit ai alotowa fehna ka e chiyuhma hi oke:


Micha hatak isunlʋsh puta kʋt I̱ki Chihowa yʋt isht a holitopa he mak o̱, Chisʋs Klaist ʋt Chitokaka ya he, achit anohonlashke.


A̱hli mʋhlishke, yohmi kʋt Klaist Chisʋs an Chitokaka ithana achukma fehna kak o̱ nana puta kʋt peh ik ahobo ahni lishke; yʋmma pulla kak o̱ nana puta kʋt isht a̱ kʋnia, mikmʋt yʋmmak ash o̱ chopilhkʋsh a̱ chohmichi li, yʋmohmit Klaist a̱ asitʋbi li,


Pal, Chihowa in tishu, micha Chisʋs Klaist im apostel okʋt, ʋbanumpa ha̱ anohonli na okcha̱yʋt bilia he Chihowa hʋt im ahni tok ʋhleha hʋt yimmi cha, anumpa ai a̱hli ka achukmali fehnʋt ithʋnʋt, Chihowa ha̱ isht a holitobla hi atok;


Yohmi kʋt nan isht a pi yimmi pulla kak o̱ sʋso, Titʋs a̱, pit chi aiokpʋchi lishke: Nan isht i̱ kana, i̱ nukha̱klo, micha isht it i̱ nanaiya aiena kʋt Pi̱ki Chihowa, micha pi Okchalinchi Chitokaka Chisʋs Klaist ita tuklo ka a mihinti kʋt chi anukfoyukashke.


Hʋchi pehlichi yʋmmak oka hʋsh itaiyanashke; yʋmmak osh Chihowa im anumpa hoka isht hʋchim anumpohonli tok; yʋmmʋt na yimmi tok ak o hʋsh hobachi cha, nana a kaniohmi tuk ash ai ʋhli ka hʋsh anukfihinlashke.


Yʋmmak ash osh ʋbanumpa ha̱ i̱ filʋmmi hokʋt kaniohmit atuklant himonʋt toba cha, ai isht ile kostinincha hinla kʋt iksho kamohmi hoke; yohmi kʋt ilap ash inli hosh Chihowa Ushi ya̱ himonʋchit ititaiyukhʋna ya̱ ai ʋbi kʋt, otʋninchit hofahli hokʋt.


A̱hli, kʋna kia, Chishno ʋto ai yimmika yosh chi nukfo̱ka ma, anonti ʋno ʋto na toksʋli ak o̱ isht ahanta lishke; nana ka isht ish ahanta keyu hosh nan isht a chi yimmi ha̱ is sʋm otʋninchikma, anonti ʋno ʋto nana ka isht ahanta li hosh nan isht a sai yimmi kʋt chim otʋninchi lashke.


Yʋmmak ash o̱ chiyuhmi hosh himonasi ak kia baptismo yʋt, yʋmmak osh haknip liteha yoka isht kanchi keyu, amba Chihowa itikba isht il akostininchi achukma ai yʋmohma he il apihi̱sʋt, Chisʋs Klaist illi tok kia falamʋt tani tok pulla kak o̱ yʋmohmi kak osh pi okchalinchi ak inli hoke.


Saimon Pita, Chisʋs Klaist im apostel, micha in tishu hokʋt pin Chihowa, micha pi Okchalinchi, Chisʋs Klaist ʋt nan aiʋlhpiesa yʋmohmi tok pulla mak o̱, na yimmi pi̱ holitopa itilaui ka ahayuchi tok ʋhleha yʋmmak o̱ pit aiokpuchi kʋt,


Amba a̱ holitopa hʋchishno yʋto, Shilombish Holitopa yʋt hʋchi anukfoyuka hosh anumpa ilbʋsha anumpohonlit, na hʋchi yimmi holitopa fehna kʋt hʋsh il ai a̱hlichashke;


A̱ holitopa ʋhleha ma! nana ka achunanchi fehna hosh moma isht ai okcha̱ya yak o̱ pit hʋchi̱ holissochi la chi̱kmʋt, hʋchi holissochi li kʋt nana ka hʋchi atohnochi la he ʋm ʋlhpiesa he tuk: yohmi kʋt ʋbanumpa ai a̱hli yʋt himonna ma ʋbanumpuli ʋhleha hoka im anoho̱wa tok ak o̱ i̱ yimmi aia̱hlit hʋsh ma̱ha̱ya chi̱ kʋt yichina fehna hosh hʋsh hoho̱yashke.


Lean sinn:

Sanasan


Sanasan