Efeshan 3:3 - Chahta Holisso Holitopa 1886

³ Yʋmmʋt Chihowa im anukfila luma hatok a̱ kaniohmichit ʋm otʋninchi tok a̱, anumpa ik lauwo ka tikba ka hʋchi̱ holissochi li tok oke.

Efeshan 3:3 Iomraidhean Croise

Apostel isht Anumpa 22:17

Atuk o̱ yakohmi tok, falamʋt Cheluselem ash ʋla lish, tempel anu̱kaka ya̱ ʋba pit ai anumpohonli li mʋt, sa holhpokuna chohmi tok.

Apostel isht Anumpa 22:21

Mihma, Hopaki pilla, okla nan ik ithano ʋhleha aiasha kak o̱ pit chi chʋffichi la chi̱ hoka, ish a̱yashke; ʋm achi hokʋno; achi tok.

Apostel isht Anumpa 23:9

Mihma yahapa chinto kʋt takali tok; mihma holissochi ʋhleha, Falisi apehanchi kʋt wakaya cha, anumpa ha̱ isht ai isso fehnʋt, Nan ik ʋlhpeso nana kia hatak ilʋppa kil ai akostininchoshke; amba shilombish okmá, keyukmʋt enchil okmá nana hosh im anumpuli tok okma, Chihowa ya̱ kiloh itibo kashke; ahanchi tok.

Loman 11:25

Yohmi ka itibapishi li ʋhleha ma! Islael a kashapa hokʋt im anukfila hʋt kahanlo na Chentail ʋhleha isht ai alotowa yʋt ʋla he yak atok, anumpa ai a̱hli ik otano chatuk ilʋppa hʋch ik ithaiyano hosh, hʋchishno ash inli hosh ile yimmit hʋsh ai asha hi a̱ ak hʋchim ai ahnoshke.

Loman 16:25

Yohmi cha Chisʋs Klaist ʋt nan abahanchi tok ʋm ʋbanumpa ak atuk na luma ituyula chatuk yakni toba tok itin takla ka isht ik anumpo chatuk osh isht anuhumpa ak atuk puyula mak o̱ isht a hʋchim ai a̱hlicha he im ai ʋlhpiesa hatuk,

2 Kolinhlian 12:1

Nana ka isht ilauata la he okʋto ʋm ʋlhpesa keyu ak inli chishke. Nana ka Chitokaka yʋt sa pisachit ʋm otʋninchi tok ak o̱ isht anumpuli li la chi̱ hoke.

Kaleshan 1:12

Hatak o̱ im ai ishi li tuk keyu, micha im ai ithʋna li tuk keyu hokʋt; amba Chisʋs Klaist ak osh ʋm otʋninchi hatuk.

Efeshan 1:17

Yohmi ka pin Chitokaka Chisʋs Klaist in Chihowa, na holitopa puta I̱ki ʋt Shilombish isht a hopoyuksa, micha isht otʋninchi hʋch ima na yʋmma ithaiyanʋt hʋsh maha̱ya he;

Efeshan 3:4

Yʋmmak o̱ hʋsh itim anumpulikmʋt, Klaist im anukfila luma hatok a̱ ithana li ka, hʋsh akostinincha hinla hoke;

Efeshan 3:6

Yʋmohmi na Chentail ʋt ʋbanumpa pulla ho̱ iba taklʋt nan ai isha he ʋlhpesa toba, micha haknip ai achʋfa toba cha, Klaist pulla ho̱ nan im ihi̱sa tok a̱ ibai isha he atok:

Efeshan 3:9

Micha im anukfila luma hatok a̱ itibai achʋfa kʋt kaniohmi ka hatak moma ka pisachi la hi atok; yʋmma yakni tobahpi a minti ka Chihowa hʋt Chisʋs Klaist nana moma ka isht ikbi tok ʋt, luhmit ieshi tok;

Efeshan 6:19

Micha ʋno ma isht hʋs si anumpohonlashke: yohmi na itih kohchit anumpuli la hi a̱ ʋma na ʋbanumpa luma ya tok a̱ anohonli la chi̱ kʋt, nukwa̱ya ikshot sʋtih ha̱ wakʋmmi lashke.

Koloshan 2:2

Yʋmohmi ho̱ chu̱kʋsh ʋt it i̱ hullot itʋshekonompa hosh chu̱kʋsh ʋt hopoho̱hlashke: yʋmohmi hosh ai yimmi a̱hli isht ai yukpa chinto ka ai a̱hlit ithana he, yohmi hosh Chihowa yʋmmʋt I̱ki, micha Klaist isht anumpa luma hatok ma otʋnihincha he ak atok;

Koloshan 4:3

Yohmi mak inlit Klaist im anumpa luma yatok, micha yʋmma pulla kak o̱ sa talakchi ak inli tuk ʋt isht anumpuli la he, okhissa ya̱ Chihowa yʋt pin tiwa hi a̱, isht hʋsh anumpohonli mak inlashke.

Heblu 13:22

Mikmʋt itibapishi li ʋhleha ha̱ nan isht atohnochi anumpa achukma ka ʋlhpesa ahnit hʋsh aiokpʋchi hokbano hʋchim ai ahni lishke: anumpa kanomosi hʋchi̱ holissochi li tuk okʋt.

1 Pita 5:12

Silfanʋs hʋsh itibapishi ai a̱hli ahni li ha tuk osh, anumpa kanomosi ka holissochit ima li ho̱, isht hʋchim ia tok; yohmi kʋt nana hʋchi̱ miha li kʋt, hʋsh a hikia yʋmmak osh Chihowa hʋt isht i̱ kana ai a̱hli mak o̱, atokolit hʋchim anoli lishke.

2 Pita 3:15

Mikmʋt pin Chitokaka yʋt ilbʋshala chi̱ kʋt sʋlaha kʋt isht pi ai okcha̱ya he atuk, il ai ahnashke; ilʋppa chiyuhmi il itibapishi Pal ak kia isht a hopoyuksa ya̱ anukfokihinchi ho̱ hʋchi̱ holissohonchi tok: