Efeshan 3:4 - Chahta Holisso Holitopa 1886

⁴ Yʋmmak o̱ hʋsh itim anumpulikmʋt, Klaist im anukfila luma hatok a̱ ithana li ka, hʋsh akostinincha hinla hoke;

Efeshan 3:4 Iomraidhean Croise

Mahlu 13:11

Mihma afalaminchi mʋt, Hʋchishno yokʋto nan ik otano ʋba apehlichika ahala̱ya puta ka hʋsh ithana hi okʋt hʋchim ʋlhpisa ha tok; amba yʋmmak okʋto im ʋlhpisa keyu hoka.

ʋBanumpa Luk Ʋt Holissochi Tok 8:10

Mihma, Hʋchishno ano Chihowa apehlichika ya̱ nana kʋt ik otaiyano ke tuk a̱ hʋsh akostinincha he mak osh hʋchim ʋlhpisa hoke: amba inla ka yokʋto pi̱sa kia, pisa he keyu; mikmʋt ha̱klo kia, ik akostinincho ka chi̱ ho̱ nan‐isht ʋlhpisa anumpa ha chi̱ ha tok.

Loman 11:25

Yohmi ka itibapishi li ʋhleha ma! Islael a kashapa hokʋt im anukfila hʋt kahanlo na Chentail ʋhleha isht ai alotowa yʋt ʋla he yak atok, anumpa ai a̱hli ik otano chatuk ilʋppa hʋch ik ithaiyano hosh, hʋchishno ash inli hosh ile yimmit hʋsh ai asha hi a̱ ak hʋchim ai ahnoshke.

Loman 16:25

Yohmi cha Chisʋs Klaist ʋt nan abahanchi tok ʋm ʋbanumpa ak atuk na luma ituyula chatuk yakni toba tok itin takla ka isht ik anumpo chatuk osh isht anuhumpa ak atuk puyula mak o̱ isht a hʋchim ai a̱hlicha he im ai ʋlhpiesa hatuk,

1 Kolinhlian 13:2

Yohmi ka Shilombish anukfoyukʋt anumpuli na holhpela ka ieshi li, micha nan ik otano ki tok moma ka akostininchi li, micha nan ithana moma ka ieshi li, yohmi cha na yimmi moma ma ieshi li, yohmi hokʋt nʋnih hochito puta ka kanʋllichi la hinla kia, nan i̱ hullo yʋt ik sʋm iksho hokmʋto, nana ho̱ sia keyu hoke.

1 Kolinhlian 4:1

Klaist in tishu ʋhleha, micha, nan a̱hli Chihowa hʋt otʋninchi tok puta nan im apesʋchi ʋhleha mak o̱, chiyuhmichit hatak puta kʋt isht pi anukfillashke.

2 Kolinhlian 11:6

Yohmi ka anumpuli hokʋt ik imponno sia, yohmi kia nan ithana kak o̱ keyu; yohmi kʋt hʋch itin takla ya̱ nana moma ka achukmalit isht e hʋchim otaiyani hatuk oke.

Efeshan 1:9

Yʋmihcha he il ai ahni tok ʋt ʋlhpiesa ahni pulla hosh, im anukfila luma hatok a̱ pim otʋninchi kʋt;

Efeshan 3:3

Yʋmmʋt Chihowa im anukfila luma hatok a̱ kaniohmichit ʋm otʋninchi tok a̱, anumpa ik lauwo ka tikba ka hʋchi̱ holissochi li tok oke.

Efeshan 3:9

Micha im anukfila luma hatok a̱ itibai achʋfa kʋt kaniohmi ka hatak moma ka pisachi la hi atok; yʋmma yakni tobahpi a minti ka Chihowa hʋt Chisʋs Klaist nana moma ka isht ikbi tok ʋt, luhmit ieshi tok;

Efeshan 5:32

Ilʋppʋt na fehna chinto hoke: yohmi kia Klaist, micha chʋch ita tuklo yʋmmak o̱ isht miha lishke.

Efeshan 6:19

Micha ʋno ma isht hʋs si anumpohonlashke: yohmi na itih kohchit anumpuli la hi a̱ ʋma na ʋbanumpa luma ya tok a̱ anohonli la chi̱ kʋt, nukwa̱ya ikshot sʋtih ha̱ wakʋmmi lashke.

Koloshan 1:26

Anumpa yʋmmʋt nitak bilia kash, micha hatak cha̱shpo a̱sha ka in luma hatok kia, himak ano ʋbanumpa yimmi puta ka im otʋni yak oke.

Koloshan 2:2

Yʋmohmi ho̱ chu̱kʋsh ʋt it i̱ hullot itʋshekonompa hosh chu̱kʋsh ʋt hopoho̱hlashke: yʋmohmi hosh ai yimmi a̱hli isht ai yukpa chinto ka ai a̱hlit ithana he, yohmi hosh Chihowa yʋmmʋt I̱ki, micha Klaist isht anumpa luma hatok ma otʋnihincha he ak atok;

Koloshan 4:3

Yohmi mak inlit Klaist im anumpa luma yatok, micha yʋmma pulla kak o̱ sa talakchi ak inli tuk ʋt isht anumpuli la he, okhissa ya̱ Chihowa yʋt pin tiwa hi a̱, isht hʋsh anumpohonli mak inlashke.

1 Timohli 3:16

Mikma moyuma kʋt ilʋppa ai a̱hli ai ahnishke; ʋbanumpa nan otʋninchi kʋt na chinto fehna; yohmi kʋt Chihowa hʋt haknip o̱ isht otʋnit, Shilombish Holitopa ka isht ai a̱hlit, enchil ʋhleha ha̱ im a haiakʋt, Chentail ʋhleha ha̱ isht im anuhumpa tok, mihma yakni paknaka ya̱ ai i̱ yihimmi tok o̱, ʋba a holitopa ka ik chukowá im ai ahni na pit chukowa tok.

1 Timohli 3:9

Nan ai yimma hi ʋt ʋbanumpa a luma hatok a̱ im anukfila kashofa achukma hosh isht ieshashke.