Efeshan 4:2 - Chahta Holisso Holitopa 1886

² Chu̱kʋsh akanlosi, micha chu̱kʋsh yohbi, micha anukhobela sʋlahʋt, iti̱ hullot, it im i̱ nuktaiyalʋt;

Efeshan 4:2 Iomraidhean Croise

Atʋloa 138:6

Chihowa hʋt chaha hak inlih kia, akka̱losi ya̱ pi̱sa hoke; amba ilefehnʋchi yʋno hupakih hilechi hosh pit ithana hoke.

Atʋloa 45:4

Micha ʋnnumpah a̱hli micha chu̱kʋsh akka̱losi ai ʋlhpiesa pullah mak o̱ hulittopʋt o̱ binilit ish ma̱ha̱yashke; mikma̱ chibbak ishtimpakimma yʋt na̱ pʋllʋmmi ish yʋmi̱ hi̱cha chi̱ ka̱ chim abʋchashke.

Numbas 12:3

Yohmi ka̱ hatak Moses ʋt chu̱kʋsh yohbi kʋt hatak moma yakni paknaka aiasha ka̱ i̱ shahli tok.

Mahlu 11:29

Ʋm ikonla abana yak o̱ isht hʋsh il abanali cha, ʋno ak o̱ hʋs sʋm ai ithʋnashke: ʋno ak osh chu̱kʋsh yohbi, micha chu̱kʋsh akanlosi aiena sia hoka: yohmik mak osh hʋchi shilombish puta a foha hi a̱ hʋsh ahayucha he mak oke.

Mark i̱ Holisso 9:19

Mihma afalaminchi mʋt, Na yimma he keyu isht‐ai unchululi hʋchia ma! hʋchi ta̱kla ahanta li̱ katiohmi foka chi̱ cho? nana ka isht ak hʋchi ahno ho̱ katiohmi foka chi̱ cho? Isht hʋs sʋm ʋlashke, achi tok.

Apostel isht Anumpa 20:19

Chu̱kʋsh akanlosi bieka, micha nishkin okchi mihinti fehna hosh, Chu ʋhleha hʋt aiechit ma̱ya na, na palʋmmi puta sai onʋtulʋt, Chitokaka ya̱ im antihi̱ya li tok.

Loman 15:1

Yakohmi hoka pi hlampko hokʋto ik hlampko hokʋno nan il ib ai isha he atuk; micha pishno inli il ile yukpala hi atuk keyu hoke.

1 Kolinhlian 13:7

Nana moma ka ompohomo, nana moma ka yimmi, nana moma kʋt ʋlhpesa chi̱, aha̱nit a yimmi, nana moma kʋt ant ik sʋm ai yohmí, aha̱ni.

Kaleshan 6:2

Nana isht a hʋchi̱ weki puyuta ka hʋsh iti̱ shaiyalashke; yohmi hosh Klaist i̱ nan ʋlhpisa ya̱ hʋsh ai a̱hlichashke.

Efeshan 1:4

Yohmi hosh yakni in tolahpi ʋt iksho pilla ma, Klaist a̱ a pi atokoli kʋt, i̱ hullot nan ai ashʋchi iksho, micha liteha iksho hosh yʋmma itikba il a̱ya he ak atok oke.

Koloshan 1:11

Chihowa imi hlampko holitopa isht hlampko fehna hosh, nukchintot achunanchit, nan ilbʋsha yʋt onʋtuyula kia nuktaiyalʋt ʋlhpesa ahnit yukpa banot;

1 Timohli 6:11

Amba chishno Chihowa immi chia ma! ilʋppa puta kano ish i̱ filʋmmashke: micha ai ʋlhpiesa yʋmohmi, Chihowa holitobli, na yimmi, i̱ hullo, nuktanlʋt achunanchi, anukfila yohbi aiena hak o̱ ish hoho̱yashke.

2 Timohli 2:25

Im anukfila yohbi hosh ʋbanumpa i̱ sanali ʋhleha yoka nan im abʋchi ʋlhpesa; yohmik mak o̱ Chihowa hʋt nukfohki na ile kostininchit, ʋbanumpa ai a̱hli ka achukmalit ithana yoba ná:

Chemis 1:21

Yohmi hoka na liteha okpulo puta, micha nan ik ai ʋlhpeso ilaiyuka puta ma mominchit naksika hʋsh bohli cha, anukfila yohbi hosh anumpa hollokchi, yʋmmak osh hʋchim i shilombish puta okchalincha hi ʋt im ʋlhpiesa ka hʋsh ihi̱shashke.

1 Pita 3:15

Amba Chitokaka Chihowa yak o̱ i̱ nukshopʋt hʋchi chu̱kʋsh isht hʋsh holitoblashke; micha ai okcha̱ya pisa la he ai ahnit hʋchi anukfoyuka a kaniohmi ka hʋchi̱ ponoha̱klo puta ka anukfila akanlosit, holitoblit anumpa falama ka hʋsh ima chi̱ kʋt hʋch im ʋlhtaha kak banashke.

1 Pita 3:8

Ai ishtaiyopi ka moyumʋt hʋchim anukfila hʋt ai achʋfa cha, it i̱ nukha̱klot, itibapishi ʋt i̱ hullo chiyuhmit, inla i̱ kanʋt chu̱kʋsh akanlosi mʋt aienashke.