Efeshan 3:9 - Chahta Holisso Holitopa 1886

⁹ Micha im anukfila luma hatok a̱ itibai achʋfa kʋt kaniohmi ka hatak moma ka pisachi la hi atok; yʋmma yakni tobahpi a minti ka Chihowa hʋt Chisʋs Klaist nana moma ka isht ikbi tok ʋt, luhmit ieshi tok;

Efeshan 3:9 Iomraidhean Croise

Atʋloa 33:6

Chihowa im ʋnnumpa ho̱ ʋba yʋt tubah ma̱, itih fiopa ho̱ nanah puttah momah ai asha kʋt tuba tok.

Mahlu 10:27

Nana ka okhlili̱ka yo̱ a hʋchim anoli li ka a tohwikelika yo̱ hʋsh ai anolashke: micha nana ka haksobish tikelichi hosh hʋsh haklo kʋt, yʋmmak ash aboha pakna yo̱ hʋsh ai anolashke.

Mahlu 13:35

Hopaii ʋt anumpuli mʋt, Nan‐isht ʋlhpisa ho̱ sʋtih ha̱ isht anumpohonli lashke; yakni toba tok taiyakla ka na luma a̱sha chatuk puta ka anohonli lashke, achi tok a̱ ont aia̱hla̱ chi̱ ka, nan‐isht ʋlhpisa ho̱ keyukma im anumpuli tok keyushke.

Mahlu 25:34

Yohmikmʋt Mi̱ko ash osh im ibbak isht‐impak‐imma a̱sha kash o̱, A̱ki i̱ holitopa hʋchia ma! ho minti, ʋba apehlichika yakni ʋt ik tobo ki̱sha mak o̱ hʋchim ʋlhtaha tok ʋt hʋsh ai ahantashke.

Mahlu 28:19

Yohmi hoka hʋsh ilhkoli cha, oklushi moma ka nan ithʋna ikbit, I̱ki, micha Ushi, mikmʋt Shilombish Holitopa aiena ho̱ isht a hochifochit hʋsh baptismo honchashke:

ʋBanumpa Luk Ʋt Holissochi Tok 24:47

Micha ile kostinincha he, mikmʋt ai ashʋchika puta isht a kashofa he aiena kʋt yʋmma hohchifo ho̱ isht anumpa kʋt, ʋmmona ka Chelusalem ak o̱ ai isht ia hosh, oklushi moma isht im anumpa hi oke, achi hosh yakohmit holihi̱so hoke.

Chan 10:30

Ʋno, A̱ki itatuklo li kʋt il it ibai achʋfa hoke, achi tok.

Chan 5:17

Yohmi kia Chisʋs ʋt, A̱ki ʋt toksahanli na himak a kak o̱, ʋno ʋt toksʋli li hoke.

Chan 5:19

Mihma Chisʋs ash osh afalaminchi mʋt, A̱hlishke, a̱hli mak o̱ hʋchim achi lishke; Ushi yʋt ilapo inli hokʋto nana kaniohma he keyu, amba nana ho̱ I̱ki ʋt yʋmihchi ho̱, pisa tuk mak oh chatuk oke; nana ho̱ yʋmmak osh a yohmik mak o̱, Ushi yak kia yʋmmak o̱ ai yohmi akinli hoke.

Apostel isht Anumpa 15:18

Ʋmmona pillʋt isht auehinchi ka Chihowa yʋt ilap nana a kaniohmi puta ka mominchit ithaiyana chatuk.

Loman 11:25

Yohmi ka itibapishi li ʋhleha ma! Islael a kashapa hokʋt im anukfila hʋt kahanlo na Chentail ʋhleha isht ai alotowa yʋt ʋla he yak atok, anumpa ai a̱hli ik otano chatuk ilʋppa hʋch ik ithaiyano hosh, hʋchishno ash inli hosh ile yimmit hʋsh ai asha hi a̱ ak hʋchim ai ahnoshke.

1 Kolinhlian 2:7

Yohmi kia Chihowa isht im a hopoyuksa yʋmmʋt luma hatok a̱ yʋmma isht pi a holitopa hi o̱, yakni ʋt ik tobo ki̱sha ma, Chihowa hʋt apesa tok ak o̱ isht il anumpohonlishke.

Efeshan 1:4

Yohmi hosh yakni in tolahpi ʋt iksho pilla ma, Klaist a̱ a pi atokoli kʋt, i̱ hullot nan ai ashʋchi iksho, micha liteha iksho hosh yʋmma itikba il a̱ya he ak atok oke.

Efeshan 3:2

Chihowa nan isht i̱ kana ʋlhpisa ishit hʋchim anumpuli la chi̱ ho̱ ʋma tok a̱, hʋsh haklo mʋhli tok a̱;

Efeshan 6:19

Micha ʋno ma isht hʋs si anumpohonlashke: yohmi na itih kohchit anumpuli la hi a̱ ʋma na ʋbanumpa luma ya tok a̱ anohonli la chi̱ kʋt, nukwa̱ya ikshot sʋtih ha̱ wakʋmmi lashke.

Koloshan 1:23

Nan ai yimmika ya̱ a kʋllot nan anukfilli fitikʋchi iksho, micha nana ka yohma he ahni, ʋbanumpa a takali yʋmma hʋsh haiyaklo ma, yʋmmak ash ot okla moma shutik nuta aiasha ka im anuhumpa tuk a̱ hʋch ik i̱ filʋmmo ka chi̱ mak o̱, Pal sia hʋt ʋbanumpa isht ʋtta toba li tuk osh;

Koloshan 1:26

Anumpa yʋmmʋt nitak bilia kash, micha hatak cha̱shpo a̱sha ka in luma hatok kia, himak ano ʋbanumpa yimmi puta ka im otʋni yak oke.

Koloshan 3:3

Hʋch illi; yohmi hosh hʋchi okcha̱ya yʋt Klaist a̱ iba lumʋt Chihowa ya̱ ibafoyuka hoke.

Koloshan 4:3

Yohmi mak inlit Klaist im anumpa luma yatok, micha yʋmma pulla kak o̱ sa talakchi ak inli tuk ʋt isht anumpuli la he, okhissa ya̱ Chihowa yʋt pin tiwa hi a̱, isht hʋsh anumpohonli mak inlashke.

2 Hlessalonian 2:13

Yohmi kia itibapishi li Chitokaka i̱ holitopa hʋchia ma! hʋchishno pulla kak o̱ Chihowa ya̱ yak oke il im aiahnit bilia he ʋlhpesa hoke. Shilombish isht a kashofa, micha anumpa a̱hli yimmi pulla hosh hʋchi okcha̱ya he ai ʋmmona ka hʋchi atokoli tok oke:

1 Timohli 3:16

Mikma moyuma kʋt ilʋppa ai a̱hli ai ahnishke; ʋbanumpa nan otʋninchi kʋt na chinto fehna; yohmi kʋt Chihowa hʋt haknip o̱ isht otʋnit, Shilombish Holitopa ka isht ai a̱hlit, enchil ʋhleha ha̱ im a haiakʋt, Chentail ʋhleha ha̱ isht im anuhumpa tok, mihma yakni paknaka ya̱ ai i̱ yihimmi tok o̱, ʋba a holitopa ka ik chukowá im ai ahni na pit chukowa tok.

2 Timohli 1:9

Yʋmmak osh pi okchalinchi cha, ʋba nan isht ilaiyuk pa holitopa ho̱ il iesha he mak o̱ pi atokoli kʋt, pishno nan il ai isha he ai ʋlhpiesa kak o̱ yohmi keyu, amba ilap nan isht im anukfihinla hosh, yakni ik tobo pilla kash inli ho̱ ilap isht i̱ kana ya̱ Chisʋs Klaist ak atuk pulla mak o̱ pihi̱ma kak a tok oke:

2 Timohli 4:17

Yohmi kia Chitokaka yʋt si awant hikia tok; micha sa hlampkohonchi na ʋbanumpa isht anumpohonli li chatuk ʋt ai a̱hli fehnʋt ʋno ak o̱ isht ai otʋni ho̱, Chentail moyuma kʋt haiyaklo tok: yohmi ma koi chito itakha ya̱ sa kohchi tok.

Titus 1:2

Yohmi cha ai okcha̱yʋt bilia pisa he ai ahna hi atok, yʋmmak oka Chihowa holaba he keyu yʋt, nana puta kʋt ik tobo pilla kash inli ho̱, im ihi̱sa tok;

1 Pita 1:20

Yʋmmak osh yakni intolahpi ʋt ik tobo pilla kash o̱ tikbanli ʋlhtoka tok osh, hʋchishno yak atuk pulla kak o̱ himak ont ishtaiyopi ilʋppa otaiyani tok oke;

Nan Otʋni 13:8

Mikma kʋna hosh hohchifo hʋt yakni tobʋt a minti tok ai ʋhli ka ʋlhtobʋt illi tok Chukfʋlhpobushi i̱ holisso ai‐okcha̱ya a holisso tok keyu kʋt, yakni pakna ai asha moma kʋt yʋmmak ash o̱ aiokpahancha chi̱ hoke.

Nan Otʋni 14:6

Yakohmi ma anonti okla, oklushi ilaiyuka, mikmʋt hatak im anumpa ilaiyuka moma yakni pakna ai asha tok a̱ im anumpula chi̱ hosh, enchil inla yʋt ʋbanumpa ai a̱hlit bilia il ai eshi hosh ʋba shutik iklʋnna ya̱ hikʋt a̱ya mʋt,

Nan Otʋni 17:8

Nampoa nukshopa yash, yʋmma ish pi̱sa tuk a̱ anta tuk osh, anonti ikshoshke; yohmi kia yʋmmʋt chiluk hofobi ai ʋhli iksho a̱ auet a kohcha chi̱ hoke; mikmʋt aiokpuloka ont chukowa chi̱ hoke: mikma yakni pakna ai asha puta kʋt, kʋna hosh i̱ hohchifo hʋt yakni toba tok taiyakla ka holisso ai okcha̱ya ya̱ a holisso tok keyukmʋt, nampoa nukshopa, yʋmmʋt anta tok osh, anonti iksho kia, anonti anta ak inli ka okla pisakmʋt, nukhlakancha chi̱ hoke.

Nan Otʋni 4:11

Chishno ak osh nan oklu̱ha ka ish ikbi tok: micha chishno nana ish ai ahni ho̱ nana ai asha kʋt toba tok oka, Chihowa ma! nan isht a holitopa, micha isht ahninchi, mikmʋt isht chim ai a̱hli puta kʋt a chimmi ha he ʋt chim ʋlhpesa hoke.