Efeshan 3:5 - Chahta Holisso Holitopa 1886

⁵ Yʋmmʋt nitak tikba ma hatak ushi ʋhleha ha̱ im annoa tok a̱ ohmi keyu ho̱, himak ano Shilombish ʋt apostel holitopa ʋhleha, micha hopaii puta aiena ka im otʋninchi hoke;

Efeshan 3:5 Iomraidhean Croise

Chute 1:17

Amba a̱ holitopa ʋhleha ma! hʋchishno yʋto pin Chitokaka Chisʋs Klaist im anumpeshi ʋhleha hʋt tikba kash anumpa isht hʋchim anumpohonli tok puta kak o̱ hʋsh ithaiyanashke:

2 Pita 3:2

Yohmi na hopaii ʋhleha hokʋt tikba kash anumpa puta isht anumpohonli tok; micha Chitokaka, micha Okchalinchi im anumpeshi pia hʋt nana e hʋchim apihi̱sa tok aiena ka isht hʋsh ithaiyana chi̱ hatuk;

Efeshan 2:20

Yohmi cha apostel, micha hopaii puta kʋt in tolahpi yokma, Chisʋs Klaist ak inli hosh noshkoboka chukbika tʋli yo̱, onʋtula hosh hʋsh it abana hoke.

Efeshan 3:9

Micha im anukfila luma hatok a̱ itibai achʋfa kʋt kaniohmi ka hatak moma ka pisachi la hi atok; yʋmma yakni tobahpi a minti ka Chihowa hʋt Chisʋs Klaist nana moma ka isht ikbi tok ʋt, luhmit ieshi tok;

Apostel isht Anumpa 10:28

Yohmi mʋt Chu hatak okʋt okla inla takla a̱ya hokmá, keyukmʋt ont ibafohka hokmá nana ka kaniohmit im ai ʋlhpiesa keyu ka hʋsh ithaiyanʋshke; yohmi kia ʋno yokʋto hatak nana kia ik ʋlhpeso, micha okpulo a la he keyu ho̱, Chihowa yʋt ʋm abahanchi tuk oke.

ʋBanumpa Luk Ʋt Holissochi Tok 10:24

Hopaii ʋhleha, micha mi̱ko ʋhleha aiena kʋt laua hosh hʋchishno nana hʋsh pihi̱sa ka pisa bʋnna tuk osh, ik peso ki tok: micha hʋchishno nana hʋsh haha̱klo ka haklo bʋnna tuk osh, ik haklo ki tok o̱, hʋchim anoli lishke, achi tok.

Chan 14:26

Yohmi kia nanuktalali, yʋmmʋt Shilombish Holitopa mak o̱ a̱ hohchifo pulla hatuk mak o̱ A̱ki ʋt auet kancha chi̱ hoka, yʋmmak osh nan oklu̱ha ka hʋch ithʋnanchit, nana ho̱ hʋchim ahanchi li tuk ma, moma falaminchit hʋchi anukfohka hi oke.

Mahlu 13:17

A̱hli mak o̱ hʋchi̱ miha lishke, Hopaii yʋt la̱wa, micha hatak hochukma aiena kʋt nana hʋsh pi̱sa ka pisa bʋnna tok kia, okla ik peso tok; micha nana hʋsh ha̱klo ka haklo bʋnna tok kia, ik haklo tok oke, achi tok.

Loman 16:25

Yohmi cha Chisʋs Klaist ʋt nan abahanchi tok ʋm ʋbanumpa ak atuk na luma ituyula chatuk yakni toba tok itin takla ka isht ik anumpo chatuk osh isht anuhumpa ak atuk puyula mak o̱ isht a hʋchim ai a̱hlicha he im ai ʋlhpiesa hatuk,

Chan 16:13

Yohmi kia Shilombish a̱hli, yʋmmʋt ʋla hok mak osh, nan ai a̱hlika puta ma hʋch ithʋnancha hi oke; yʋmmak okʋt ilap nana aiahni hosh anumpula he keyu hokʋt; amba nana ho̱ haklo tuk mak osh mihi yo̱ anumpula hi oke; mikmʋt nana a kaniohma he puta ka hʋchim otʋnihincha hi oke.

Mahlu 23:34

Yohmi hoka, Yakeh! hopaii ʋhleha, micha hatak hopoyuksa ʋhleha, mikmʋt na holissochi ʋhleha aiena ka pit hʋchin tihleli lishke; yohmi ka kanimi ka hʋsh ba he, mikmʋt, iti‐taiyukhʋna hʋsh a honahlichi aiena he; mikmʋt kanimi ma hʋchi̱ sinakak puta hʋsh a fʋmmikmʋt, hʋsh ilbʋshachi kʋt tʋmaha puta ma isht hʋsh a̱ya hi oke.

ʋBanumpa Luk Ʋt Holissochi Tok 11:49

Yʋmohmi ka Chihowa i̱ hopoyuksaka yak kia yak achi tok. Hopaii ʋhleha, micha ʋbanumpeshi ʋhleha aiena ka pit in tihlihinli likma, kanima ka ʋbikmʋt, anonti issikkopali aiena he;

1 Kolinhlian 2:10

Yohmi tok o̱ Chihowa hʋt ilap imi Shilombish pulla ho̱ yʋmmak ash isht a pim otʋninchi hatuk: Shilombish ak osh nana puta ka silhhit ithana hokʋt, a̱hli, Chihowa nana im a kaniohmi a hofobi kak kia ai yʋmohmi yoke.

Mahlu 20:7

Mihma yʋmmak ash osh, Amba hatak nana kia nan ik pi tohno kʋno, im achi tok: mihma yʋmmak ash o̱, Hʋchishno ak kia pa̱kʋpi aholokchi a̱ pit hʋsh abeha ak inlashke; atuk ma kaniohmi kak osh ai ʋlhpiesakma, mih mak o̱ hʋsh ishashke, im achi tok.