Efeshan 4:4 - Chahta Holisso Holitopa 1886

⁴ Yohmi ka haknip achʋfa, micha Shilombish achʋfa hosh aiasha, yʋmmak inli ho̱ chohmit hʋsh a yʋmohma he hʋchi ʋlhtoka tok ʋt, ai okcha̱ya pisa he hʋsh ai ahni kʋt achʋfa hoke.

Efeshan 4:4 Iomraidhean Croise

Atʋloa 122:8

Ittibapishi lih ʋhlehah, itti̱kana lih ʋhlehah aiena kak atuk mak o̱ ʋnumpulit, “Nan isht ai achukma yʋt chiba foiyukkashke,” achi lashke.

Mahlu 28:19

Yohmi hoka hʋsh ilhkoli cha, oklushi moma ka nan ithʋna ikbit, I̱ki, micha Ushi, mikmʋt Shilombish Holitopa aiena ho̱ isht a hochifochit hʋsh baptismo honchashke:

Apostel isht Anumpa 15:11

Yohmi kia Chitokaka Chisʋs Klaist achukma pulla hatuk mak o̱, pi okcha̱ya kʋt yʋmmak inli il itilaua he aiahnit pi yimmishke; achi tok.

Loman 11:29

Yohmi ka Chihowa hʋt na habenahanchi, micha atokohonli aiena kʋt inlʋchit im anukfila he keyu hoke.

1 Kolinhlian 10:17

Pishno ʋt pi laua kia, pʋska achʋfa, anonti haknip achʋfa pia hoke; pʋska achʋfa yʋmma momʋt iloh itibai ishi hokʋt.

1 Kolinhlian 12:20

Yohmi ka himonasi yokʋno ai immi yʋt laua: yohmi kia haknip okʋto achʋfa hoke.

2 Kolinhlian 11:4

Kʋna hoh kia Chisʋs inla yʋmma isht il anumpuli tuk ash keyu ho̱ isht anumpulit a̱ya, micha Shilombish inla yʋmma hʋchi anukfoyuka tuk ash keyu ho̱ hʋchi anukfoyuka, yʋmmak keyukmʋt ʋbanumpa inla yʋmma hʋsh aiokpʋchi tuk ash keyu ho̱ hʋsh aiokpʋchi hokmʋt, ant ik yohmí, hʋsh im ahni ʋlhpesa hoke.

Efeshan 1:18

Nan isht hʋsh anukfilli i̱ holhponayo yʋt in tohwikeli na, ai okcha̱ya hʋsh pihi̱sa hi o̱ hʋchi atokoli kʋt kaniohmi, micha ʋbanumpa yimmi a̱hli ya̱ isht a holitopa chinto il ai isha hi ʋt kaniohmi,

Efeshan 2:16

Yohmi kʋt ititaiyukhʋna pulla ho̱ tuklo ka haknip achʋfa isht ikbit, yʋmmak o̱ it i̱ nukkilli tuk a̱ ai illichi cha, Chihowa ya̱ it i̱ kanʋcha chi̱ hatok:

Efeshan 2:18

Yʋmmak atuk pulla ho̱ Shilombish achʋfa hosh pi anukfohkichi ho̱, il ita tuklo kʋt Ʋba I̱ki il im oho̱na hokʋt.

Efeshan 2:22

Yʋmmak o̱ hʋchishno ak kia hʋsh ai it abana cha, Chihowa im aboha imi Shilombish a foyuka hʋsh toba hoke.

Efeshan 4:1

Yʋmohmi ka Chitokaka atuk mak o̱ yuka sia hʋt hʋsh a yʋmohma he hʋchi ʋlhtoka tuk ʋt, ai ʋlhpiesʋt hʋsh a̱yʋt,

Efeshan 5:30

Pishno ʋt yʋmma haknip, nipi micha foni aiena ka ai achʋfa pia hoka.

Koloshan 1:5

Ai okcha̱ya bilia hʋsh isha he ʋba hʋch in tuyula pulla kak o̱ e yohmishke; yʋmmak oka ʋbanumpa a̱hli isht ai anumpa ho̱ tikba kash hʋsh haiyaklo tuk ʋt;

Koloshan 3:15

Micha it i̱ nanaiyʋchi Chihowa a minti ʋt hʋchi chu̱kʋsh a̱ foyukʋt nana hʋchim apesashke, yʋmmak a he ak o̱ haknip achʋfa hʋsh toba chi̱ hosh hʋchi ʋlhtoka tok oke: micha yak oke, hʋsh ahnashke.

2 Hlessalonian 2:16

Mikma pin Chitokaka Chisʋs Klaist ilap inli, micha Pi̱ki Chihowa, yʋmmʋt pi̱ hullo, micha nan isht i̱ kana pulla hosh chu̱kʋsh isht a nuktaiyala bilia, micha nana isha he ahni achukma ya̱ pihi̱ma tok ʋt,

1 Timohli 1:1

Pi Okchalinchi Chihowa, micha ai okcha̱ya bilia e pihi̱sa he ahnit il anukchieto, Chitokaka Chisʋs Klaist ita tuklo ka im anumpa pulla ho̱, Chisʋs Klaist im apostel Pal ʋt;

Titus 1:2

Yohmi cha ai okcha̱yʋt bilia pisa he ai ahna hi atok, yʋmmak oka Chihowa holaba he keyu yʋt, nana puta kʋt ik tobo pilla kash inli ho̱, im ihi̱sa tok;

Titus 2:13

Mikmʋt ai okcha̱yʋt isht il ai yukpa bilia, micha Chihowa Chitokaka, pi okchalinchi Chisʋs Klaist ʋt isht a holitopa ieshi hosh haiaka hi a̱ pit hoho̱yot il ahanta he;

Titus 3:7

Yohmi na isht i̱ kana yo̱ isht a pi ʋlhpiesa hosh, ai okcha̱yʋt bilia il isha he pim ai ʋlhpiesa hosh e toba hinla hoke.

1 Pita 1:21

Hʋchishno yʋt yʋmmak atuk pulla kak o̱ Chihowa ha̱ hʋch i̱ yimmi pulla kʋt, yʋmmak osh illi tuk a̱ falaminchit tanichi cha, isht a holitopa ka ima tok oka; ai okcha̱ya ya̱ Chihowa yak o̱ im ai ishi la he ai ahnit, hʋch i̱ yimmashke.

1 Chan 3:3

Yʋmma anukchieto hosh si yakohma he ahnit, yʋmmak ash ot kashofa achukma yatuk a̱ chiyuhmit momʋt ile kashofi hoke.