Efeshan 4:1 - Chahta Holisso Holitopa 1886

¹ Yʋmohmi ka Chitokaka atuk mak o̱ yuka sia hʋt hʋsh a yʋmohma he hʋchi ʋlhtoka tuk ʋt, ai ʋlhpiesʋt hʋsh a̱yʋt,

Efeshan 4:1 Iomraidhean Croise

Genesis 17:1

Atuk o̱ Eblam ʋt afʋmmi pokoli chakkali akucha chakkali ma, Chihowah yʋt Eblam a̱ i̱ haiaka cha, Chitokaka Nan isht im aia̱hli ataha iksho sia hoke: sa tikba ya ish anoho̱wa cha, ish aia̱hlashke.

Genesis 5:24

Micha Enok ʋt Chitokaka ya̱ ibano̱ho̱wa tok, atuk osh iksho tok: Chitokaka yʋt ishi tuk oka.

Apostel isht Anumpa 9:31

Yohmi na Chutia yakni ʋt moyuma, micha Kalili, micha Samelia aiena ka, ʋbanumpuli iksa puta kʋt nuktanla mʋt isht i̱ shahlit ia tok; mihma Chitokaka i̱ nukshoyupa, micha Shilombish Holitopa ya̱ isht ilai yukpa aienʋt itʋnowa kʋt, lauʋt isht i̱ shaiyahli tok oke.

Loman 11:29

Yohmi ka Chihowa hʋt na habenahanchi, micha atokohonli aiena kʋt inlʋchit im anukfila he keyu hoke.

Loman 12:1

Yʋmohmi ka itibapishi li ʋhleha ma! Chihowa hʋt isht i̱ nukha̱klo puta hak atuk pulla mak o̱ hʋchi haknip puta hokʋno ʋba isht aiokpʋchi okcha̱ya, holitopa, Chihowa yʋt aiokpancha he ʋlhpesa ho̱, yʋmma isht hʋsh ai ahanta he ʋlhpiesa hokʋt, hʋsh im issa he, hʋchim ai ahni lishke.

1 Kolinhlian 4:16

Yʋmohmi hokʋt hʋs siakaiya hi a̱ hʋchi̱ miha lishke.

2 Kolinhlian 10:1

Yʋmohmi kʋt Klaist chu̱kʋsh yohbi, micha chu̱kʋsh nukhobela iksho pulla ho̱, ʋno Pal sia hʋt hʋchi̱ kanʋt hʋchi tohono lishke; hʋchi takla antakmʋt, im anukfila akanlosi, amba hʋchi̱ filʋmmikmʋto, hʋchi̱ nukwa̱ya iksho sia mak oke.

2 Kolinhlian 5:20

Yʋmohmi hoka Klaist ʋlhtobʋt im anumpa isht a̱ya pia hoke; yohmi ka pishno pulla hatuk mak o̱ Chihowa hʋt i̱ kanʋt hʋchim anumpohonli chiyuhmi ma; pishno mʋt Klaist ʋlhtoba hosh e hʋchim asilhha ka Chihowa ya̱ hʋsh i̱ nanaiyashke.

2 Kolinhlian 6:1

Yʋmohmi hoka pishno ʋt nan itiba toksʋli pia hosh, Chihowa nan isht i̱ kana hʋsh habena kʋt, pilla hʋsh habena chi̱ keyu ho̱ i̱ kanʋt hʋchin toho̱no li hoke.

Kaleshan 4:12

Itibapishi li ʋhleha ma! hʋchishno ak inli chohmi li hokʋt, ʋno ak o̱ hʋsh chohma chi̱ ka hʋchim asilhha lishke: nan ik ʋlhpeso hʋs sa̱ yʋmihchi tok keyu kʋmohmi hoke.

Efeshan 2:10

Yʋmma im a toba hʋpia kʋt, nan toksʋli achukma isht il ahanta hi osh Klaist Chisʋs ak o̱ il a toba tok; yʋmma il ai itʋnowa hi o̱ Chihowa hʋt tikbanli apesa tok.

Efeshan 3:1

Ilʋppa pulla kak o̱ Pal sia hʋt Chentail hʋchia hatuk mak o̱ Chisʋs Klaist i̱ yuka sia hoke.

Efeshan 4:17

Yohmi ka ilʋppa achi li mʋt, anonti himak a pilla ma Chentail inla im anukfila ik ahobo,

Efeshan 4:4

Yohmi ka haknip achʋfa, micha Shilombish achʋfa hosh aiasha, yʋmmak inli ho̱ chohmit hʋsh a yʋmohma he hʋchi ʋlhtoka tok ʋt, ai okcha̱ya pisa he hʋsh ai ahni kʋt achʋfa hoke.

Efeshan 5:2

Micha Klaist ʋt pi̱ hullo cha, pishno ak atuk mak o̱ nan ashʋchi isht ʋlhtoba, Chihowa nan i̱ balama, isht il im issa tok a̱ chiyuhmit, ai it i̱ hullot hʋsh ai itʋnowashke.

Filippian 1:27

Nana hʋsh a kaniohmi kʋt Klaist im anumpa ak o̱ isht ai ʋlhpesa kak banashke: yohmi na onʋt hʋchi pesa li hokmá, keyukmʋt kanima a̱ya li ik saksho hokmá nana kia na hʋchim a kaniohmi puta yʋmmʋt shilombish achʋfa, im anukfila achʋfa hosh ʋbanumpa ai yimmi ka hʋsh it iba foho̱ʋt kʋllot hʋsh hieli ho̱ haha̱klo lashke.

Filippian 3:14

Achunanchit ai ʋlbi ya̱ ma̱ha̱ya li, nan ʋlbi yʋmmʋt Klaist Chisʋs pulla kak o̱ Chihowa yʋt ʋba et a hoho̱yo kak oke.

Koloshan 1:10

Micha nan toksʋli achukma puta ka isht ai ʋni, micha Chihowa nan isht im ithana ya̱ isht i̱ shahlit isht ia hosh, Chitokaka ya̱ ai im ʋlhpiesʋt nana moma ka isht yukpali cha;

Koloshan 2:6

Yʋmohmi ka Klaist Chisʋs Chitokaka ya̱ hʋsh i̱ yimmi hatuk okʋt, yʋmohmit hʋsh iba nohowashke:

Koloshan 4:12

Epaflas, yʋmmʋt hʋchishno mak inli, Klaist in tishu hosh pit hʋchi aiokpʋchishke, micha Chihowa nan ai ahni moma ka a kʋllot ai a̱hlit hʋsh hikia hi a̱ anumpa ilbʋsha achunanchit isht hʋchi anumpohonli bilia yoke.

1 Hlessalonian 2:12

Yohmi hokʋt ʋba apehlichika holitopa ya̱ hʋsh esha chi̱ ka, Chihowa, yʋmmak osh hʋchi hoyo tuk a̱, hʋsh im ai a̱hla he ak atuk.

2 Hlessalonian 1:11

Yʋmohmi hoka anumpa ilbʋsha isht e hʋchim anumpohonli na bilia kʋt, pin Chihowa yʋt nan isht ilaiyukpa ilʋppak ash hʋsh isha hi a̱ ʋlhpesa hʋchi ahni cha, ilap nan isht i̱ kana aiokpancha he achukma moma, micha ai yimmi a toksʋli nan isht im ai a̱hli aiena ka isht hʋchim atahli hokbano il ai ahni hoke.

2 Timohli 1:9

Yʋmmak osh pi okchalinchi cha, ʋba nan isht ilaiyuk pa holitopa ho̱ il iesha he mak o̱ pi atokoli kʋt, pishno nan il ai isha he ai ʋlhpiesa kak o̱ yohmi keyu, amba ilap nan isht im anukfihinla hosh, yakni ik tobo pilla kash inli ho̱ ilap isht i̱ kana ya̱ Chisʋs Klaist ak atuk pulla mak o̱ pihi̱ma kak a tok oke:

Titus 2:10

Micha ik hu̱kopo, amba nan oklu̱ha ka ai a̱hli achukma he; yʋmohmi cha Chihowa pi Okchalinchi im anumpa ha̱ nan oklu̱ha ka isht a holitobla chi̱ ka ish i̱ mihi̱hashke.

Heblu 13:21

Ilap nan ai ahni ka hʋsh yʋmihcha chi̱ ka nan toksʋli achukma puta ka hʋchi anukfohkihinchit isht hʋchim ai a̱hlichi ho̱, ilap nan isht im ʋlhpiesa fehna ka Chisʋs Klaist ak atuk pulla kak o̱ hʋsh yʋmihinchashke; yʋmmak pulla kak o̱ isht a holitopa yokʋt immi biliʋt peh biliashke. Amen.

Heblu 3:1

Yʋmohmi hoka itibapishi holitopa ʋhleha ʋba nan isht ilaiyukpa et annoho̱wa ka ibai i̱shi hʋchia ma! Apostel, micha Na‐holitompa isht ʋtta chinto, Chisʋs Klaist a̱ il ithaiyana, il il apihi̱sa tok a̱ hʋsh anukfihinlashke.

1 Pita 2:11

A̱ holitopa ʋhleha ma! nana hʋchim ai ahni li kʋt hatak ik ithano, micha ilap i̱ yakni keyu ai itʋnowa chiyuhmit, haknip imma nan ahni, yʋmmʋt shilombish in tanampi yoka hʋsh i̱ filaha̱mashke:

1 Pita 3:9

Micha nana ik achukmo hʋchi yʋmihchikma, nana ik achukmo yo̱ hʋch ik falamincho kashke: micha isht ik hʋchi ahobalokma, isht ik ahobalo yo̱ hʋch ik falamincho kashke; amba ilʋppa ik holbo i̱ kanʋt hʋsh im anumpulashke; ilʋppak o̱ hʋsh yʋmohma hi osh hʋchi ʋlhtoka tok ʋt hʋsh ithana hokʋt, yohmi hosh nan isht ai yukpa ya̱ hʋsh pisa he ʋlhpesa yatok.

1 Pita 5:10

Amba Chihowa isht i̱ kana chinto yʋmmak osh Chisʋs Klaist ha tok pulla mak o̱ ilap isht aholitopa bilia yoka il esha he mak o̱ pi atokoli tok ʋt, yakosi itin takla hʋsh ilbaha̱sha ha yak o̱, ai a̱hlichit kʋllochit hilechit, hlampkohonchit, chu̱kʋsh fitikʋchi iksho ho̱ hʋchi anukfokihinchashke.

2 Pita 1:3

Yohmi kʋt ilap ai a̱hli kak osh nan oklu̱ha isht ai okcha̱ya, micha Chihowa isht holitobli imma aiena ka pihi̱ma kʋt, ilap ithʋna kak osh nan ashʋchi ik pim iksho hosh isht a holitopa ya̱ e pihi̱sa he mak o̱, pi atokoli tok:

2 Chan 1:5

Yʋmohmi ka ohoyo ma! anumpa ʋlhpisa himona nana ho̱ pit chi̱ holissochi li ho̱ keyu: amba ʋmmona mak inli ho̱ hʋpin tonla tok ash iloh it i̱ hulla he yak o̱ chim ai ahni lishke.